¹ Yakobi, n'sadi a Nzambi ye wa Mfumu Yesu, kuna zunga kumi ye zole yina yamuangana: Mbote. ² Lubaka yo yawonso bonso n'samu wakiese, mpangi zamu, kiokio lutawawana ye ntontolo za mpila mu mpila. ³ Luzeye vo ntontolo a minu kieno yiwutanga luvibudulu. ⁴ Kiba luvibudulu lualungisa mvanga mani, mpasi vo luakala lua tomboka kibeni ye lua lunga, ye mpasi vo kalu kondua lekua ko. ⁵ Kansi vo vakati kueno vena ye muntu zolele nduenga, kalomba zo kua Nzambi, ndondo vananga mu kiese kiawonso ye kondua kua semba bawonso balombanga, ye si kan'vana zo. ⁶ Kansi kika kalomba mu minu, kondua kua ketakana mudiambu. Kadi, konso nduna wuta ketakana, wuna bonso mayo ma m'bu momo manatuanga kua Mpeve ye nikusuanga ndmbu ye ndambu. ⁷ Kadi muntu wampila yoyo kayindudi ko vo si baka kima kua Mfumu. ⁸ Muntu wa mpila yoyo kazeye baka nzengolo ko, kena wa toma siama ko muzila zani zawonso. ⁹ Bika mpangi ya yakala ya mputu kayangalala mu mpila kena wa zamgama , ¹⁰ kansi muntu wa mvuama mu mpila ya kuluka, kadi si kavioka bonso mvuma ya n'ti mia mfinda. ¹¹ Kadi ntangu yitukukanga ye tiya tuani tuyokanga ye yumisa matiti. Mvuma yisotokanga, ye kitoko kiani kifuidi. Mpila mosi ye muntu wa mvuama sika yuma mukati kua nzietelo ani. ¹² Mayangi kua muntu wutambulanga ntontolo. Kadi kiokio kamene viokesa ntontolo, si katambula kolowa kia moyo kia silua kua bana bazolanga Nzambi. ¹³ Bika muntu tontolo kalembi vova: " mono ntontolo kua Nzambi." Kadi Nzambi katontanga muntu ko, kansi konso muntu tontuanga