¹ Ŋfia, nɔnvi rɔnrɔntó wó ŋle ŋrɔn eveatɔ nɛnmi nǝ veve dodo kide mia ŋúsɛ́n le gbɔngbɔn mǝ. ² Gbɔxo nɛn mia ɗó amǝ kɔkɔwo nyɔn de ŋkɔ́ kide biɔbiɔ́ ke mia dádá kide mia xɔnamǝtɔ sé tó Yesu emǝ dɔdɔ wó ji. ³ Mia nya de ŋkɔ be amǝ kelé ko amǝ wó wá va ŋgbé si, i wa va léko wó deki wó, kide wo tá wó jojró. ⁴ I wó á le nube:"léfi énugbe dódó le lé tɔtrɔmǝlé? Mia dádá wó kú le lá vɔa enu wó kpɔ tɔ i ci nɛn có xixeá jɔ́jɔ́ mǝ." ⁵ Wó yrɔbe kide jójró be jiŋkori kide anyigban do có ecimǝ, tó Mawu ŋkɔ mǝ. ⁶ Tó enú ná wó mǝ i xixea ké mǝmi lé gbe va wú gan amǝ i kaka. ⁷ Mikpɔ, jiŋkori wó kide anygban cinɛn éci. Le kpɔkprɔ dékɛn á mǝ: enu na wó cina kójó dodo yé ŋké kide waóá gban enú dahinwó. ⁸ Nɔnvi rɔnrɔn tɔ wó, midó lá ŋrɔnbé enu deká ó, be ŋkéké déka kide mia lé dádá gbɔ à lé sigbé ŋkéké kawui-vɔa tɔn. I icɔ ŋkéké kawui-vɔa tɔn sigbe ŋkéké dékaá nǝ. ⁹ Mia dádá ŋci nɛn ŋgbé lé yé nu wɔ́wɔ́, le ye numa gbe dódó mǝ sigbe amǝ ɗó le bui nǝ ó. Vɔa e xɔ jigbɔn ɗɛn dé wó un. Ŋlé jibé amǝdé na ́dé ná kú ó, vɔa e le jibe amǝsiamǝ na trɔ́ jimǝ. ¹⁰ Ga na mǝan mia dádá yé ŋkéké á vá ɗa sigbe frafitɔ́ nǝ. Jiŋkóri wó wá va yi kide zikiti gángán déká. Ezo afinyɔn enu wó seé i enu kelé anyigban jiawó á ci gbáŋgba. ¹¹ Ke i nyi bé é nu nawó á dáhɛn le nɔnɔn dékɛn mǝ, mɛn mǝ ŋkumǝ i miatenyi ?Mia nɔ́n nɔnɔn ɗiɗi mǝ. ¹² I lé nɔnté kpɔ Mawu ye vává le gbéɗéká yé ŋkéké mǝ, ezo abi jiŋkori yé nu a wó. ¹³ Vɔa mi nɔnté kpɔ Mawu ye vává le ŋkéké deká mǝ, le gaxoxo ŋna mǝ á, ézo á fiɔn enu kélé anyigban ji á ó, i enu a wó séé wa lóló. Vɔa mi lé nɔntékpɔ sigbe enua nɛn. Jiŋkori yéyé wó kide anyigban yéyé, adodo núnú á vá nɔn anyigba ji. ¹⁴ I tádo á nɔvi rɔnrɔn tɔ wólé Mawu miǝ, gbɔ xó mia le nɔnté kpɔ enu na wó á, amǝ siá mǝ ná nɔ́n nɔnɔn nyɔngbi mǝ le Mawu yé ŋkɔ kide ŋtifafa mǝ. ¹⁵ Mia cɔ be mia xotɔ jigbɔdi yé i nyi mia ɗéɗékpɔkpɔ, sigbe mia rɔnrɔn tɔ Pɔlu nyrun a na, sigbe enu nyanya ké wósé dasi nɛn a nǝ. ¹⁶ Pɔlu le nu enyɔna ó séé le yé nu ́nyɔnyrɔn mǝ, ke afi ɗó lɛn i vádi sésé. Amǝ manya nu ó kide amǝ ma ɗótá ó le trɔ enu wó nɔnon mǝ sigbe wó le trɔ enu nyɔnyrɔn, de wó tá wó ne wótá hɛn dada mǝ. ^{17 18} Ye tado, nɔvi rɔnrɔn tɔwɔ, sigbe mi nyɛn an enu a wóá, mi nɔn aceji cágbé nǝ mika jé amǝbretɔ wó nyɔ mǝó, kéké nǝ mia va bú mia nu tóxo wɔwɔ.18 Vɔa mia cin lé amǝnuvévé mǝ kide mia xɔnamǝtɔ Yesu Kristo. ŋti kɔkɔ i jé nǝ lé égba mǝ i sé yi mavɔ mǝ. ACƐN