¹ Mu ntama, Nzambi wavolenga munzila za mim'bikudi nkumba zayingi ye mu mpila zayingi. ² Kansi mu lumbu bibi bia nsuka, watuvovele mu nzila ya Muana, kabieka m'vingani a fua dia bima biawonso. Yi muyani mpe Nzambi kavangila nza yawonso. ³ Yani wuna mbonokono ya n'kembo a Nzambi, sinsu ya malu ma kimunti kiani. Yani lundanga biawonso mukintuadi mu mpova za lendo kiani. kunima vanga mpedoso ya masumu, wafonga kuna lunene lua N'tinu muna mazulu. ⁴ Waluta zimbasi mukimfumu nate nkutu katambula nkumbu ya kimfumu lutila ya bawu. ⁵ Kadi kua nkia mbasi kasala vova kala vo: " ngeye wuna muana ami, wunu nkumini Se diakue?" Ye diaka : " se yakala Se kua yani, ye se kakala Muana kua mono?" ⁶ Kansi kiokio Nzambi kanata n'kuna wantete mu nza, wavova: " zimbasi za Nzambi zawonso zifuete kun'kudanga." ⁷ Mu diodio ditadidi zi mbasi, wavova: " ya kitulanga zimbasi se zimpeve, ye min'sadi se n'laku mia tiya." ⁸ Kansi mudiodio ditadidi Muana, wavova: " kunda kiaku kia kin'tinu, Nzambi, kina ya kuele m'vu. N'kawu aku wakin'tinu wuna n'kawu wa lunungu. ⁹ Ngeye Wazola lunungu ye wasemba mambi. Mudina Nzambi, Nzambi aku wakusa mafuta ma kiese lutila bakala yaku." ¹⁰ Kuna ngiatukulu, Mfumu, Ngeye watula lufulu lua n'toto. Mazulu mena mavangua ma moko maku. ¹¹ Si biafua kansi ngeye si watatamena. si bianuna bonso n'lele. ¹² Si wazinga bio bonso n'zaka, ye si bia sobua bonso n'lele. Kansi ngeye wuna mpila mosi ye mvula zaku kazina nsuka ko." ¹³ Kansi, kua nkia mbasi kala Nzambi vova kala vo: " vuanda kuaku va lubakala luame nate ngina kitula min'tantu miaku se diatilu kia malu makue?" ¹⁴ Nga zimbasi zawonso kazina zimpeve ko zisalanga ye zafilua mu sadisa bobo basinga tambula fua dia luvuluzue?