¹ Yi ta lusiamisa, kuntuala bisalu biakulu, mu kulomba tusambulu, tundilu mvutu ye mvutudulu matondo mu bantu, ² mu mintinu ye bakulu bena mu kimfumu, mpasi nde tu nanta luzingu lu ndembama, muna bunlongo ye nkala yi mbote. ³ Didi diena dimbote ye di zolakana kuntuala Nzambi mvulusi eto. ⁴ Gu zolanga nde bantu bakulu ba uluka ye bakuma muna nzayilu yi kedika. ⁵ Kadi, kuna Nzambi yi mosi ye nzonsi mosi ga kati ki Nzambi ye muntu, Yesu Klisto. ⁶ U kigana yani mosi mu kukula beto, i dio dina kimbangi ki ganuka tuka muna ntangu yi fuana. ⁷ I muna lukanu luna ba nsodila nlngi ye ntumua. Ngogedi kedika ye ki gunini ko. Ngina nlongi gu ba mimpani muna minu ye mu kedika. ⁸ Nzoledi nde bana ba bakala ba sambila muna bifulu biakulu, ye moko ma zangama ma kimpefi konda ngansi go mayuma. ⁹ Bumosi, nzoledi nde ba kento ba vuata mu mpila yi mboti, ye mayisamo ma mbundu. Ka ba vuati bilunga, go mabesi, kami golo, go mvuatu mi ntalu kibeni. ¹⁰ Kansi ba vuata bima bifueni ku ba nkento bisonga busantu mu bisalu bi mboti. ¹¹ Muana nkento ka fueti longuka mu pi ye luzitu luakulu. ¹² Ki geni luve ku nkento ko ka longa kani nde kakala lulendo ku ntuala bakala, kansi ka fueti fonga konda ku ku goga. ¹³ Kadi Adamo u gangama u nteti, ku nima Eva. ¹⁴ Ka Adamo u gukumuka, kansi nkento u toma u kumuka kibeni muna ku kolama. ¹⁵ Buna, sika guluka mu bana , go si ka tatamana muna minu ye zola ye ku gedila muna mabansa ma santu.