¹ Wuwu, yeno luna zimvuama, ludila ye lunionga mu diambudia kiadi kikuiza kua yeno. ² Yimvuama yeno yina yawola ye yinkutu yeno siyadiwa kua zinselele. ³ Wolo weno ye mbongo zeno bina ye nkazu-nkazu. Nkazu-nkazu awu sita kimbani kiambi mu yeno. Sikakiasuna n'suni eno bonso tiya. Yeno lua lundidi kimvuama kieno mudiambu dia lumbu ya nsuka. ⁴ Tala, m'futu wa yisadi wuta kaya (m'futu wowo luakanga kua bana bavela mu mpatu zeno). Ye mboka ya minsadi ya luaka muna makutu ma Mfumu ya makesa. ⁵ Beno luakala va n'toto mu luzingu lualuta wete ye luakiyekola mu kindiafu. Luavongesa n'tima mieno mukuma kia lumbu kia mvondolo. ⁶ Luazenga n'kanu a ngielele ye luavonda n'kualunungu. Kakulutelamananga ko. ⁷ IKuma lukala ye mvibudulu, luzimpangi, nate ye ngizulu ya Mfumu. Lutala, m'vati wuvingilanga m'butu mia mbote mia n'toto. Wuvingilanga mu mvibudulu nate ye ndokono ya mvula zantete ye ya nsuka. ⁸ Yeno mpe, lukala ye mvibudulu. Lusiamisa ntima mieno kadi ngizulu ya Mfumu yikumini lukufi. ⁹ Kaluvungutaiko luzimpangi, yeno ye yeno, mpasi vo kalufundusua ko. Tala, m'fundisi telamene va muelo. ¹⁰ Mpangi zamu, lubaka nona kia mpasi ye mvibudulu za m'bikudi miomio miavova munkumbu a Mfumu. ¹¹ Tala, tubakanga bana batatamananga bonso basakumunua. Yeno luawilu bavovela ntatamanu ya Yobi ye luzeye nkubukulu ya Mfumu bonso neyi kena wazala kua nkenda ye n'lemvo. ¹² Sungula, mpangi zamu, kaludie ndofi kani mu zulu, kani va n'toto, kani mu ndofi yan'kaka ko. N'kutu, bika "ingeta" kieno kiakala "ingeta" ye " ve" eno yakala " ve" , mudiodio, kalubua mu mfundusu ko. ¹³ Wumosi muyeno wuna mu ntontolo? Kasambila. Wumosi wuna wayangalala? Kayimbila nkunga mia nzitusu. ¹⁴ Wumosi mu yeno wuta yela e? Kabokela zimbuta za dibundu ye zimbuta za n'sambidila. Ban'kusa mafuta mu nkumbu a Mfumu. ¹⁵ Sambu kia minu sikianiakisa mbevo ye Mfumu sika n'telamesa. Vo wavolele masumu, Nzambi sika n'lenvokela. ¹⁶ Lufunguna masumu meno yeno ye yeno ye lukisambidila yeno ye yeno, mpasi vo luaniaka. Sambu kia kuikama kia nkua lunungu kina ye lendo kia nene. ¹⁷ Eliya wakala muntu bonso beto. Wasambila sambu kia kuikama mpasi vo kakunoki ko ye kakuanoka ko vava n'toto m'vu n'tatu ye ngonda sambanu. ¹⁸ Ye Eliya wasambila diaka. Zulu dianokesa mvula ye n'toto wawuta m'butu ani. ¹⁹ Mpangi zamu, vo muntu va kati kueno vambane ye ludi, bika wan'kaka kam'vutula, ²⁰ kazaya vo konso nduna vutudi n'sumuki wumosi kele munzila yavila, sikavuluza muela ani ye sikafika mamasumu mabidi .