8 ¹ bungangi notika ditugoga yidi: tuna ye ngudi nganga wumosi yuna wuvuanda ga lubakala mu kimfumu ki mazulu. ² Yani wuna nsadi mu fulu ki nlongu, kundulu ki kedika, ye ka muntu ku, wukubika kiawu. ³ Kadi konsu ngudi nganga wuna wubiekuka mutambika ga kimosi minkayilu ye bimfuitisila. yidina mu manisa dina mfunu mu kala kani kima mutambika. ⁴ Bungangi, go Klisto kakala ga ntotu, nga kalendi ku kala nganga yimosi mu makulu, kadi gena ba batambikanga minkayilu bonsu buna nsiku. ⁵ Bawu basadilanga mfuanukusu bisonu ye tombi ki bima kimazulu. bufueni bonsu Mose wuluengisa ku Nzambi muntangu kakala mu notika ki kutunga kundulu:<< mona>>, butedi Nzambi:<< bika wuganga bima biakulu bonsu mbandu yiyi wusonguka gana mbata mongu.>> ⁶ Kadi bungangi, Klisto wutambuedi kimfumu kizanguka kadi wuna diaka nzonzi di luwawanu lu tulua ga zinsilulu zomboti. ⁷ Kadi go luwawanu luna lunteti lukala konda ku lusembu, buna nga kabulendi kala mfunu ku musosa luwawanu lumpa. ⁸ mudiawu, muntangu kasengumuna kifu kimbi ku nkangu, yani wuta:<< lumueni, bilumbu bita kuisa( butedi Mfumu), ku siyiganga luwawanu lumpa ye nzo yi Isayeli ye yuda. ⁹ Ka sikabukala ku bonsu luwawanu yiganga ye nkulu zawu mulumbu ki yisimba mu kandasi ki koku konda nkebolo ku bawu.>> butedi Mfumu. ¹⁰ << Kadi lutula luwawanu lusiyiganga ye nzo Isayeli kunima bio bilumbu>>, butedi Mfumu.<< siyitula minsiku mimunu mu mabanza mabawu, ye siyisonika miawu mu mintima mibawu. siyikala Nzambi bawu ye sibakala nkangu wumunu. ¹¹ Kadi kabalonga diaka ku konsu muntu mfinangani yani kani konsu muntu mpangi yani, muta: zaya Mfumu , kadi bakulu si banzaya, tuka baleki ye bambuta ga kati kibawu. ¹² kadi siyikala mfuakiadi mu mavanga mawu ma bunkita ye kansi yibambukila diaka ku masumu mawu.>> ¹³ Muntesolu:<< kimpa>>, wukumisa lunkulu luwawanu lumpa. ye lo katela lunkulu ye ga notika lukuvila nadede.