¹ Mu kuma kia nkayilu mia Mpeve, bampangi, kizolele ko vo lu kala ba konda zaya. ² Lu bakisi nde ntangu lu kla ba mpakanu, lukudi natukanga kua biteki bia baba, mu mamonsono, lu kala tuadusua kua bau. ³ Mu diodio mono nzoledi nde muntu wawo y'ugoganga mu Mpeve ta Nzambi kalendi ta ko : " Yesu wa singwa." Ka muntu fueti ta : " Yesu i Mfumu" go ka mu Mpevi ya Nlongo ko. ⁴ Gena ye nkayilu misuasana nkasi Mpeve i mosi. ⁵ Ye vena ye bimfumu bisuasana kansi i Mfumu mosi. ⁶ Ye vena bisalu bisuasana kansi i Nzambi mosi kaka y'u kumisanga bio bilendakana mu konso muntu. ⁷ Ku konso konso bu wa nua mbonokono ya Mpeve mu ndandu bakulu. ⁸ Kadi ku u mosi buvanua mu Mpeve ngogo mia nduka, ye kua u nkaka ngogo mi nzayilu mu Mpeve mosi. ⁹ Ku u nkaka buvanua lukuikulu, Mpeve i mosi, ye kua u nkaka nkayilu u belula mu Mpeve i mosi. ¹⁰ Ye ku unkaka nkayilu u vanga bimangu, ku u nkaka mbikudulu, ku u nkaka visikisa zi Mpeve, ku u nkaka, nsuasani zi mbandu za ndinga, ku u nkaka nkayilu mu bangula zi ndinga. ¹¹ Kansi i mosi kaka Mpeve i salanga mu bina biakulu, mu nganunu mi nkayilu ku kimosi-mosi bonso nsololo ani. ¹⁴ Kadi nitu ka yena ko yiku kia mpamba, kansi bingi. ¹⁵ Go kulu ku tedi, "Bobo kina nde ka ngina koko ko, ka ngina ko yiku ki nitu", ka kena u katuka ko mu nitu. ¹⁶ Ye go kutu difuete ta: " bu kina nde ka ngina disu ko, ka ngieti vanga ko lueka lu nitu", ka kena u katuka ko mu nitu. ¹⁷ Go nitu ya kulu i kala disu, kueyi kani kukala yi kamu nguilu? Go nitu yakulu i kala kutu, kueyi kani ku kala y kamu ki mbombo? ¹⁸ Nkansi Nzambi u tomisa konso ndambu'a nitu bonso bu ka kimuena bo. ¹⁹ Ye go bikala biakulu yiku kimosi kaka, kueyi kani kukala nitu? ²⁰ Bungangi va vuisukidi biyiku bifuana kansi kaka nitu i mosi. ²¹ Disu ka dilendi ta ko ku koko: "Ka ngina nkutu ko mfunu ngeye." "Nkatu nkutu ntu ka ta ku malu, ka ngina nkutu mfunu ngeyi benu ko." ²² Kansi biyiku bi nitu bio bina bonso bilebakana bina bi mfunu. ²³ Ye ndambu zi nitu bio bitu yindulanga kala bi konda nzitusu, beto tuvananga nzitusu u luta beni, ye biyiku bita bi katuka mu nsongolo beto tu tambudilanga bu fueni lutila nzitusu. ²⁴ Bungangi biyiku bieto bi nsogoloka bi vuidi ko mfunu mu kala bisiwa ye nzitusu kadi bi mana bo ntama. Kansi Nzambi u tukisa diaka biyiku va kimosi ye u vana nzitusu u luta ku biobio bikondolo. ²⁶ U vanga bibi mpasi ka vakadi mpasubusu i mosi ko mu nitu kansi go biyiku bifuete baka lusadusu kimosi ku ki nkaka ye luzolo lumosi. ²⁵ Ye ntangu yiku kimosi kieti mona mpasi, biyiku biakulu bi ta mona mpasi mu kimvuka. E go ntangu yiku kimosi kina ki zitusua, biyiku biakulu bi yangalalanga ku kimosi. ²⁷ Bungangi luna nitu yi Klisto ye mu mosi-mosi biyiku biandi, ²⁸ Ye Nzambi u tula mu dimbundu ga nteti bantumua, ga nzodi mi mbikudi, ga ntatu minlongi, bosi bobo bena ye nkayilu mu vanga mimangu, landila bobo ba vanganga bisalu bi ngiadulu, ye bobo bavuidi mambu ma mbandu za suasana mu ndinga. Tuna beto bakulu zintumua? Babo bena zintumua? ²⁹ Babo beta mimbikudi? Bena babo minlongi? Anga bakulu ba vanganga bimangu? ³⁰ Ba vuidi bakulu nkailu u buka? Bakulu ba goganga mu zi ndinga? Ba bangulanga bakulu zi ndinga? ³¹ Lukala ba funtuka na yaki-yaki mu nsololo minkayilu mi zanguka beni. Si i lusonga nzila i lutidi mbote.