¹ Pawulu ntumua ku ntuala gu bantu go mu nzila yi muntu ku, kansi mu nzila yi Yesu Klisito ye Nzambi Tata, yu wufutumuna mu bafua. ² Ye bampangi bakulu ba bena ku mosi ye munu, mu mabundu ma Ngalatiya. ³ Nkenda zikala kumosi ye benu ye ngemba yi Nzambi Se dibetu ye yi Mfumu Yesu Klisito, ⁴ Yu wukigana yani mosi mu masumu metu, mukusa nde katukutula mu m'vu wumbi wutangu yoyo bonsu buna luzolu lu Nzambi betu ye Tata. ⁵ Ku yani kukala nkembu wumakulu ye wumakulu. ⁶ Ngina ye dingituka nde benu luta kipindula ku nima muna nsualu mu yani wulu bokila muna nkenda zi Klisito. ngina ye dingituka nde luta kipindula mu malongi ma nkaka. ⁷ Kiokio kaki zayisi ku nde kuna ye malongi ma nkaka, kansi kuna ye bantu ba nkaka beta luvuadingisa ye bazoledi batekimisa malongi ma Klisito. ⁸ Kansi kani vo betu, go mbasi yi masulu, kalunatina malongi ma nkaka, ku matuluzayisa betu; kakala wu singua. ⁹ Bonsu luzayisa makulu ntuala, buna bungangi ngita movutikila diaka: go muntu wuluzayisa malongi ma nkaka ku mawu tambudila; kakala wu singua. ¹⁰ Kadi keti bungangi kukala ku kimvimba ku bantu ngita sosa go ku Nzambi? ku kizodisa ku bantu ngita sosa ku yangidika bantu, kina kisadi ki Klisito ku. ¹¹ Kadi nzoledi nde luzaya bampangi, nde malongi mayi zayisa kamatuka ku bantu ba mpaka ku. ¹² Kibakila mawu ku muntu ku, kani kulonguka mawu. kansi mu mbonika yi Klisito ku munu. ¹³ Luwa ku gogila ku luzingu lumunu lu luta muna kubesi Yuda. bonsu buyikala muesanga mpasi kuluta bitesu biakulu bi dibundu di Nzambi ye ku muangisa biawu. ¹⁴ Yikala kuendanda kuntuala muki besi Yuda bumboti kuluta bambidi ba ntangu yoyo ba baba bantu bamunu kibeni. yikala kibeni ye kiyangi mu kinkulu kima se mamunu. ¹⁵ Kansi yiyangalala ku Nzambi kansola tuka kivumu ki ngudi munu. go mbokila mu nzila yi nkenda zani. ¹⁶ Muku monikisa muana yani muna munu, mukusa nde yi nzayisa kuba mi Mpani. kitala ku muna nsualu miakulu kani nsuni kani menga. ¹⁷ Kitombuka ku ku Yelusalemi ku bawu ba bakuma ba ntumua ku ntuala munu. kuluta nkutu, yi yenda ku Alabia ye ku nima yi vutuka ku Damasi. ¹⁸ Buna mvula tatu ku nima, yi tombuka ku Yelusalemi mukuzaya Kefasi ye yisala bilumbu kumi ye tanu kumosi ye yani. ¹⁹ Kansi kisamona ku kani ntumua mosi kuba nkaka, kukatula Yakobo mpangi wu Mfumu. ²⁰ Ngita kulu kuikisisa ku ntuala Nzambi, muna mana mayilusonekeni, kita kosa ku. ²¹ Landila, yi yenda muna biziunga bi Sidia ye bi Silisia. ²² KIkala ntangu zakulu wu zayakana ku mu mabundu ma Yudeya makala mu Klisito. ²³ Kansi bakedi wanga kaka. yu wukala kutumuesanga mpasi ntangu zikala ta longila bungangi lukuikuli lukakedi tesanga muku gonda. ²⁴ Ba kembisa Nzambi mudiambu di munu.