11 ¹ Muntangu Yesu kamanisa gana nkanikinu ku bawu kumi ye zodi diminlongoki, wuyenda mu kulonga mambu ma Nzambi ku zimbanza. ² Yowani mbotiki mu boloku diyani, wuwa bubagogilamavanga ma Klisto, wufidisa kite nkenda wumosi mu minlongoki miyani, ³ Banyufula:wuna yu wufueti kuisa, ata tufueti kingila wunkaka? ⁴ Wubavutudila ye wubatela: luenda ye lunata nsamu ku Yowani mbotiki maluta mona ye wa. ⁵ Zimpofu zitamona, batembila beta diata, bankua buazi basukukidi, bifue makutu bawidi diaka, bafua bafulukidi ye nkangu wuna ye mfunu bawidi nsamu wumboti. ⁶ Ye mayangi ku yuna sikikala ku kiguga kikubuila. ⁷ Bonsu bantu bo bakatukidingi kio kifulu, Yesu wuyantika muta ku kabu mukuma ki Yowani, nki luye tala kunsi nkatu kiadi kimosi kinikueningi mupepi? ⁸ Kansi nki luyendila mukutale? muntu mosi wuvuata nledi mintalu? lutala, ba bavuatanga nledi mintalu bazinganga mu nzo zi mintinu. kansi nki luyendila benu mukutale? ⁹ Yidina luetala? mbikudi wumosi? inga yiluteledi buawu, ye wuna lutila mbikudi mosi. ¹⁰ Yi yuna yubasonikina, tala, ntumini nte nkenda wu munu kuntuala fu kiaku, si kakutomisina nzila ga ntu ngeyi. ¹¹ Yilutela buawu, mukedika, mu bawu mubenu bana babutuka ku nkentu mosi, ga nkatu nkutu wumosi wuna wuneni lutila Yowani Mbotiki. kansi muntu yu wuna ye mfunu wunduelu mu kimfumu ki mazulu wuna wuneni lutila yani. ¹² Tuka mukilumbu ki Yowani Mbotiki ti ye bungangi, kimfumu kimazulu kikuatukanga mu ngolu, ye bantu bangolu babakilanga kiawu. ¹³ Kadi mimbikudi miakulu ye nsiku ba bikudila ti ye ku Yowani. ¹⁴ Ye go luzoledi luntambudila buna, yani yi Eliya, yuna wuyisa diaka. ¹⁵ Bika yu wuna ye makutu mu kuwa, kawa. ¹⁶ Kunani si yi fuanikisa mbandu yo? benu bonsu bana betasakana ga kifulu kizandu, bo bafongedi ye beta kaya bankaka ye bankaka diaka, ¹⁷ Ye batedi,<< betu tubudidi matutu, ye kalukinini ku. tuyimbidi nkunga mi masika kansi kaluniongeni ku. ¹⁸ Yowani wuyisa, kadianga ku mampa ye kanuanga malafu ku,ye luta, wuna ye mpefi zimbi. ¹⁹ Muana muntu wisidi, wudianga ye wunuanga ye luta: lutala, nkua biki ye nkodi malafu, nkundi mosi wu mvakusi mpaku ye bankua masumu! kansi mavanga mani mamonika kedika mu nduka. ²⁰ Buna Yesu wuyantika semba ku mbanza zawu, kagangila mavanga ma bimangu, kadi kabavilula ntima miawu ku. ²¹ Kiadi ku ngeyi, Kolosani, kiadi ku ngeyi Betisayida! go mavanga mo mamakumbu magangama mu Tilo ye Sidoni bonsu buna magangama ku benu, nga ntama ntama kuawu baviluka mu vuata ngotu ye bombi. ²² Kansi mu kilumbu kimfundusu, mbanza Tilo ye Sidoni si batambula nlemvu ka benu ku. ²³ Ngeyi, Kapernawumi, wuta banza nde bankaka si bakusika mu nitika ki siwumatina ku zulu? nkatu,si wukulumuka ti ye muna bulu dibilungi; kadi go mu Sodoma mugangamana makumbu mo, nga wuviluka ye zinganga ti ye bungangi. kansi yiluteledi buawu, si gakala konda mpasi ga ntotu wu Sodoma mu kilumbu ki mfundusu ku ngeyi. kansi kaluyambuedi ku nsumukunu. ²⁴ Nzambi si kalola bankua lulendu bawu bazinganga ku Sodoma, kansi ngeyi, si wukala diaka lutila nkua ngolu mu lolua mu kilumbu ki nsuka. ²⁵ Muntangu yina, Yesu wubaka n'gogu ye wuta: yikusondedi Tata, Mfumu wu mazulu ye ntotu, kadi wusuekedi mambu mo ku bankua nduka ye ku bamfumu, ye wu sengomueni mo ku mazoba, bonsu mpi ku bana bansua. ²⁶ Inga, Tata, mana makala luzolu luaku lumboti. ²⁷ Bio bima biakulu yitambula biawu ku Se dimunu. ka muntu zeyi Klisto go ka se ku ye ka muntu ku zeyi Se go ka muana ku, ye ku yonsu Klisto zoledi sengumuna mawu. ²⁸ Luisa ku munu, benu bakulu lufuatikidi ku nzi bizitu, ye si yilugana mvunda. ²⁹ Lubaka lugambu ga benu ye lulonguka ku munu, kadi ngina wunlemvu ye wulembama mu ntima ye si lusengumuna mvunda mu miela mibenu. ³⁰ Kadi zitu kimunu kina nayaki yaki ye zitu kimunu kikonda zitu.