¹ Tutesa nde i ta goga zindinga za bantu ye zozoz zi zimbasi. Go nkondedi luzolo, nkumini kisengo kimosi ki kieti ninga e go nkuakasa uta tukisa zu. ² Tutesa nde ngina ye nkayilu u mbikudulu ye nde ita bakisa makieleka mamo ye nzayilu za suekama, ye nde mvuidi lukuikulu nkutu mu balumuna mongo. Kansi go kondedi luzolo, ki nungini kima ko. ³ Ye tutesa nde ita gana bima biamo biakulu kua bamputu, ye nkutu nde ita gana nitu'amo mu yoka yo. Kanso go nkondedi luzolo, kibeki nsendo ko. ⁴ Luzolo luvibidilanga ye lumbote, luzolo ka lu lakukilanga ko ye ka lu ki ntumpidikanga ko, ka luena kimvuni ko e go ⁵ ku kivimbisa. Ka luena ye buimi ko, ka lumonanga nganzi bonso-bonso ko, ye ka lusuekanga ko mambi. ⁶ Ka luyangalalanga ko mu konda ku lunungu, kansi lu yangalalanga mu makiedika. ⁷ Luzolo lu yambudilanga mamo, lu kuikilanga mamo, lu sanga vuvu mu mamo ye lu vibidilanga mamo. ⁸ Luzolo ka lusuka ko. Go gena zimbikudulu, si za luta. Go gena ye zindinga, si zaluta. Go gena zi nzayilu, si za luta. ⁹ Kadi tuzeyi mu ndambu ye tu bikulanga mu ndambu. ¹⁰ Kansi ntangu mafueni mesidi, momo ka mena malunga ko si mavila. ¹¹ Bu yakaa muana, i gogelenge bonso muana, i yinduelenge bonso muana ye i bakisidingi bonso muana. Mu ntangu ye nkumini mbuta, yi tula ku mbela bima biakulu bi ki muana. ¹² Bungangi, beto tu monanga va ntadisi mu lusadusa lu kipelo, kansi buna meso ye meso. Bungangi nzayi mu ndambu, kansi buna si yi zaya mu mpila yilunga bonso bu ba zayua. ¹³ Kansi bungangi, biobio bima bitatu bizinganga: lukuikulu, vuvu ye luzolo; kansi ki kisundidi mu biobio bima kiena luzolo.