¹ Kwo minnun tun minɲin kabi gare gare, aan min mɛɛn, an minnun jee an ɲanw ra, an min la pyɛɛ an minnun kɛɛ, an we fwɔ aa fɛɛ. ² Wo ɲanamaya we yi yira; an na jee ka kɛ shɛɛrɛ ye.Ɲanamanya babii min tin min Yaamasa dafɛ ka yraa na, aan wee kwo fwɔ aa fɛɛ. ³ An min jee ka miin mɛɛn, an we fwɔ aa fɛɛ, yaa ko aa ye biɛ ra dun an ka jɛn na.An ne kpin dunninmun YaaMASA ni a dincɛ YESU KRISITA ka jɛn na. ⁴ An kwo ɲinnun sɛbɛ ka ce aa fɛ, yaa ko an ka ɲunsɔnja ra dapa. ⁵ An koma min mɛɛn a fɛɛ ka fwɔ aa fɛ, wo fɛɛ ɲin ye ko:YAAMASA min kɛɛn re; jibi shi tara fyiyeu. ⁶ N'an nan fwɔɔ k'an nin YAAMASA min jɛn ra, ka sɔɔ an tgɔma tɔɲɔri ra jibi ra, an finɲan fwɔɔ, an ti shɛn ka. ⁷ Nga n'an tgɔnma kɛɛn ra, kongo YAAMASA min kɛɛn ra tgo min nan, an min jɛnŋɔn ɲunma ye, a dincɛ yesu krista yuu r'an saninɲa ka bɔ jrumuw biɛ ra. ⁸ N'an ga fwɔ ko jrumu t'an na an naan yɛɛ lafrii,shiɛn t'aan kɔɔna. ⁹ N'an k'an jɔ an ka jrumuw ra a min kantgiye, a teeninu k'an ka jrumuw biɛ yanfa an man, a ni k'an saniɲa teenbiiya biɛ man. ¹⁰ N'an ka fwɔ ko an man jrumu kɛ an ni YAAMASA kɛ fiɲanfwɔ ye, a ka koma ti an kɔɔnna fyewu.