¹ Kubeno, lukala ba fwa mu lu vuezo ye masumu meno. ² Mubina lu diatila mu ntangu i luta bonso bukala mavanga ma nza yayi. Lu diatila bonso mfumu u tulendo tu mazulu. Yo yi mpefi i yani u ta sala muna kati ki bana ba kolamanga. ³ Betu kulu tuka ga kati mimpani. Tu kesi ganganga makani mambi ma nsuni. Tu kesi ganganga luzolo lu nsuni ye lu mabansa. Tu kala mu ki muntu, bana ba ngansi bonso bankaka. ⁴ Kansi Nzambi una mvuama mu nkenda mu kikuma ki zola kuani ku ku neni mu kuau utuzola. ⁵ Buna beto tufua mu luvuezo, utu nata ku luzingu lumpa kumosi mu Klisto. I mu nlemfo tugulukila. ⁶ Nzambi u tu futumuna kumosiye u tu vondisa kumosi muna mazulu mu Klisto Yesu. ⁷ U ganga buna mpasi nde yi kuna mbandu y kwisa, ba songa buneni bu kimvuama ki nlemfo ani. U tu songa diodio mu nzila ma mbote mani mu Klisto Yesu. ⁸ Kadi i mu nlemfo lu vulusulua munzila minu ye dina kadituka mu beno ko, i nkayilu u Nzambi. ⁹ Ka mu diambu di bisalu ko, mpasi nde muntu ka ki tumpidika ko. ¹⁰ kadi beto tuna kizalu ki Nzambi, tu gangama mu Klisto Yesu mpasi bisalu bi mbote biobi Nzambi ka kubika tuka Ntama mu beto mpasi nde tu diata mu biawu. ¹¹ Lu bambuku mbundu bonso bulukala mi mpani mu nsuni. Ba lubokila lu kala ye masutu mpasi nde lu kituka ba zengwa mu nsuni muna moko ma bantu. ¹² Kadi muna ntangu yina lukala bakabana mu Klisto. Lukala banzenza ku kanda di Israel. Lukala banzenza mu tu wawanu tu nsilulu. Ka lukala ye lukwikilu ko mu ntangu i kwisa. Lukala konda Nzambi mu nza. ¹³ Kansi bungangi, muna Klisto Yesu, beno lukala kitamina yi Nzambi, lukuma ga mbela ni muna menga ma Klisto. ¹⁴ Kadi yani una ngemba eto. U bunda bi biodi mu kimosi. U fuasa mu nsuni ani kibaka ki lugambanu kiye tu kabulanga i ki ntantu. ¹⁵ Disongila u fwasa nsiku mintumunu ye nsikulukusu mpasi nde kakitula muntu u mpa mu yani mosi. ¹⁶ U ganga buna mpasi ka vukasa makanda ma modi ku Nzambi mu nitu i mosi muna kulunsi. Ku mosi ye kulunsi, u gonda kitantu. ¹⁷ Yesu u yisa ye u samuna ngemba; ku beno lukala kitamina ye ngemba ku bawu bakala lukufi. ¹⁸ Kadi muna Yesu, beto tuvuidi luve ku Tata mu Mpefi i mosi. ¹⁹ I buna, beno mi mpani kalusidi diaka bantu ba ku nzila ko ye banzenza. Kansi, beno luna besi nsi: ku mosi ye bawu ba tula ga kingenga mu diambu di Nzambi ye bantu ba kanda di Nzambi. ²⁰ Beno lu tungama ga lufulu lu ba ntumwa ye ba mbikudi. Klisto Yesu u kala yandi mosi tadi di ntete. ²¹ Mu yani, nzo yakulu i telamanga ye i yelanga bonso tempelo mu Mfumu. ²² I mu yani, beno mpe lu ta tungama ku mosi bonso nzo i Nzambi mu kati ki Mpefi.