¹ Pawulu ntumu Yesu Klisito, bonsu buna lutumu lu Nzambi mvulusi betu ye lu Yesu Klisito kivuvu kibetu, ² Ku Timeteyo muana mosi wukedika mu lukuikulu: nlemvu, kiadi ye ngemba yitukidi ku Nzambi Tata ye ku Yesu Klisito Mfumu betu. ³ Bonsu buyikuganina lutumu lu ngolu mu ganga kuntuala ngienda munu ku Makedonia, sala ku Efeso mpasi nde wutoma sungika ku bantu bankaka kaba longi ku malongi mankaka. ⁴ Kani mutula nsungamunu zibawu mu mpimpa ye mu nlesi mikonda nsuka. mo makulu matukisanga nduanunu ga fulu ki kuntuta ku ntuala makani ma Nzambi, mana mena mu lukuikulu. ⁵ Bungangi kikuma ki lutumu lu Nzambi kina zola yo yitukidi mu ntima mosi wu vedila, mu mayindu ma mboti ye lukuikulu lumosi lu kedika. ⁶ Bantu bankaka kababaka ku kikuma kina ye babaluka kuawu mu bima biobio, mu malongi ma mpamba. ⁷ Bazoledi kala minlongi mi minsiku, kansi ka bazayanga ku ma beta goga ata munki beta komina nsosu. ⁸ Kansi tuzeyi nde nsiku wuna wumboti, go beta wosadila bonsu buna bufueni. ⁹ Ye tuzeyi ma, nsiku kawugangama mudiambu di muntu wusungama ku, kansi mu mambi ye minkalami, bankua mi masumu ye minsumuki, bawu bena bakondua malongi ma Nzambi ye kabazeyi Nzambi ku. wugangama mudiambu di bawu bagondanga mase mawu ye bangudi bawu, mukuma kibena migondi. ¹⁰ Mukuma ki bansuza, mukuma kibawu bavukanga nitu bawu ye bawu, mukuma kibawu banatanga mu ngolu bantu ye kubakumisa minanga, mukuma ki minte luvunu, mukuma kimbangi kiluvunu, ye mukuma nkutu ki mawu mankaka mana mena kintuadi ku ye ndongolu zi mboti. ¹¹ Yo ndongolu yina bonsu nkembu wu nsamu wumboti wu yangalala Nzambi ye mu mana yikadila ntuadisi. ¹² Ngita vutula matondu ku Yesu Klisito Mfumu betu. wungeni ngolu diaka, kadi wumbueni wu nlemfu ye wuntudidi mukimfumu kiyani. ¹³ Yikala ntuaki wu Nzambi, nzomi, ye muntu wululendu. kansi yitambula nlemfu kadi yisadila mukonda kuzaya mu ntima wumbalu. ¹⁴ Kansi nlemfu wu mfumu betu wulutila mu lukuikulu ye mu zola kokunina mu Yesu Klisito. ¹⁵ Mambu mana mena ma zolakana ye mamboti mutambula mawu kimvimba, nde Yesu Klisito wuyisa munza mu vukisa minsumuki. ngina wumosi wumbi kibeni mu bawu bakulu. ¹⁶ Kansi mukuma kina, yitambula nlemfu, mpasi nde munu, lutidi mu neni, Klisito Yesu sikasonga mvimbudulu yakulu. wuganga buna bonsu mbandu ku bakulu bana bakuikilanga mu yani mu luzingu lukonda nsuka. ¹⁷ Bungangi, ku ntinu zimbandu, ka fuanga ku, kandolu monika, Nzambi yimosi, kala nzitusu ye nkembu mu mimvu ye mimvu. Ameni. ¹⁸ Ngita tula ntumumunu yo ga ntuala ngeyi, Timoteyo, muana munu. ngita ganga buawu mu mfuanikisa ku zimbi kudulu zigangama mukuma kibawu, mpasi nde lendedi kitula mu nduanunu yimboti. ¹⁹ Ganga momuini mpasi nde wuvua lukuikulu ye dibanza dimosi dimboti. bantu bankaka bageta mawu ye badimuka mu tadila lukuikulu. ²⁰ Bo buna Imene ye Leki, bana yi yambula ku satana mpasi nde bakala bakolongoka mu kanda vuezanga Nzambi.