Petro ye wema eveatɔ eta amǝvǝ (2)
1
Ganŋke vixo-nyɔnuɗɛtɔwo nɔ amǝawo mǝ, sigbe nǝ vixonukpratɔwo ca anɔ mia mǝ enǝ, Woahǝ nukpakpra vixotɔ va le ayemǝ, ke ahǝ amǝwoyi cɔncrɔn mǝ. Woagbe axotɔ ke xrewoa, i woahɛn cɔncrɔn ma doŋu deŋu vawo dekiwo ji.
2
Amǝ sugbɔ akprɔwodo le woŋkpǝnuawomǝ, i towojia enyɔdodoa abu ye fixɔxɔ.
3
Mianuwo aci ŋkuvimǝ nǝ enukpratɔawo i woa cɔ vixonyɔwo se bremiɗu,wo fɔnbubu a ŋle diŋditoho o, i wo cɔcrɔn ca ŋkàdɔn arɔn o.
4
Nǝ Mawuŋǝdotɔwo ca wo ŋdi le mǝ o, i ke wo wɔ nuvɔn a Mawu tuwo de zomavɔmǝ ɗɛ, nǝ kojodogbea,
5
Nǝ ŋ'cɔɛ se ke xoxotɔwo o vɔa ena, i ecidɔdɔ va le Mawu mavɔntɔwo, le hiheamǝ, vɔa ede nowa ke nyin gbefandetɔ le ye jɔjɔɛmǝ,kide amǝ amadre.
6
Mawu ɗiɗi Sodomǝ kide Gomora dua, le aƒi mǝ. i ebufɔnwo yi cɔcrɔnmǝ nan nyin kpɔdeŋu nǝ nuke arajɔde, Mawu mavɔntɔwo ji.
7
Wode Lotǝ amǝdodo ke sejimawɔtɔwo nu wɔwɔwo tikɔnɔn.
8
Amǝdodo na kelewomǝdɛà, enukeelekpɔ' kide ke ileseawoa edenǝfun nǝ ye kpɔri.
9
Ahotɔa nya sigbenǝ ade amǝ dodowo le dodokpɔmǝ, inya sigbenǝ avahinto nǝ amǝ majemajewo le kojodogbe.
10
Elawoyi le nyi nyɔdodo ŋtaŋta nǝ ame ke kpro ŋutiran nujojro bàdawodo, i wodanǝ etatɔwo de anyigban, jidodo kide tamǝsinsin le womǝkeke woŋ'gbelesi o, enyɔmadinyɔwo yi wonunɔ ɗe jiŋ'kori nuwoŋu.
11
Mawuŋedotɔ ke leŋkɔ yi sinŋu wuwoa wo'ŋ'nunɔèzu ényɔ ke adanhǝ ama co enuke leagbeawoŋù le axotɔa ŋkumǝ o.
12
Vɔa eran manya nuawoa, éwɔwo mǝ woalewo i crɔnwo, woŋ'nya enuke wolezuo, woa crɔwo.
13
Agbenɔnɔn baɗa ke wolenɔa woaxɔ ye fintu, wo'bukɔmǝ acɔ amǝdeki i seŋna enu madinuwo le ŋkekeamǝ i le nyi nyɔŋgbitɔ, woxodu amǝ makɔmakɔ le azanwomǝa wo wɔnɔwoɗekiwo amavevewɔ, le wo vixowomǝ le azanduduwo mǝ.
14
Woŋkuvidɔ kide matele nuvɔn wɔwɔ ŋ'tikɔ nǝwo gbede o, wole kprɔ amǝmasinŋu wo dewonu badabadawomǝ, wojiwo dɔ kiɗe ŋubiasééé wonyi devikewo wo'donu.
15
Wogbemɔ jɔjɔɛ ɗɛ, wo'bu i cɔmɔ ke le nyi Balami kelenyi Bèwo'rivia ke rɔnnɔ mǝ' yea le ɗu zannu-fetu.
16
kɛtɛkɛtɛ ke n'xonɔnua va cɔ agbetɔgbe se xonu nɛ igbényɔnɛ le ye nuvɔnwɔwɔta, yicode nyɔnudɛtɔa-cuku wɔwɔji.
17
ŋucu la wo le sigbe doto ke eci n'le mǝ ema o ena ki de akpɔ'kpɔ' ke aya le lɔyi i le lɔgbɛ ena,wojra ezubru cidicidi do dɛ nawo.
18
Wocɔnɔ wonuwo i se xonɔnu kide hɔnhrɔngbale, ke womǝ gangan ŋ'gan le wocɔ ŋutiran-nu jojro badawo i brenɔ amǝkesi le amǝbadawogbɔ ŋfia ɗɛ a wo.
19
Wodo amǝdokuisinɔnɔ ŋgbenawo vɔa woŋtawo nyi amǝxexre le zannumǝ enukedɔa ame nyinɔ amexexre na enukewo séé le duji de yegbejia.
20
Nǝnyibe midole enuxodixodi ke lè xixeamǝ to axotɔ kide xɔnamǝtɔ Yesu Kristo, i gbetrɔyi xodixodiamǝa amǝ na-gbenɔnɔ a vayran dejiwu kelékeletɔ.
21
Anyɔnowo mǝ wo ŋdesi enyɔdodoa mɔ jrɔ yigbetrɔ le ese-kɔKɔ ke wose ŋ'nawo.
22
Lododo la enyi nyɔdodo' nǝwo, avu ke trɔyi enu ke itruɗɛagbɔ ehan ke wolecinɔ, gbetrɔyi bàbà-amǝ ke.