¹ Lubembika kuenu ngangu zi kindoki, disu kunsi lukaya, luzolu lumbi ye luvunu luakulu. ² Bonsu bana bansua, luzola mamvumina ma Mpefi kedika musande mu yuna lukudila mu mpulusu, ³ Go lubimbidi nde Yesu wumboti. ⁴ Luisa ku yani wuna tadi di moyu babembika ku bantu, kansi disoluka ku Nzambi ye dinina di ntalu. ⁵ Bumosi, luna bonsu matadi ma moyu matungama mukuma nzo yi Nlongu, mpasi mukala kanda di Nlongu di Nzambi digananga minkayilu mi Mpefi mitondama ku Nzambi mu Yesu Klisto. ⁶ Sonu kitedi bu: "tala ntudidi ku sioni tadi difuma, disoluka ye dintalu. konsu yuna si wunkuikidila kalefundusua ku." ⁷ Nzitusu wuna kubenu lukuikidi. kansi "tadi dibembula mintungi, diodiyani dikumini difuma." ⁸ Ye, "tadi dimbuisi ye tadi disakuba." batanga diodina sakuba, bobayani kabatumamanga ku ngogu, kadi yi momuyani ma basila. ⁹ Kansi benu, luna nkangu wusolua, kanda di kintinu ki Nzambi, kamba di banlongu, nkangu wuvuisukidi ku Nzambi, mpasi nde luzayikisa mavanga ma mboti ma yuna wulubokila tuka ku tombi ku kia kuyani ku mpuenua. ¹⁰ Ga kinkala, kalukala bantu ku, kansi bobayani batambula kiadi. ¹¹ Minzodi, bonsu nzenza ye nki yu lutina nzola zi kinsuni zi nuanisanga miela mibenu. ¹² Lukala ye ndiatulu yimboti ga kati kii bapakanu mu sa nde beta lugogila bonsu lugangidi mambi, balendedi tala mavanga mabenu ma mboti ye kembila Nzambi mu kilumbu kiyani kingisa. ¹³ Lutumama ku mfumu zakulu zikinsuni mudiambu di mfu, lutumama ku lukuikulu ku ntinu bonsu mfumu, ¹⁴ Ye diaka ku ngulusu bobayani bafidusu mu lola bambi ye tonda bo bayani baganga mamboti. ¹⁵ Kadi yiluzolu lu Nzambi mu ngangulu mamboti, luta bumika nua munu bakondedi zayi bantu ba buzengi. ¹⁶ Bonsu bantu ba mpuanza, bika kimpuanza kibenu kakikadi vunga mu mambi malulendu ku, kansi lukala bonsu bisadi bi Nzambi. ¹⁷ Luzitisa bakulu, luzola kimpangi, lubanga Nzambi, luzitisa ntinu. ¹⁸ Kisadi, lutumama ku mfumu zibenu ye luzitu luakulu, lutumama ka kumfumu zibenu zina zimboti ye yangalala, kansi diaka ku babayani bena bambi. ¹⁹ Kadi nzitusu wuna go muntu sisidi mampasi, mu mpasi zi mfundusu zi bumbabu mukuma ki mayindu mabenu ku Nzambi. ²⁰ Kadi nki nzitusu wuna mu sisila ndola bulusumukini? kansi go luganga mamboti ye luta mona mpasi bu baluloledi, wuna nkembu ga ntuala Nzambi. ²¹ Kadi mu diodiyani balubokidila, kadi Yesu diaka wumona mpasi mu benu. wulusisila mbandu mosi musande lulanda kikokisila kiyani. ²² Kanata sumu dimosi ku, nkatu lugunu luwakana mu yani. ²³ Bukafingama, kafingidi ku mu mvutulu. buka mueningi mpasi, kanuanisi ku mu mvutusulu, kansi wukiyekudingi ku yuna wufundisanga mu mfundusu lunga. ²⁴ Wunata yani mosi masumu mabetu mu nitu yani ga nti, mpasi tutambula kunku ki masumu diaka ku ye mpasi tuzinga mu lunungu. mu mputa ziyani zi lufua tubeluka. ²⁵ Benukulu lukala batiakana bonsu mamemi mavila. kansi bungangi luvutukidi ku mvungi ye nkebi miela mibenu.