¹ Yoyani yilusengumunu lu Yesu-Klistu loluani Nzambi ka ngana mu kusengumuna ku minsadi miandi; monuini si mabutuka bungangi. Mo muini nsadi'andi Yoani kazayikisila mowani. ² Yoani wu ta kimbangi ki momuani makulu matadidi ngogo Nzambi ye Yesu-Klistu. ³ Wusakumuka yena yoyuani wutanganga ye bobani bawanga ye basadilanga ngongo mi mbikudulu kadi ndungusulu'andi yina lukifi. ⁴ Yoani, ku mabundu ma nsambuadi momuini muna mu Asia: nlemvu ye ngemba ku bobani bena , bakala, ye si besa ye mu ndambu zi Mpefi zinsambuadi zina ku ntuala kinda di kimfumu, ⁵ Ye kundambu Yesu Klisto, wuna mbangi lembama, nsoni mu bafua ye Mfumu mintinu mi ntotu. ku yuna wutuzolanga ye wutukangula ku masumu mu menga mayani. ⁶ Wutugangila kintinu, bangudila zinganga ba Nzambi ye Se diyani, ku yani nkembu ye lulendu mu mimvu miakulu! Ameni! ⁷ Tala! lueki mu matuti; disu diakulu si dimona, kani bawu bantombula ye makanda ma ntotu si manionguluka mudiambu diyani. inga!Ameni! ⁸ < Munu yi Alafa ye Omega> butedi Mfumu>> yuna wuna, wukala ye si wisa, nkua lulendu.>> ⁹ Munu Yowani mpangi benu ye yuna takabula ye benu mampasi, kintinu ye luzindalalu Bina mu Yesu; ¹⁰ yikala ga sanga babokilanga Patimosi mukuma ki n'gogu Nzambi ye kimbangi ki Yesu Klisto. Yikala mu Mpefi ntangu lumbu ki Mfumu. yiwa kunima munu ndinga yizitu bonsu yina yi tulumeka, ¹¹ Ngita: sonika mu nkanda momuini tamona ye fill mawu ku mabundu mansambuadi: ku Efeso, ku Simine, ku Pelegami, ku Salad, ku Kiladelefia ye Lawodikia. ¹² Yibaluka mu sengumuna nki ndinga yina yi ngogesingi, ye buyibaluka, yimona minda nsambuadi mi wola. ¹³ Gakati ki minda, muntu wukala gana wufuanana ye muana muntu wuvuata kitunga kinda ti mumalu ye mponda wola mu nzungululu ntulu yani. ¹⁴ Ntu yani ye nsuki ziyani zikala zimpembi ye mesu Mani makala bonsu nlemu tiya. ¹⁵ Malu mayani makala bonsu kisengu ki mpembi beni, kisengu kimpembi kiyokuka ku zulu ditiya ye ndinga yani bonsu mazu maneni ma Masa. ¹⁶ Wusimba ntetembua nsambuadi mu koku kuyani ku kitata ye munua yani mutukidingi mbedi ki Mfumu yi sekusua mu menu modi. luse luyani lutenteningi bonsu ntangu mu ntetani neni. ¹⁷ Ntangu yimona, you ga malu mayani bonsu muntu fua. wukundika koku kuyani ga munu ye wuta: kubangi ku, Ngina wunteti ye wunsuka. ¹⁸ Ye Ngina yuna wuta zinga. you ye Mona, Ngita zinga nsuka nkatu. ye nsimbidi nsabi zi lufua ye zi bilumbu bilufua. ¹⁹ Sonika kuaku Mana mueni, Mana Mena ye Mana simesa. ²⁰ Go ku mansueki ma ntetembua nsambuadi mueni mu koku ku munu ye diminda nsambuadi mi wola: ntetembua zita song mbasi nsambuadi zi mabundu ye minda nsambuadi mita songa mabundu mansuambuadi.