¹ Paulu, ntumu Yesu-Klisto mu luzolo lua Nzambi, ye Timoteo mpangi'eto, kua dibundu dia Nzambi, diena ku Kolinto ye ku babo bakuikilanga bobo bena mu ntini ya mvimba ku Akayi. ² Bika nlemvo u kala ye beno ye ngemba mu Nzambi dieto se ye Mfumu Yesu. ³ Bika Nzambi, ye se dia Mfumu'eto Yesu-klisto kakala wa tondama. Wena se dia nkenda ye Nzambi ya mbombolo zazosono. ⁴ Nzambi u kutubombanga mu nkenda zeto zazo, mpasi nde tuakala bafuana mu bomba bobo bau bena mu kiadi. Beto tubombanga bankaka ye mbombolo yimosi kaka yoyo Nzambi kasadilanga mu ku tubomba. ⁵ Bumosi go mampasi ma Klisto ma vua yambula va fulu kieto, i buna mbombolo'eto i tebele mu Yesu. ⁶ Kansi vo tuena mu kiadi, mu diambu dia mbombolo'eno ye mu kuma kia luvulusu lueno. Ye go tua bombua, mu diambu dia mbombolo'eno. Mbombolo'eno i salanga kikilu, mu ntangu beno lu kayananga mu mvibudulu mu zi mpasi zimosi zozo beto tumonanga diaka. ⁷ Ye minu kieto ku ma malutadidi kiena na kekete. Tuzeyi nde bonso luvuidi kabu mu mampasi, luvuidi diaka kabu ku mbombolo. ⁸ Kadi ka tuzolele ko nde beno lukala mu mpilakani, bampangi, mu diambu di bumpumbulu bobo tuvuidi baka ku Asia. tukala balunga beni ku nsi'a zitu lutila ku momo ma tulenda siamina, go mbote kibeni katuala diaka ye vuvu ko nkutu zinga diaka. ⁹ Mu dio diambu tuena ye ngogo u nzengolo'a lufua mu beto. Kansi bukala mpasi nde ka tu tudi ko minu kieto mu beto kibeni, kansi mu Nzambi yuna u fulukisanga mu bafua. ¹⁰ Yandi u tukangula mu sumbula kimosi ki lufua ye u tusadisa diaka. Tuna ye minu kieto mu yandi mpasi nde katukangula diaka. ¹¹ Yandi si kasala mana mu ntangu yoyo beno lueti tusadisa mu bisambu bieno. Buna bambidi si bavutula matondo mu kuma kia mvevo u ndenvokolo yoyo ya tuvana landila mu bisambu bia babingi. ¹³ Tuna ntoko mu dioidio: Kimbangi kia ndosi eto. Kadi bue na ye bikuma biavelela ye biakedika bi tukidi ku Nzambi mu yuna betu tumana kukituadisa mu nza. Tumana sala momo mu kingenga ye beno konda ku nduka za ntoto kansi mu nlemvo u Nzambi. ¹² Beto ka tueti lusonikina kima kia nkaka ko go diodio ko beno lulendele tanga evo bakisa. Nsidi vuvu nde beno si lubakisa beto bulungidi kikilu, ¹⁴ bonso bu lutu bakisi kala mu ndambu. Buna mu lumbu kia Mfumu'eto Yesu situkala ndungunu ya ntoko, bonso silukala beto. ¹⁵ Kadi yakala ye minu mu kuma kiokio, yizola ngisa kua beno va ntete-ntete mpasi nde lua tambula mambote ma nzietolo zole. ¹⁶ I kubikidingi mu kulu kingula tuka mu Makedonia. Diaka ya zolelenge kulu kingula diaka mu ntangu mvutukulu ku Makedonia, mpasi nde galanda lua mfila va kimosi ku yuda. ¹⁷ Mu tangu i yinduelengi mu mana, anga i kala mu keti-keti? Ya kubika ngindu mu bima bnso buenina bunketi bu bantu mpasi nde yi goga "Inga, inga" ye "nkatu, nkatu" mu ntangu mosi. ¹⁸ Kansi bonso Nzambi kena wa mbote, ka tu kamba ko mu nkumbu mosi "inga" ye "nkatu". ¹⁹ Kadi mu Muana Nzambi, Yesu Klisto, yu Silvano, Timoteo ye mono tukambila ga kati kueno, ka kena ko "inga" ye "nkatu". Mu diau una kaka "inga". ²⁰ Kadi nsilulu zazo za Nzambi zena "inga" mu yandi. ka mu ndandulu'andi tu kambanga "Ameni" kua nkembo'a Nzambi. ²¹ Bungangi yani Nzambi yu u tutambudila ye beno mu Klisto, ye u tu vambula. ²² U tula dimbu kiani ga ntandu beto ye u tuvana Mpefi mu mintima mieto bonso nsimbusulu di si katuvana ku nima beni'a ntangu. ²³ Mu diodio, mbakidi Nzambi mu mbangi mu mono nde ndungunu mu diodio kaya yizila ko ku Kolinto kikala mu kululunda. ²⁴ Diodio kadiena ko nde tueti tesa mu nuanisa bonso lukuikulu lueno lufuete kadila, tueti sala ye beno mu kuma kia kise kieno, kadi luena kekete mu minu.