¹ I meni yazengele dio mu ndambu'amo nde kikuikila diaka ko diako ku beno mu mambu ma mamiongo ma mpasi. ² Go yi lungangidi mpasi, zilendele diaka matisa kiese kia zizi kiami, go nkatu yu nde luedi kua mono? ³ Nsonekene bonso i fuete bo gangila mu diambu nde ntangu mono si ngisa kua beno, mono kikadi ko u luala ku bau bobo bafuete kungiangidika. Mono ngiena ye minu mu beno babo nde kiese kiame kina kimosi mpe ki beno. ⁴ Kadi mono i lu sonikina ye nkenda zazingi, ye ntima u mosi u babila ye mansanga mengi. Mono kizola ko ko ku lutudila mpasi. kidi mbela mono yizola nde beno luzaya ndikumuka luzolo lolo mono mvuidi mu beno. ⁵ Gu umosi tukisi mpasi, yani ka gangidi mo kaka ko ku mono mosi, kansi mu konda ku nkatu mu kukiyanza, dina ku beno babo. ⁶ Ndola yi muntu yo ku bena kilutila yena ya fuana. ⁷ Mu mansumbu, ngatu nde ndola nsungukulu, lufueti ku nyambudila ye ku nyika ngolo. Luganga bo mpasi ku nsuka yani ka kadi ko buingi ku nsi zitu ki mabanza ma maniongo. ⁸ Buna, ngieti kulusiamisa mu tambudila ga meso ma bantu, luzolo'eno mu yani. ⁹ Mu diodio i lu sonekene, mu ku lu tonta mpasi ya zaya keti luna mintumami mu biakulu. ¹⁰ Go lu yambuluedi u mosi, i ngiambuluedi yo muntu. Dio i ngiambuledingi ( go i ngiambuluedi kani kima), mena ma yambuludua mu kuma ki beno ga ntadisi Klisto. ¹¹ Mu konda yambula go satana, ka kutumantila, tutomene zaya makani mani. ¹² Kielo kimosi ki nzibudulua kua Mfumu mu ntangu yayiza mu mbanza Toloa mu longa nsamu wa mbote u Klisto. ¹³ Bumosi, kikala ko ye ngemba mu Mpeve kadi ki mona ko mpangi'ami Tito. Ku nsuka, i ba sisa ye vutuka ku Makedonia. ¹⁴ Kansi nvutudulu matondo ku Nzambi, yo mu Klisto yu itutualanga bilumbu kie mu ndungunu. Lutila mu beto, u yadikisanga nsunga za nzailu zandi muakalu. ¹⁵ Kadi, kuena ku Nzambi nsunga zambote za Yesu ga kati kua bau bavulusua ye va kati kua bau bafuanga. ¹⁶ Mu bantu bo bafuanga, yena nsudi mosi yi lufua mu kuma ki lufua. Mu bau bo si ba vulusua, yena nsudi yi luzingu mu luzingu. Nani una u singama mu bio bima? ¹⁷ Kadi ka tuena ko bonso ba bingi ba tekanga ngogo Nzambi mu ndandu. Mu ngindu za velela, tu gogele mu Klisto, bonso ntumua u Nzambi ga meso mani.