¹ Ngudi nganga u ta : " Mambu mo mena ma kiedika e?" ² Tiene vutuedi : " Bampangi ye ba tata, lunguila : Nzambi u nkembo y'uwutubuka ku tat'eto Abalayami buna kakala ku Mesopotamia, nteti ka kiniekisa ku Padiya Karan; untela : ³ " Katuka mu nsi'aku ye bayaku, ye nda ku nsi si yi kusonga." ⁴ Buna u katuka mu nsi yi ba kaladeya ye u tunga ku Karan. Kuna, ku nima mfuilu'a tata'ndi, Nzmbi u nata mu nsi yo lutazinga bungngi. ⁵ Ka kangana mvuilu mosi ko; kani nkutu nki mu tula bitambi biandi bi malu. Kansi unkanikina, (buna nde Abalayami ka vua ko muana) si kangana yo nsi bonso mvuilu ye kua lubutu luani ku nima yandi. ⁶ Nzambi ungogila ebu, nde lubutu luandi si luzinga mu fi ntangu mu ntoto u kinzenza, ye nde bazingila mu fulu kio si ba banata mu kinkole ye si babakuamisa mu nkama yaia zi mvula. ⁷ Ye si yi fundissa nsi yo bau si bakala zi kinkole, butedi Nzambi, ye ku nima mo si benda ye si bansisa mu fulu kio. ⁸ Ye ugana ku Abalayami luwawanu lunzengolo, buna Abalayami u kuma tata u Isaki, ye unzengisa longo mu lumbu kinana; Isaki u kuma tata Yakobi, ye yakobi tata makanda kumi ye mole. ⁹ Makanda mo, babakama ku nsongo mu kuma ki Yosefi, banteka mu sa nde ka natuka ku Ngipiti, ye Nzambi u kala yandi, ¹⁰ ye u basadisa mu mampasi mau, ye ungana nlemvo ye nduka ga ntuala Falaoni, ntinu mu Ngipiti. Falaoni u ntula ngu fulu mu Ngipiti ye mu nzo'andi yakulu. ¹¹ VA yisa buna nsatu ye mpasi zi neni mu Ngipiti yakulu ye kana; ye batata ka bavua ko madia. ¹² Kansi ntangu Yakobi kawa nde mfumfuta zikala ku Ngipiti, u fisa batata beto mu nkumbu nteti. ¹³ Nkumbu yi nzodi, Yosefi u kisonga ku mpangi zandi, ye lubutu lu Yesofi luzayakana ku Falaoni. ¹⁴ Yosefi utuma mpangi zani mu ta ku Yakobi tat'andi, mukuisa mu Ngipiti, ye lubutu luandi luakulu: Lunsambuadi lubantu bakulu. ¹⁵ I buna nde Yakoi u kulumuka mu Ngipiti. Landila, yandi mosi u fua, bumosi ye ba tata beto. ¹⁶ Ba banata ku seke mi, ku ba bazikila mu ndiambu yi Abalayami kasumba mu ntalu mbomgo ku bana ba Hamoni ku sekemi. ¹⁷ Mu ntangu yi ntangu nsilulu yi Nzambi kagana ku Abalayami yi finama, nkangu u gonga ye u funusua mu Ngipiti, ¹⁸ Na te ntangu yi kuma ntinu u nkaka mu Ngipiti; ntinu mosi ka zaya ko Yosefi. ¹⁹ Yo kuani ntinu u guna nkangu'eto ye u kuamisa ba tata beto, ga kifulu ki ba losa bana bau bansua ba butukidingi, mpasi ka bazingi ko. ²⁰ Mose u butuka mu nsungi yina. u kala u ntoko beni ku mesu ma Nzambi, ye u nsuka kaka ngonda tatu mu nzo tat'andi. ²¹ Bu banlosa, muana u nkento u Falaoni u mbaka ye u nsasa bonso muana'andi kibeni. ²² Mose u longuka mu nzayilu zakulu zi besi Ngipiti; ye u kala ye kikesa mu mingogo misndi ye mu mavanga mandi. ²³ Bu kakuma mu tesu ki mvu makumaia, ga nluakila mu mpeve mu kue kingula bampangi zandi, bana ba Isaeli. ²⁴ Bu kamona muesi Isaeli mosi u zubulungu, Mose u nuanina ye u gonda mbakani'andi u zuba muesi Ngipiti. ²⁵ Bu kayindula nde mpangi'andi si kazaya nde mu koko kuandi, Nzambi u basadidingi, kansi ka bazaya ko. ²⁶ Lumbu kilanda, u yisa ku mbela besiIsaeli ba yumeningi. U meka mu ku ba wisasa; u ta: "Bampangi, luna bampangi; mu nki diambu luta yumana? ²⁷ Kansi yu u yumesengi nkueno u ntigun ye u ta : " Nani u kusidi mfumu ye zuzi ku beto?" ²⁸ Zoledinge mu ku ngonda bonso u gondedi muesi Ngipiti mazono?" ²⁹ Kunima bu ka wa mana, Mose u lemuka. U kuma nzanza mu nsi yi ba Madiani, ku kababutila bana bodi. ³⁰ Ku nima mi mvu makumaia, mbasi mosi yi ntukila mu nsi ya nkatu u mongo Sinayi, mu kati ki nlemo tiya u mfuta. ³¹ Mose u mona tiya, u yituka mu mbueno yo; ye mu ntangu ka pusana mu tala, ndinga mfumu yi wakana yita: ³² " Ngina nzambi u mase maku, Nzambi Abayami, Isaki, ye Yakobi." Yandikulu mu ku zakama kameka nkutu ko mu kuzangula meso katala. ³⁴ Mfumu u