¹ Theofidi, nkanda wantete ikusonekeni wuta gogila mamo Yesu kayantika ye kulonga, ² Nate ye kilumbu ki ka zangulua, bobo bukala ku nima bu kagana lutumu kua Mpefi yanlonga kua bantumua bandi basolua. ³ Ku bobo bakamonikina mu nzingani ku nima mampasi mandi. Mu ntangu bilumbu makumaia wa tatamana kubamonikina, ye ugogelenge mu kimfumu kia Nzambi. ⁴ Buna bu kakutenengi ye bau, wa ba kinikiningi mu lutumu nde kabalendi nkutu ko kuenda ku ntama ko ye Yelusalemi kansi bavingila nsilu mia se, bonso bu ka kambidingi : " Beno luwidi mu mono ⁵ go Yoane nate ye kuna ubotekelenge ye masa kansi beno si luabotukua mu Mpefi ya nlongo mu bilumbu-lumbu". ⁶ Buna bu kakala ba kutakana bau ban yufudila : " Mfumu, keti mu yo ntangu yoyo si wavutula kimfumu kia Israeli?" ⁷ Yandi wa bakamba : " ka kua beno ko mu zaya ntangu wo nsungi yoyo tata ka kubika mu bunketi buandi bua kimfumu". ⁸ Kansi si lutambula ngolo zi mosi, mu ntangu Mpefi ya nlongo si yisa va zulu dieno ye beno si luakala mbangi zame mu nkumbu mosi ku Yelusalemi ye mu Yuda dia dionsono ye mu Samalia, ye kuna nsuka za ntoto." ⁹ Mu ntangu Yesu ka manisa ku bakamba mambu momo makulu, bonso bu ka tadidingi ku zulu, yandi wa zanguka, ye tuti dimosi disuenka ku meso mau. ¹⁰ Mu ntangu i ba tatamenge ku tala ku zulu, kimpanzumukina, bantu bodi bafinama ku bau ba vuata mvuatu mia mpembe. ¹¹ Bau ba kambidingi : " Beno, bantu ba Ngadidi, mu nki diambu lusadidid gana mu kutala ku zulu? Yo Yesu yoyo meti ku zulu si kavutuka mu mpila yo ya yimosi yoyo yandi kendedi ku zulu". ¹² Buna bau bavutuka ku yelusalemi tuka mongo ya Olivi mu bula mu lumingu lumosi. ¹³ Mu ntangu yi ba kuma, bau ba manta ku suku di ntandu, kuku bakadidingi mu kifu. Ba kala Petelo, Yoani, Yakobi, Andele, Fidi, Toma. Betelomia, Matai, Yakobi muana Alafa, Simoni yu zeloti, ye Yuda muana Yakobi. ¹⁴ Bau ba kala bakulu ba kutakanabonso muntu mosi ye bau bagemenenge ye ndevoka mu bisambu, ye bankento, Madia ngudi Yesu, ye bampangi bandi. ¹⁵ Mu bio bilumbu bina, Petelo wakitedimisa ga kati ki bampangi bandi. ba kala mumbela 120, ye yandi wakamba : ¹⁶ " Bam pangi, buakala Mfumu go bisono bia kala bialunga, bonso Mpefi ya nlongo ka kamba mu nua wa Davidi mu kuma kia Yuda, yoyo si wa tuadisa yoyo nkangama ya Yesu. ¹⁷ Kadi wakala umosi wa bwto ye wu tambuelenge kabu diandi dia nluta kia kimfumu kiokio". ¹⁸ (Wunu muntuyoyo wasumba ya dimosi ye mfutu wa lulendo luandi ye kuna, wa bua ntu fulu kiantete, ye nitu'ani yabuka, ye bimoya biandi bia ki muangisa. ¹⁹ Diambu dikala dia zayakana kua bantu ba yelusalemi bobo bau ba bokila ya mu bunkete bua ndigau "Hakeldama", bu zoledi bangula " Ya dia menga"). ²⁰ Mu kuma kiokio busonama mu nkanda Minkunga : " Luyambula ya diandi dikuma kiadi, ye muntu kazingidi mo ko, kansi muntu wankaka kabaka lueka luandi lua ntuadusulu". ²¹ "Yoyo yena Mfumu, bu fueni mu nsuka, go wumosi ku bantu bobo bau ba kangala yu beto mu kimvuka ye beto zakulu ntangu va ntadisi mbueno Mfumu Yesu mu kati kieto, ²² tuka mu mbotokolo ya Yoane nate kilumbu ki ka zangulua va kati kieto, wu mosi mu bobo bakala zimpangi ye beto mu mfulukulu'andi". ²³ Bau batulu kuntuala bantu bodi, Yosefi wuboku luanga Banaba, fuanikisa diaka wubikuanga Justus, ye Matatiasi. ²⁴ Bau ba sambila ye ba kamba : "Ngeye Mfumu, yoyo zeye ntima mia baukulu, wu tusonga bufueni mu nsuka nani ku bantu bobo bau bodi soledi, ²⁵ mu baka fulu mu kio kimfumu ye malongi momo Yuda kanuanisa mu kuma kia landa bunketi bua nzil'andi'. ²⁶ Batula mandengo. Matatias wa kala wa solua ye yandi wa tanguka ye kumi ye mosi di zintumua.