¹ Buna, yimona mbasi nkaka yilulendu wukulumuka mu zulu. matuti manzingama, nkongolo yikala ga ntandu not yani. luse luyani lukala bonsu ntangu ye malu mayani bonsu nsikunu zitiya. ² Wusimba muana nkanda wuzingama wukala wuzibuka mu koku kuyani ye wukundika kulu kuyani kukala ga ntandu mbu ye kulu kuyani kukimama ga ntotu. ³ Buna wuboka mu ndinga ngolu bonsu yina yi nkosi yita samba ye ntangu kaboka, bingundu bi nsambuadi bitatula. ⁴ Ntangu bio bingundu nsambuadi bitatula, yikala ga mfulu mu Sonia kansi ndinga yituka ku zulu yita: kala ye mansueki mu mana bingundu bitedi. kutudi mo nsonokono ku.// ⁵ Landila, mbasi yukala ga ntandu mbu ye ntotu, wuzangula koku ku kitata ku zulu ye ⁶ Wudia ndefi mu nkumbu yi yuna wuzingilanga ntangu yikayimani; yuna wusema zulu ye biakulu bina muna, ntotu ye biakulu bibina muna, mbu ye biakulu bibina bibindameni muawu: kadi kagakala diaka ntangu ku. ⁷ Kansi kilumbu kiokini mbasi nsambuadi si kakubama mubula mpungi yani, mansueki ma Nzambi si malungana bonsu bukatendudila mawu ku minsadi miyani mimbikudi. ⁸ Ndinga yinua ku zulu yigoga ku munu diaka: nda, baka nkanda wuzibuka wuna mu koku ku mbasi yu wuna ga ntandu mbu ye ntandu ntotu.// ⁹ Buna, yiyenda ku mbela mbasi ye yinlomba kangana finkanda. wuntela: baka nkanda ye dia wawu. si wukala nkadi mu kivumu kingeyi kansi mu nua ngeyi, si wukala diaka nayaki yaki lutila buiki. ¹⁰ Yibaka finkanda mu moku ma mbasi ye yidia. wukala nayaki yaki lutila buiki mu nua munu kani kumosi buyimanisa wawu mu dia, kivumu kimunu kikuma nkadi. ¹¹ Buna, ndinga zinkaka zintela: tuta bikula diaka ku nkangu mbidi, zinsi, zindinga ye mintinu.