ntela : " Katula nsapatu zaku, kadi fulu ki una kina ki Nlongo. ³³ Mbueni kiedika mpasi zi nkangu'amo u una mu Ngipiti. Nguidi ngiawulu zau ye nkulumukini mu kuba gulusa. Bubu, nda; i kutumini mu Ngipiti." ³⁵ Yo Mose balosa, mu ntangu bata : " Nani u ku yadikidi mfumu evo zuzi?" i yo nde Nzambi katuma bonso Mfumu ye Mvulusi. Nzambi u mfidisa mu koko kua mbasi yu u monikina ku Mose mu mfuta. ³⁶ Mose u tuala ku mbasi yi Ngipiti, ku nima ka ganga bisinsu ye bimangu mu Ngipiti ye mbu u mbuaki, ye mu nsi yi nkatu ntangu mi mvu mlumaia. ³⁷ I yo kuani Mose yu u ta ku nkangu Isaeli : " Nzambi sika vumbula mu beno mbikudi ga kati ku bampangi bano bonso mono." ³⁸ I yoyo muntu u kala ga kati ki kimvuka ki nkangu, mu nsi yi nkatu ye mbasi yu u ngongisa ga mongo u Sinayi. Yo muntu u kala ye ba tata beto; yo muntu yu u tambula ngogo mi luzingu mu kutusambusa mio. ³⁹ I yoyo muntu yo ba tata beto ka bazola tumamana ko; bantinguna ye mu mintima miau ba vutuka mu Ngipiti. ⁴⁰ Mu ntangu yina, ba ta ku Aloni : " U tugangila nzambi zi tu tuadisa. Mu mena ma Mose, u tutukisa mu Ngipiti, ka tuzeyi ko meyi ma nluakila." ⁴² Buna, ba gana nkailu u muana ngombi, ye ba tambika wo kua biteki, ye ba yangalala mu kuma ki mavanga ma moko mau. ⁴¹ Kansi Nzambi u bafila mima ye u bayekula ku tusambula tu zi mbuetete zi zulu; i buna bonso bu sonama mu nkanda mi minkudi : " Lu ngana nkayilu mi bibulu lu zenga malaka yi mi nkayilu mu ntangu mi mvu makumaia mu nsi ya nkatu, nzo yi Isaeli? ⁴³ Lu tambudila ki nlongo ki Moloki, ye mbuetete yi nzambi Lefani, bio bisinsu lu ganga mu fukimina : diaka si yilunata ku lutila di Babiloni". ⁴⁴ Ba tata beto batambula kimbuabanunu mu nsi yinkaku, bonso Nzambi kaganina bo nsua mu ntangu ka goga ku Mose, nde kafueti kamfunisa landila fuanusu kikamona. ⁴⁵ I tenta dio nde ba tata beto, mu ndiatulu au, banata mu nsi ye Yosua. Mana maluaka mu ntangu babaka mvuilu yi ntoto wu bankangu bo Nzambi kakula ku ntuala mbonokono mase meto. Bukala bobo nate ye mu bilumbu bi Davidi. ⁴⁶ Yu u mona nlemvo kuntuala Nzambi; u lomba go nzo mosi yikala yi tungama mu diambu di Nzambi Yakobi. ⁴⁷ Kansi Salomonie u tunga nzo mu diambu di Nzambi. ⁴⁸ Nkumbu zakulu, Nzambi mazulu kazingilanga ko mu zi nzo zintungama mu moko ma bantu; bonso bu ta mbikudi : ⁴⁹ "Zulu yi kundulu kiami, ye ntoto nsikulu'ami yitambi. Nki mpila nzo lulendedi ku ntungila? " Butedi Mfumu, " Kue kuna fulu kiamo ki kuvundila? ⁵⁰ Ka buako koko kuamo kugengi bio biakulu bima?" ⁵¹ Beno kanda luna nsingu kuba ye ntima u kuba ye makutu, beno lukolamanaga Mpefi ya nlongo; beno luganga bufuanakene bonso batata beno bu bangangila. ⁵² Yue mu mimbikudi ba tata beno bakonda zoma? Bagonda mimbikudi mio miyisa ku ntuala nisa yi mosi kieleka, ye mu bubu, beno diaka lukumini minteki miandi ye mingongodi miandi, ⁵³ beno bo lutambula nsiku nde zimbasi batula, kansi ka lu tata mioko. ⁵⁴ Mu ntangu bantu ba kimvuka ki ba mayala ba wa mo mambu, ba luala mu mbundu, ye ba kuetisa meno mu diambu di Tieni. ⁵⁵ Kansi yandi, bu kateba ku Mpefi ya Nlongo, u tadidila na sui buingi zizi kiani ku zulu ye u mona nkembo u Nzambi. U mona Yesu telameni ga koko kulubakala lu Nzambi. ⁵⁶ Tiene u ta: " Lutala, yita mona mazulu mazibukidi, ye muana muntu telemeni ku koko kulubakala ku Nzambi. " ⁵⁷ Kansi bantu ba kimvuka ki ba mayala ba boka mu ndinga i ngolo, ba ba bungutina makutu, ye bambuila mu kimvuka. ⁵⁸ Ba nluanzula ku nkanda mbanza ye banzuba matadi : ba mpangi batula nlele miau ga malu matoko dimosi dibikua Sauli. ⁵⁹ Mu ntangu bazubidingi Tieni matadi, yandi u bokelenge Mfumu mu ta : " Mfumu Yesu, tambula Mpefi'ame." ⁶⁰ Bu ka kifukamisa, u boka mu ndinga ngolo : " Mfumu, ku basandi ko mo masumu." Ku nima ka ta mana, u leka tulu ego u fua.