¹ Saul si bo kisi mu idus Etienne na muthu li solini li ba be iku mwenesi bad ba mabud ma Yelusalem mpasi. Ba klisto bo baso li babwi bisaksak mu ntod ye Yudea ani ye Samalia; Si kane ma bantum bwun we baba ntiemene. ² Bad baba mo ban baba kele ani mbwun ye inziem, bu ba wini mu iku lili Etienne. Bo li ba mulil ngol mpenza . ³ Si Saul osi ngol mu idus ma nzo ma Nziem(mabud). Nde akele ako kod mu nked amanzo ma Nziem ani mu iko twisil ba klistu ba bala ani ba kad si nde akele ako basa mu bolok. ⁴ Bad ban li ba panzan, li ba be iko mwal tsia mbwed mu ma nto ani ma nto. ⁵ Lo lini Filipo si bowin ku bila bini bi biluid nfhun mu ntod ye Samalia, si nde le lile ku kel bad tsia ye klistu. ⁶ Tel li ba ywi bad Filipo, ani mu imon manda ma bimpa ma sele nde, bo buba muywil ku ibwed ibwed. ⁷ Mu nda mifel mimi bi mikele mi tsu ku kele bad ba fhum ba mabil, te li mi tswi mio mifele mimo nda ye ngol bad ba nfhun ba kele bi kad ani ba nga makol ifhu, li ba wem. ⁸ Ise ingol ikele ku bila bini. ⁹ Ya bila biso ikele ani mwud mumo nkwum ande Simon ya-iso nde akele ngaa wo ntod ye Samalia bu ba yituko ngol munda nde. Nde ngako akele abi suu ne nde akel mwud mumo wo bwed. ¹⁰ Bo baso ikala ba kû ikala ba kwud ba kele ba muywil, bo bakele ba mo ne:" Mwud wu akel ani ngol ye nene." ¹¹ Bo bakelee ba mu yu safa tel line le sele nde manda ma bimpa muba nkid ba nde. ¹² Si tel lini ba bala ani bakad li bakisi mu malong ma Filipo mana ma mwe nde, bo li ba wel mbotik, nde le be mu iku balili nda bwed yini ye ya telele imfum i Nziem ani yi telel Yesu klistu. ¹³ Simon nde ngako si bo kisi mu tel le wel nde mbotik, nde a bwe nsi mu nka nkwa ye Filipo, si tel le mwen nde manda mangol, ani ma bimpa man ma sele Filipo, nde ayituk ngol ¹⁴ Tel le kele bantum ban ku Yelusalem li ba ywi ne bad ba Samalia ba kisi nda Nziem. Li ba twim Piel ani Zwan iko kun. ¹⁵ Tel ba twe ban iko, bo li basem Nziem munda ba klistu munda mu iwol mpev(mifel) mi Nziem. ¹⁶ Munda mutel lini mifel mi Nziem mikele miikim we ma nto angie mutswe a mud mumo mu nked a bo bo ba wel mbotik mu nkwum ye mfum Yesu. ¹⁷ Tel li Piel ani Zwan li ba ba si makuu, si bo li ba wel mifele mi Nziem . ¹⁸ Tel le mwen Simon ne ba klistu ba kele ba wolo mifel mi santu tel le ba se bantu makuu, nde a zwele mo iku bawa nzim. ¹⁹ Nde le mwe ne:" Bini li ngwa misi ngol yi munda mud wun wo sami kuu awol mpev ye Nziem." ²⁰ Piel le mulil ne:" Fa anzi ani nzim a nzi, munda nzi teimen ne nzi awol ngol ye mfum Nziem munda nzim ngol yi ye wa Nziem. ²¹ Nzi kwi we mu ikod mu isal ki, munda mbun anzi ikel we inini ku misi me Nziem. ²² Lo lini nzi fene mu ibaman mbwun yese manda manzi mama bi. saam Nziem, ziku nde a kwi mu iku ilol mu matiemen