¹ Ne ka dɛɛnsɛnw ne na kwo ɲun nun sɛbɛ ka j'aa ma yaako aa kaana jrumu kɛ. Nga ni jɔ jrumu kɛ, jaman bga maan fɛ aan fa ygɛma ni wo mi YESU KRISTA teenin wee. ² We r'an ka jrumuw yru saa, an drɔnw ta tɛ fwɔ diɲan biɛ ta. ³ N'an ka a ka ce fwɔniw mara, aan nan a dɔ wera ko aan na aye dɔn. ⁴ Miin nan fwɔ ko aye ra dɔn, ka sɔɔ a taa ka ce ninw mra, wo min fiɲan fwɔ re, shɛn ta kɔɔnna. ⁵ Nga min nan ka koma mra YAAMASA kwo dapanin min wo kɔɔnna sɛbɛ ra. Aan nan dɔn wera ko aan min aye ra. ⁶ Miin nan fwɔ ko aye to nin min a ra. wo ka kan ka tgɔnman kongo a ye tgɔman nan tgo miin na. ⁷ AA ye minnu kanun na, ne ti sariya kla sɛbɛ ka ce aa man fwo sariya kɔɔ, wo m'a boora kabi gare gare.AA koma min mɛn ka ban we min sariya kɔɔ wee. ⁸ Wo biɛ nan ta nee miin sɛbɛ ka ce aa man wee sariya kla lee. Wo min shɛn aye nin aaye fɛ, bari jibi tɛmɛshɔro kɛɛn sɛbɛ bɔra ka ban. ⁹ Miin ka fwɔ ko aye min kɛɛnna , ka sɔɔ a ra bareman kɔniɲa, wo min jibira aribiin. ¹⁰ Miin nan bareman kanu wo tonimu kɛɛn na, a ti kɛ mgɔ shi kunnashɛn sabaabuye. ¹¹ Nga min nan a barema kɔniya wo min jibi ra, ee tgɔnman jibi ra. A ti a ta jɔɔ dɔn katgu jibi ra ɲan fyin. ¹² Nee sɛbɛ ɲin ce aa man , dɛɛnsɛnw, aa ka jrumuw yafara aa man a ye tgɔ baakara. ¹³ Nee sɛbɛ ɲin ce aa man ne faw, katgu miin miɲin ka bi gare gare aa wo dɔn. nee sɛbɛ ɲin ce aa ye kanmiinw man , katgu aa she sɔɔ shitani kaan. nee sɛbɛ ɲin ce aa man, dɛɛnsɛnw, katgu aa faYAA MASA dɔɔn. ¹⁴ nee sɛbɛ ɲin ce aa man ne faw, bari min miɲin ka bi gare gare aawo dɔn.Nee sɛbɛ ɲin ce aa man, kanmiinw, bari aa baaka ka bun,YAA MASA ka koman to ni min aa kɔɔn nan, aa ye she sɔɔ shitani kaan. ¹⁵ AA kaa diɲan kanu ɑa kaa diɲan kɔɔn na fɛw kanu. Nin mgɔ jɔɔ dinɲan kanu fa YAA MASA kanuya ti wo kɔɔn nan fyewu. ¹⁶ katgu fɛn miinnu min diɲan la ,piisgo ɲanbɔn fɛnw, ɲaan ka lge, a nin dinɲan ka yɛɛyra wo, wuu shi ti bɔ fa YAA MASA ra, aa bɔ wee ra. ¹⁷ Dinɲan kwiin nan ka ngela kwow tɛmɛ, nga min YAA MASA sago kɛ we to badaa badaa. ¹⁸ Ne ka dɛɛsɛnw, laban waati sruɲanra. Aa ra mɛɛn ko krista kɛɛbga ka kan ka nan.Ayiwa sisa krista kɛɛ bga shianma nan yɛɛ yiraa. we ra aan nan dɔn ko laban waati sruɲan ra. ¹⁹ Aa bɔ ra an ka jɛn ra, nga aa tun taan jɔye. N'an tun m'an jɔ ye, aa tun nan to aan fɛ. nga aa bɔra ka yra kaan tun taan jɔ ye. ²⁰ Aa ye kwin tru myunin sɔɔ senuma we fɛɛ, aa biɛ re dɔniyaa sɔɔ. ²¹ Ne ka sɛbɛ ce kuntɛ ko aa ti shɛ dɔ, Nga ne ra ce katgu aa ra dɔ, ani aa dɔ ko fiɲan shi ti bɔ shɛ nan. ²² Jon min fiɲan fɔ we, min nan fɔ ko yesu ti krista ye? wo tgi min krita kɛɛ bga re, a ri ban fa YAA MASA ni a dincɛ ra. ²³ Min nin ban dincɛ ra, wo ri ban fa fannan. min sɔn dincɛ man we sɔ fa fanna man. ²⁴ Aan kwin koma min mɛɛn kabi gare gera, wora to aan kɔɔn nan.Aan min mɛɛn kabi gare gera, nin wo to nin min aa kɔɔn nan, aa ɲɔɔrɔni nan to dincɛ nin a faa fannan ra. ²⁵ Krista layidu ta ko a nan min jaaman, we ɲranmanya babii wee ye. ²⁶ Miinnu man fɛ k'aan lafri nee ɲin sɛbɛ ka ce aa man wu kwora. ²⁷ Aa kwin ɲin senuman sɔɔ KRISTA fɛ, wo toni min aa ra ɑa makwo ti mgɔ shi ra k'aa kra.Ɲinsenuma naa kra fɛɛ biɛ ra, a ka kra we shɛ ye ,fiɲan ta ra, we ra to aa ɲinsenuma ka kra mra kaa to krista ra. ²⁸ Ayiwa, dɛɛnsɛnw, aa to krista ra warisa a k'i yra dun miin nan aan yarakweyani nan sɔɔ, an kaa muun a ɲan kɔɔ a nan duun nan. ²⁹ Aa ra dɔn ko KRISTA teenin no, wo ra aa ka kan ka dɔ ko mgɔ o mgɔ teeniya kɛ,wo bagira a ye fɛ.