10
1
Yesu wubokila minlongoki miyani miakulu mi kumi ye zodi ye wubagana lulendu mu mpevi zimbi mpasi nde bakula zawu ye mpi babuka makanda makulu ma bimbefu ye babatembilanga.
2
Bungangi, nkumbu zintumua zi kumi ye zodi yizi. ga nteti nteti, Simoni( yu wubabokedingi diaka Petelo), ye Andele mpangi yani; Yakobi, muana zebedayi, ye Yowani wuna mpangi yani;
3
Filipo, ye Belatelami; Toma, ye Matayi, mvakusi mpaku; yakobi, muana Alufua ye Tadeya;
4
Simoni Zeloti, ye Yuda muisi Sikadioti, yu wuyekula Yesu.
5
Bawu bakumi ye zodi, Yesu wubatuma; wubagana lukanukunu, kaluendi konsu nkonsu ku kuzinganga bapakanu ye kalukoti ku mu yonsu mbanza yimosi yi bisi Samaliya.
6
Kansi nkutu, luenda ku mamemi mavila ma nzo Isayeli. ye munzila,
7
Lulonga ye luta, kimfumu kimazulu kifinameni.
8
Lubuka babeta bela, lufutumuna mafua, luniakisa bankua buasi, ye lukula mpevi zimbi. mumpamba lutambuluedi, lugana diaka mu mpamba.
9
Kalunati kani wola, kani mbongu, kani vanza mu posi zibenu, kalutati ku kani nkutu mu nkangulu benu, kani nde biyunga biodi, kani nsampatu, kani nkawu.
10
Kadi kisadi kifueni mfutu yani mu kisalu kiyani.
11
Kani buna konsu mbanza ata gata disilukota, lusosa nani wuna wukubama mu kulutambula, ye lukala ku muntu yuna ti ye ntangu silukatuka kina kifulu.
12
Muntangu silukota mu nzo yimosi, lubagana mboti.
13
Go nzo yilutambuedi, bika ngemba benu yikunda ku bawu; kansi go nzo kayina ye kindesi ku, bika ngemba benu yivutuka ku benu.
14
Kubana sibakatikisa mu kulutambula ye wa ngogu zibenu,busilukatuka yo nzo ata yo mbanza, lukukunta mfufuta zitambi zibenu. mukedika,
15
Yiluteledi buawu, mulumbu kimfundusu, ntotu wu Sodoma ye ngomoli si zitambula mfundusu yi nduelu yi mbangasi nkutu ka yo mbanza ku yina.
16
Lutala, yilufidisi bonsu mamemi gakati ki zimbulu, lu lungalala bonsu zinioka ye balemvuka bonsu mayembi.
17
Lukikenga ku nza, kadi sibaluyekula ku bamayala ye mu nzo zawu zitukutakanu sibaluzuba nzuani.
18
Ye sibalunata gantuala bamayala ye mintinu mukuma kimunu, siluta, kadi ma simaluta kubawu ye bapakanu.
19
Muntangu sibaluyekula, kalupamuki ku mubueyi ata mudio siluta, kadi masiluta simatuka si maluganukina muntangu yina.
20
Kadi kabenu ku si lukizengila diluta. mulukatukusu, si luta ma Mpevi yi se dibenu sikalutela mukuta.
21
Sibalunata ga ntuala bamfumu kadi lukuikilanga mu munu. mumbandu, bankaka nteti sibasa buawu( baluyekula) ku mpangi zibawu kibeni ye batata si baganga bo ku bana bawu. bana si bakolamanabibuti bibawu ye si banata mfuilu zibawu.
22
Bambidi sibalumenga kadi lukuikilanga mu munu. kansi yonsu wukuikilanga ye nlemfuka, mu munu ti ntangu lufua si kavulusua ku Nzambi.
23
Ntangu bantu ba nza yimosi sibalumuesa mpasi, luenda mu mbanza yinkaka. lunotika ma: muana muntu sikavutuka kedika kibeni ga ntotu tekila kalumanisi nteti ku kuenda mbanza muna mbanza ye gogila munu landila Isayeli diakulu.
24
Nlongoki kalutidi mfumu yani ku, kani kisadi kilutila mfumu yani.
25
Kalukadi ye kivuvu ku nde bantu bazitisanga bumboti nlongoki lutila mfumu. mumpila yo kuani, kadi ngina mfumu benu, bantu sibalulemfukila bonsu bandewula. ibuna kibeni butondama nde nlongoki kalemfukila bonsu mfumu yani. go babokilanga mfumu nzo nkua mpevi zimbi, bueyi kabalendi bo sa ku mu bantu ba nzo yani?
26
Yidina, kalubangi ku bo bantu. makulu masuemi ku bantu, Nzambi zoledi nde lusengumuna mawu. kazoledi ku nde lulunda mawu ata lusueka mawu mu nsueki.
27
Gafulu lukala bonga, makulu ma yiluteledi mutombi, lutela mawu mukia kukati ki muini, ye makulu mabalutela mu makutu, luboka mawu mu ndinga ngolu ga mbata nzo.
28
Kalubangi ku, bawu bagondanga nitu kansi kalendi gonda muela ku. ngankutu, banga yufueti gonda muela ye nitu ku bilungi.
29
Luyindula ku zintieti, bena ye mfumu mosi wunduelu bonsu bubalekuntekila mu nsimbu yimosi. kansi muntangu yina nkutu yumosi gakati kibawu buidi ga ntotu fuidi, se dibenu dikimazulu zeyi buawu kadi zeyi mambu makulu.
30
Yidina, zeyi makulu mabenu diaka. kani nsuki zintu zibenu zina zitanguka.
31
Luna mfunu kibeni kuluta ntieti zo. kalubangi kuenu ku fisidi.
32
Yidina, konsu muntu yu siwuntela kimbangi ga mesu mabantu; munu diaka siyintela kimbangi ga mesu ma Se dimunu yu wuna mu mazulu.
33
Kansi yu siwunkatikisa ga mesu ma bantu, si yinkatikisa bumosi ga mesu ma se dimunu dina mu mazulu.
34
Kalubangi ku nde yiyisidi ga ntotu munata ngemba kansi mbedi lunianga.
35
Bankaka banteti bawu bakundandanga sibafua, kadi bokabakundanga si babakatisa bo bakuikilanga mu munu. bana si bakatikisa mase mabawu ye mase sibakatikisa bana bawu, ngudi sikakatikisa muana yani wunkentu. ye muana nkentu sikakatikisa ngudi yani, nzintu wumuana nkentu sikakatikisa nzintu yani wungudi nkentu.
36
Mbeni wu muntu sikakala kibuti kilubutu luyani.
37
yuna siwuzola se diyani ata ngudi yani kulutila munu kena ye kindesi ku kumunu.
38
Yuna sikabaka ku kulunsi diyani ye kundanda, kena ye kindesi ku kumunu.
39
yonsu siwusengumuna luzingu luyani sikavidisa luawu, kansi yuna siwuvidisa luzingu luyani mu munu, sikasengumuna luawu.
40
Yuna wulutambuedi, wuntambuedi, tambuedi yu wumfidisa.
41
Yuna tambuedi mbikudi wumosi kanibukena mbikudi, si katambula nsendu wu kimbikudi; yuna si wutambula wulunungu wumosi kanibukena wulunungu sikatambula nsendu wulunungu.
42
Yuna siwugana fima fikondolu mfunu kimosi diaka bonsu kopu dimasa mena nzizia mu nua, ku muana wunsua, kanibukena nlongoki wumunu, mukedika, yiluteledi, kalendi vidisa nsendu yani ku.