¹ Polo, ntumua u klisto Yesu mu luzolo lu Nzambi, ku banlongo ba Nzambi ku di bundu di Efeso ye ba wu bena ba kwikama mu Klisto Yesu. ² Bika nlemfu u kala mu beno ye yenge ki Nzambi Se dieto ye Mfumu Yesu Klisto, ³ Bika Nzambi ye Se di Mfumu eto Yesu Klisto ka zituswa! I yani u tu sakumuna mu tusakumunu tuakulu mu ki mpefi muna bifulu bi mazulu mu Klisto. ⁴ Nzambi u tu sola mu yani tuka luyantikulu lu nza mpasi vo tukala banlongo ye kondwa bela ga meso mani. ⁵ Nzambi u tu kubika bonso bana bani mu Yesu Klisto. Bonso bwena luzolo lu ani mu mbote. ⁶ Mbakulu eto yena mu diambu di nkembo u lemfu ani gu ngolo gu ka tu gana mu mpamba ku yani u kuzolanga. ⁷ Mu Yesu Klisto, ku katuka mu kinanga mu menga mani ye mu ngiambudulu i masumu, bonso buna kimvuama ki nlemvo ani. ⁸ U dukula nlemvo gogo ku beto mu nduenga zakulu ye mbakusulu. ⁹ Nzambi u tu songa mbuta diambu di ka sweka mu luzolo ani bonso kazodila. Ye una kasonga mu Klisto. ¹⁰ Kisalu ki klisto kikala bonso nzila mu kulongisa nsilulu zi ntangu, mu ku vukisa mambu makulu ku na zula ye ga ntoto, kunsi lutumunu mu Mfumu mosi mu Klisto. ¹¹ Mu Klisto tu solwa bonso ba yingidi. Mana makizengulwa mu kuma ki beto. Mu mabansa ma yani, wu salanga ma mbote bonso buena lukanu lu luzolo lua ni. ¹² Nzambi u tubokila mi nyingidi mpasi go tuka banteti mu kuvua kivuvu mu Klisto, buna tu lendi kala mu diambu di sanisina nkembo ani. ¹³ Mu Klisto, beno diaka mu ntangu lu wa, ngongo wu makedika, lukwikila wau mu yani. Nsangu zi mbote zi mpulusu eno ye lukwikila mu yani ye lusila dimbu ki mpefi ya nlongo yi i silua. ¹⁴ Mpefi ya Nlongo yi kidimbu di kifwani eto na te ye tu na dio baka diakulu mu nzitusu mu nkembo ani. ¹⁵ Ye mu diau dina, tuka muna ntangu yina banzayi mu diambu di minu kieno mu mfumu Yesu Klisto ye mu diambu di zola kueno ku banlongo babonso ba Nzambi. ¹⁶ Ka niki yambula ko mu vutula matondo ku Nzambi mu diambu di beno ye kul tanganga mu bisambulu biami. ¹⁷ Ta nsambila go Nzambi Se di Mfumu eto Yesu Klisto, Se dia nkenda, ka lu gana mpefi i ndwenga ye yi nzayikusu mu toma kunzaya. ¹⁸ Ta nsambila nde mso ma ntima mieno milemina, mpasi vo luzaya bue yi buna vuvu kimbokolo kina ki ka tu bokidila, ye bimvuama bi nkembo bi mvuilu ani ga kati kibalongo ba Nzambi bakulu. ¹⁹ Ye mu tu sambulu tuami tueti lomba lu zaya buneni bulendo ki Nzambi ki konda nsuka mu beto tu kwikilanga, bonso buena nsadulu zi ngolo zani. ²⁰ I muna ngolo zina Nzambi kasadila mu Klisto, mu ntangu ka nfutumuna mu ba fwa ye umvuandisa gana koko ku ani ku lubaka mu na mazulu. ²¹ U vuandisa Klisto ku ntama gana ntandu tuyalu tua kulu, tu lendo, ngolo, kimfumu, ye nkumbu zakulu zi tangamanga. Klisto si ka yala kaka ko mu ntangu yi ko, kansi mpi mu ntangu i kwisa. ²² Nzambi u tula makulu ku nsi malu ma Klisto ye untula mu dibundu Mfumu ga ntandu bima biakulu. ²³ Dibundu i ntu ani kufuluka, ku yani u tebisanga makulu mu biakulu.