¹ Tel lili wel bis liguluk iwi, bad ba liliel ne ilib ki ba iyemene malata. ² Bad ba ilib kin ba liseles ngol penza. Tel li, mvul li bee ino, bidzil bikele ngol. Li ba vhi mbaa kobun ba li yem bis baso. ³ Pol asi tol ndam a nkwin, le tulium ku mbaa, nteel wo mpud wo kele mu nkwim le tswi munda mbaa, le musin mu kuu. ⁴ Bad baa ilib li ba mwen nteel a mu nem mu kuu, li ba mwe ne:" Ku ibini mud wu akel wo dusoo bad, munda nde ya bik mu mania, si Nziem wun wo wa bad ndol a dzwel we ne nde a bud kal mu lizing." ⁵ Si kobun, nde le nisii kuu, nteel le bwi ku mbaa, nde aywi we nso ndwis. ⁶ Bad baba mo ba yebe ne kuu li nde li wu wul ka ne lo a ifha. Bad ban ba dzeel tel li lu, ba mwen we nso ma tiemen ma bo. Li ba bee imo ne akel Nziem. ⁷ A nt-nto ani mbel yin ikele mu ntod ye mfum wo ilib kin, nkwum a nde Pubulus. Mu indu kio iso a liyem bis, bis li leel matsu ma tud. ⁸ Tad a Pubulus a keele a peel a nge ntal, munda akele mubiil, dum bu li mu lwide. Pol le win mu imutal. Le sem Nziem, le musi makuu, bibil bi tad wun li biwi. ⁹ Ku ngwel a manda man, bad baba mo baba kele ku ilib kin ba kele ba bil, bo si li bayi kobun li ba wem. ¹⁰ Ba li dzidisee ngol kobun mu tel lili kii ya ilib kin, liba liwi bilo biobiso bi likele bio mfun. ¹¹ Li kele iko ba ngon ba tud, ku ngwele li likwed mu maswa mamo ma bila bi Alesandiliya, nkwum a mo " Banziem ba ba mbu( mapas)." Maswa ma kes akoyan a ngie ilib mutel li mvul. ¹² Bis lil to ya bila bi Silakus, bis li sel matsu ma tud iko. ¹³ Saba ako, bis li wine a nto-nto ani nsee (mu nkwa nsee). Kobun li liito ya bila bi Legio mutsu lili lwin, mufel mumo le fhi ku ndam ye sud, itin kiokin ki litwe bis ku bila bi Puzzol ku ngwel a matsu mwil. ¹⁴ Bis bu limwen ba kun baba mo ba libund iko kun, liba liyemen ikokal mpos imo ku kel bo, ako bis lili si to ku bila bi Loma. ¹⁵ Ba kuun ba libund li Loma li baywi nsiaa yi bis kobun bo li ba ywi tii ku bila be dzan le Appius ani manzo ma tud munda mu ibwan ani bis tel le ba mwen Pol le wi likum ku kel Nziem, nde le bid ngol a mpa. ¹⁶ Tel li li twe ku Loma, Pol le be izing mbel mo ani soda mumo wo kele yan munda a iba keb. ¹⁷ Ku ngwel a matsu ma tud, Pol le vhii bad ban ba kelee ba kwud baba tswelese imvuk mu nkrd a ba yuda. Li ba bwes mu invuk, le ba liel ne: "Bakuun, me a kid we nso ilo imo ibi ku kel ba kuun ba bis ba yuda, nto ku minsik me b ankaa ba bis, si ku Yelusalem bangwi ku makwuu ma bad ba imfum ki Loma. ¹⁸ Tel li ba nsemes bu ba tu ngwiesel, munud me a kid we nso nda mbi yi ba tu ndus bo mi. ¹⁹ Si ba yud baba mee, kobun mi li nsid ne ntotil a nen wo Loma a nsemes. Me akelee we ani manda ma fen ifhun ba kuun ba me ba yuda. ²⁰ Lo lin, me a bwed miniolol mi munud a manda ma bad ba Isaêl ." ²¹ Si le ba liel: " Bis li yem we mikan munud a itin i nda inzi, nso mud mumo we wo yiita to imo ndaa mbi mu nkwum a nzi. ²² Kobun bis li dzwel iyab ma tieme ma nzi, munud bis li yeb ne, nto ani nto ba dzolo we invuk kin ki kel nzi. " ²³ Li pwen tsu likim mu iya yuu Pol. Kobun tsuu lili twe bad bayi bafhun ku nzonde. Safa ipel ti mu nkunkwel a kelee kaka a ba long: aba lwenge munud a imfum ki Nziem. Asee mpil ye iba ben mu mpil ne basa mbwun ku kel Yesu. Malong manda mo maso a bidee mu mikan me minsik ani mu mikaan mi ba mbang. ²⁴ Bad baba mo li basi mbwun mu man ma mwe nde, baba mo ba kisi we. ²⁵ Ba mwen mpil a iyukan we, li ba bee ikabwan, Kobun Pol le ba liel ne: "Manda ma maliel mpev ye Nziem ku kel ba nkaa ba bis ma kel ma ibinii, mbikud Yezaya amwe kobun. ²⁶ Ne:" Nziem a mo : kwe ko ba liel bad ba ne : bin ni bo yuu ifhun, si bin nibo yab we, bin ni bo tala ngol si bin nibo mono we. ²⁷ Munud matieme ma bad ba mayi ngol a ngol. Ba yuu we ku matswi ma bo, ba kes madis mabo. Kaa iwin kala bun, bu ba tumon ku madis mabo, bu batu yuu mu matswi ma bo. Bu ba tu yab, kobun bu ba tu bwumu mbwun, munud mi ba man bibil. ²⁸ Pol le mwe si ne: lolin bin ni fed iyab ne Nziem a twim we nsia ku kel ba yuda ne ba guluk. Boba muywil." ²⁹ Tel le mwe Pol manda ma iwi, ba yuda li ba win. Munzil, bo yee saa mia bobo) ³⁰ Pol a sel ba mvul bwil ku nzo yin ye bid mu ifidil, ayeme bad bo baso baye imutal. ³¹ Nde aba liel nsia ye imfum ki Nziem ani iba long manda man mama tel Mfum Yesu Klistu ani kies kioso. Nso mud wo mukes nzil we.