manzi man mawel ku mbwun anzi. ²³ Munda mi aya mon ne mbwun anzi ikele ngol, nzi si anem mu mishi mi manda mabi." ²⁴ Si Simon le lil ku kel Piel ani Zwan ne:" Bini bangako linsemen ku kel mfum munda manto nda mo ikan imbwil kukel mi mu manda man mo maso ma lifi bini mu indil ." ²⁵ Li Piel ani Zwan li balil bad nsia ye bwed ani mu ilong nda ye mfum Nziem imen, Piel ani Zwan li ba fidi ku ntod ye Yeluzalem, mu nzil, ba kele ba ko lili tsia mbwed mu mala mafun ma Samalia. ²⁶ Tel liso line wanzio wo mfumu Nziem le mulil Filipo ne:" Tsud, kwe ku nto ye sud mu nzil yini yi ifi ku Yeluzalem, iwini ku bila bi Gaza." Bad ba fun ba ludo we mu nzil yini. ²⁷ Filipo le tsid le wini munzili nde le mwene mud mumo wo ntod ye Etiopia. Mud aso akele mud a isal a ntotil-mukad wo Etiopia. Munda wun akele ani iyek ki ital bilo bio biso bi ntal a fum bi ntotil wun, nde le ye ku Yeluzalem munda mu isaam Nziem. ²⁸ Te li nde, akele a fudu ku ntod. Nde akele asi angel pusupusu line li ba bene ba mpunda. Nde akele atesi mukaan wo mbikud Yezaya. ²⁹ Mpev a Nziem li mulil Filipo ne:" Kwe kusi mu nkwankwa a pusupusu line. ³⁰ Filipo le ya pusa monan munkwa nkwaa si nde le ywi mud wun atesi mukaan wo mbikudi Yezaye, nde le muful ne:" Nsi aya yiab man maya tesi nzi?" ³¹ Mud wun ne:" Nki mutin mi nfeen mu iku ma yiab kaan mud nga nduil mo kaam?" Nde le mulil Filipo ne:" Ya yalad, nzi kal munkwa ami." ³² Manda ma tese nde mu mukaan wo Nziem ama mo:" Nde akele limem lini liba ya tswal ambel yi baduso mameme. Nde asi yiyab ne mwaan wo limeme wunu wo ya wini mo ku nkul amud wo ya mu tsid mika nde amwe we manto nda. ³³ Bu ba nie, bu ba me si mu itsid manda mande ku ibwed. Na kwi mu iku ba lili tsia yi bad baba butam mu ikaan inde? Munda bad ba mudwisi nde, nde akele we ya munsi ntod." ³⁴ Mud wun le fwil Filipo ne:" Paldo, ndili mi, mbikudi aya mo manda ma munda na? si nde aya mo munda nde ngako kalo munda mud mu nkim?" ³⁵ Filipo le be imo, tel le mwe mi manda man ma mukaan a Nziem, nde bo mulil ku kel ndesi tsia ye bwed ye Yesu. ³⁶ Tel li ba kele bo ba kwe mu nzil li ba twe ya mania mamo, si mud aso ne:" Tal mania. Nki manda ma fene mu inkas mi nzil mu iwol mbotik?" ³⁷ Filipo kane nzi ya kwikil ku bwun anzi yo yiso. Nzi kwi mu iwolo mbotik. Mud aso ne: mekwikil ne Yesu akele mwaan a Nziem. ³⁸ Mud aso ya kesi pusupusu linde, si bo bwil, Filipo ani mud wun li ba kwed mu mania, si Filipo le mu wi mbotik. ³⁹ Tel li ba twi bo mu mania, mifel mi Nziem li mukiele Filipo, mud wun amu mwene we diak, si nde le lwin ma nzil ande mu ise kwo iso. ⁴⁰ Filipo a fi ngha ku bila ba yeme Azoti, si nde a kele a kwe ko pas nsia mbwed mu malo moma so mafe ludo nde tii kun ko twe nde ku bila bi Sezalea.