¹ Mu matadila nkutulu mbongu mu diambu di ba minkwikisi, lusala, benu mpi diaka bonsu yi gana nsua ku mabundu ma Ngalatia. ² Konsu muntu, kilumbu kinteti kilumingu, tula konso kima ga lueka bonso buna mvuilu zani ye kalunda biau. Ganga bo mpasi nde mu ngisulu yimunu ka lubaki diaka nkayilu ku mu ngisa yimunu. ³ Ye busi ngisa, si yifidisa ye minkanda, mukunata nkayilu mieno ku Yelusalemi, bantu balutambulula. ⁴ Ye go yifueti kuenda, sa benda ku mosi ye mono. ⁵ Kansi, sa ngienda kubeno bu sayi luta kuna Makedonia, kadi sa i luta ku Makedonia. ⁶ Ngatu buyi vuanda ku beno, go kani sayiluta mu kisiwu ku beno, mpasi nde lundanda konso ku yi kuenda. ⁸ Kizoledi kulumona mu ntangu yi fioti kaka, kansi i kuikila mu kizingila ntangu kua ga mbela benu, go Mfumu geni luve. ⁷ Sa yi zinga mukedika ku Efeso yi kuna Pentekoti. ⁹ Kadi kielo kinene kinzibukidi ye mintantu mina mi mbidi. ¹⁰ Go Timoteo wisidi, sala nde ka katula bunkuta ga kati ki benu; kadi gu salanga bonso mono mu kisalu ki Mfumu. ¹¹ Nde ka muntu ko ka nsakanana. Luenda ye yani mu ngemba; mpasi kesa ku kuna mono; kadi ita ku mvingila ku mosi ye ba mpangi. ¹² Mu ma tadidi mpangi eto Apolo, i tomeni ku nsiamisa mpasi kenda nzietolo kumosi ye ba mpangi. Kansi, ka bukala kibeni luzolo lu kuganga moko bungangi. I buna sa kesa mu ntangu yi fuana. ¹³ Luyingila, lukuikama muna minu, lukala bantu, lusiama. ¹⁴ Biakulu bi lutasala bi salama ku mosi ye zola. ¹⁵ Luzeyi kanda di Stefania, luzeyi nde bakala banteti mu kuvilula diela mu Akayi ye ba tambudila mu kisalu ki minkuikisi. I lusiamisa, ba mpangi. ¹⁶ Lukala batumama ku bantu ye ku konso lusadisu mu kisalu ye kusala kumosi ye beto. ¹⁷ I ta yangalala mu ngisulu yi Stefania, yi Fortunatus ye ya Akaikusi. Ba lugogila bukalukala ko. ¹⁸ Kadi bagana mpeve amo ndembama ye yi zibeno. Buna, lutonda bantu bampila yoyo. ¹⁹ Mabundu ma Asia balugeni mbote. Akila ye Prislla, kumosi ye dibundu dina muna nzo au, balugeni mbote muna Mfumu. ²⁰ Bampangi bakulu balugeni mbote. Luganasana mbote beno ye beno muna bimfiba yi santu. ²¹ Mono Paulu, nsonekeni momo mu koko kuamo. ²² Go muntu ka zola Mfumu ko, bika ka singua! Nza wisa Mfumu eto! ²³ Bika nlemfo gu Mfumu eto Yesu Klisto u kala ye beno. ²⁴ Bika zola kuamo kukala ye beno mu Yesu Klisto.