¹ Kadi konso nganga Mbuta, wasolua vakati kua n'kangu, wasolua musala mu mambu ma Nzambi mu nkumbu awu , mpasi bavana kua minu n'kayilu ye n'kayilu a mponda mu diambu dia masumu. ² Lenda kuani lemvokilanga bobo bakondolo nzayilu ye bavengama mpila mosi ye yani mosi kenena walebakana. ³ Yikuma, yani mpe bindamene mu vana n'kayimu mia mponda mu diambu dia masumu mani bonso kasadilanga mu masumu ma n'kangu. ⁴ Ye kavena muntu ko lenda tambula nzitusu yoyo mu kuma kia yani mosi, kansi nkutu, yani wabokelua kua Nzambi, bonso Aloni wakala wo mpe. ⁵ Mu mpila mosi, Klisto kakivana nzitusu mu kikumisa yeni mosi N'kuluntu a Nganga ko. Kansi nkutu, Nzambi wan'tela:" Ngeye wuna muana ame; wunu, nkumini Se diaku." ⁶ Bonso mpe kavova diaka va fulu kia n'kaka:" ngeye wuna Nganga Nzambi ya kuayele m'vu landila ntumunu ya Melesisedeki." ⁷ Mulumbu biani bia kin'suni, Klisto wafila bisambu ye ndombolo, wakaya kua ngolo ye mu mansanga kua Nzambi, yani mosi kaka wafuana mu vuluza mu lufua. Mudiambu dia nzola ani nakekete muna Nzambi, wabaka n'sendo. ⁸ Kana wuna kinavo wakala muana, walongoka tumama mu mpasi zani. ⁹ Wakitulua walunga ye nkutu n'tu wa luvuluzu lua m'vimba m'vimba kua konso muntu kun'tumamenanga. ¹⁰ Wasolua kua Nzambi bonso N'kuluntu a zinganga landila ntumunu ya Melesisedeki. ¹¹ Tuna ye mambu mayingi ma vova mu n'samu wa Yesu, kansi dina dia mpasi mu sasila kadi luakumini ye lele mu bakusa. ¹² Kadi mu ntangu yiyi, beno nga lufete kidadila min'longi, luna diaka ye nsatu ya muntu kalu longa mu manbu ma ntete ma n'samu a Nzambi. Luna ye n'satu ya kimvumina, kansi ke ya madia ma ngolo ko! ¹³ Kadi konso nduka nuanga kaka kimvumina, wuna wakondua nduenga mu momo matadidi nsangu za lunungu, kadi wakinu muana n'sua. ¹⁴ Kansi madia ma ngolo ma bambuta. Tala bobo, mudiambu dia ngiudukilu awu batunga ngangu zawu mu zaya suasikisa dia mbote ye dia mbi.