¹ Kasaamanɩ ɖe nɩ, bɛrɛ ba lə Galilee kəba baja bagalee ashee ɖaa Pɩlatɩ acəkəla na bashile ma. ² Na Yeesu a lə pɩ wàà: Anyɩn ɩ yɔ wàà, ba lee ka babɔnja awu Galilee kəbaja basaaka aa ashee ba ji ishɛi ɖaa gəη ma lay aa? ³ N tɩ lə anyi wàà aaɩ. na k'ɩ lee tuuba na, anyɩ mbaηunii ɩ tɩɩ lee asaara ⁴ Yaa bɛrɛ təb na ganaana silue, mbaɖee laη asike kagʋmana gʋ fəɖa akə pɩ ba ci ma. I na tamtam wàà ba lee ka Jerusalɛm kəbabɔnja babʋ mbɔnɔ baηunii ni aa? ⁵ Aal. N tɩ lə anyɩn na k'ɩ lee tuuma na, ɩ tɩɩ lee asaara anyɩn gboo. ⁶ Na Yeesu a tam gakɛɛshile ηgade ʋɖən atəu gʋfigiiyo, atɩpɩ apiɖe kiyupi ama k'a ηə na. ⁷ N'arὲ alə finy kagʋyo yar waa, yə ɩ ɖoo bʋja bʋriu n na pɩ atɩ na yɛɛ ɩyupi akʋʋfigiiyo laη kə ma na yə na akoɖənna ma. Sɔn ma kʋ cam gatəna? ⁸ Na gʋFigiiyo yar a lə wàà, Pala kʋ gaja ηgaɖe naa ma ko asir kʋ kal aɖʋ anapəna. ⁹ Gajifɔli gʋ ta ηʋm ɩyupi gani ɩɩə ama na k'a gʋ ηʋm na ʋ taa sɔ kʋ. ¹⁰ Yeesu a cee tɩ Faηa ɩsɩnagɔɔgɩ nɩ sabatɩ kaηkele. ¹¹ ʋsəmprə ɖən acee k'a ɖa awʋɖa ɩjinɖi ba bɔnɔ ba pa na nɩ a pra gʋlʋFaaka yar. A wʋɖa gakʋrʋ na k'a na səra ayiɖe alan na. ¹² Yeesu a ηə ni ma, naa yiɖa naa alə waa, akʋshɛɖʋ nɖe ʋ pala akɩ. ¹³ Na Yeesu a tər anyɛ ʋsəmprə ɖe laη kpaari na ata yiɖe naa akʋma Gaja. ¹⁴ Sinagɔɔgɩ kʋga ʋcina kʋkər na aɖʋwàà: Yeesu acam akiɖe arὲ Sabati kʋshilè ma laη. ¹⁵ Na Yeesu a lə nɩ waa, Munaafiki anyaηana k'a na kʋɖa agaraηkɔηkɔηɔ koo ana ace na nɩ a tɩ nyem bʋto Sabati kʋshilè na? ¹⁶ Gəy ci gboo Abraham ʋpur, ʋsəmprə nɖee sheetaanɩ ari ɖoo bʋja təb na ganaana ma, k'a səra ηə alaaFiya sabati kʋshile aa? ¹⁷ A na lə alesʋra ɖe ma, ɩcifala ɩ ta kpa mbaɖee k'ɩ cee fana ashee pɩ na ma ama, bɛrɛ baηunii mbaɖee ba ηkəm bɩcine ɩ ta kər ashee ayɔkɔ nɖee Yeesu a lee ma. ¹⁸ Na, Yeesu a lə wàà: Mʋ nʋ Gaja kaayarritəna ga ɖoo na mʋ nʋ (maakɔ, ni) ba kpaari na ma? ¹⁹ Gaɖoo gɩsʋkɔi arὲ ɖən a bəɖa agakəmwara nɩ naa giɖa apra gʋya gʋbʋmbɔnɔ bʋsapi gaja laη kabʋja bʋ ɖʋ adaηa kɩla nɩ ma. ²⁰ A kɔɔ lə apele wàà: Mʋ nʋ ma kpaarɩɩ na gaja kaayarrɩtəna? ²¹ Ga ɖoo lefɩη nɖee ʋsəmprə ɖən a tɔɔ acəkəla na boɖoboɖo kʋnarʋ eguwɛ beriu ni halɩ ɩ tɩ fuga atama na. ²² Yeesu a cee tɩ jeɖe Jerusalɛm kagʋsaʋ kabʋ papiri na kapa na cere pɩ. ²³ N'ʋɖən a lə ni wàà, Gaja, bɛrɛ cei ba naa lée nɖi nsanka aa? Naa a lə pɩ wàà. ²⁴ Cɩ ma ɩbobo a kpa na gʋcaηkɔ gʋjala aɖʋwaa, bɛrɛ tuutuuma ba tə ba yɛɛ ama kə ba səra akpa na. ²⁵ Tam nɖee gafala yar a naa ta a rəm 'agafala ma, anyin ɩ tɩɩ yiɖe aka na yiɖe aka na yɩɖa Gaja! Gaja! Pala atʋ gi kpa. A taa tələ naa a lə wàà kə ma yɔ anyin na, ƞka na ɩ ɖo o na ma? ²⁶ Kasaa ɖe, ɩ tɩ lə wàà: Gi man ajɩ ʋjɩʋ aman anyem bʋto naa naa cere bɛrɛ atɩnyɩnca laƞ. ²⁷ Ama a taa lə wàà: N tɩ lə anyin wàà kə ma yɔ gaɖuu ɩ ɖoo mama na. Ləm ma n'amʋ ajalɔ. Anyin mbaɖee ɩ na lee alesʋra nɖee k'ɩ ɖa ɖeiɖei na ma. ²⁸ ɩ tɩɩ lee bʋbo n'anyoo kər tam nɖee nɖee ɩ nɩɩ ƞə Abraham, Isaak, Yaakubu na anabi ma na Gaja kaayarɩtəna nɩ ma, ama ɩ bəɖa anyalɔ aka. ²⁹ Ba tə ba ɖoo na gʋnyipɛnɛ pɛnɛlaƞ, gʋnyɩsono laƞ, gajaka laƞ na gɩntənshile laƞ na ɩ tɩɩ lee ʋciƞkərka ashee pɩ tam nɖee ba naa sə ʋjɩʋ kaatabiri laƞ Gaja kaayarɩtəna nɩ ma. ³⁰ Yɔ ma ƞgaɖe: Bakəmja ba tə ba pra basəbaka naa basəbaka ba ba pra bakənja. ³¹ K'ɩ lən na, na Fariisi kəbaja ba kpa naa alə ni wàà: kʋla atəbə atiya aɖʋwaa Herooɖ a tɩ yɛɛ a laa akɩƞƞuro. ³² Kʋla ma acə atɩ lə ƞə ; n tə ma kər naa akiɖe ɩjinɖi babɔnɔ ʋrɔƞ na gacən na ʋshile ʋriutaja ntə ma saa ambaja. ³³ Aɖʋwaa k'ɩ sim ba laa anabi ɖən aƞƞuro k'ɩ lee Jerusalɛm kampa nɩ na. ³⁴ Jerusalɛm! Jerusalɛm! Aki nɖe ʋ na kə anabi baburo na mbaɖee alaaƞƞuro ba təm ashee aki ma baɩ na ɩ na ɖa amʋ ba wala akəbapi ɖaa acɩrɩ a na wala bʋcɩrɩpiri apəra ni ma. Ama k'a sɔlɔ ma. ³⁵ ƞə akaafala gapəra fɔi. N ti lə aki wàà k'a kɔɔ ƞə amʋ na hali a li lə wàà Gaja ɖʋ arɛi aɖa ƞƞura kaja kaƞyiɖa laƞ ma.