¹ Simon Petro, amǝ xéxre, Yesu Kristo yé mǝdɔdɔ, nǝ amǝ ke xɔse ŋtaŋta wó, sigbe miá cawó enǝ. Xɔse adódó ke co míam dada Yesu Kristo gbɔ. ² Amǝnuveve ne mí, ŋtifafa nají ɗe ŋunnu nyan-nyan ke co Mawu kide Yesu gbɔ. ³ Enu ɗesiaɗe, ke có Mawu yé ŋsen mǝ ne agbe a, wó nawó mí có Mawu yé sijeje mǝ, amǝ ke yɔmi tó ŋtikɔkɔmǝ kide amǝ ta kpɔkpɔ mǝ. ⁴ Tó ŋnawó mǝ, i wɔ ezeɗeɗe howo ne mí. Exɛ be miate ŋun nɔn Mawu mǝ, ɗo midó le xixéa mǝ, cagbé enu bada-bada wó tɔ. ⁵ Cagbé ŋna tɔa, miwɔ caca nyɔgbi kide xɔse. Le mian cancan mǝ, mi nyan nu, ⁶ Í le mian nu nyan mǝa, mia cɔ mia ɗekíjí dudu, vévé dodo kidé adɔ́n nu kpɔkpɔ í sé wɔ ǝdɔ. ⁷ Í le adɔnukpɔkpɔ mǝ, mi cɔ havi- rɔnrɔn, le havi-rɔnrɔn mǝ mi cɔ rɔnrɔn kpé. ⁸ Ɗóbe ne énú ŋnanwó ci le mía mǝa mí ŋkanyí amǝ gbalé le Yesu Kristo yé nunyan mǝa. ⁹ Vɔa amǝ ké mǝ ŋnu nawo lea, í le jí nu fafa a nyi ŋntɔnɔn, í rɔ́nbe bǝ wó le ci ne yé, le yé nuvɔin wó mǝ. ¹⁰ Lé ŋa mǝ a, nɔnvi nye wó miwó nú nyɔgbin ne miá kandé miá yɔyɔ, kide mia can-can jí. Ne mi wɔ de enu ŋnawó jí a, mí ŋka bu emɔn o. ¹¹ Le ŋnamǝ wóa xɔ́ mí le mia dada kide mia xɔlá Yesu Kristo yé fiɔduxomǝ. ¹² Ganamǝ a, un sɔgbe í la le ɗoŋun énuawo ne mi bári mi nyɛn ɗɛ́. Í fia mi sunŋ le adódó nunu mǝ. ¹³ Enyɔ́n be ma nyɔ́n mí í le doŋu ǝnu nawó ne mí tɛ́gbɛ́ ne ŋle mia gbɔ. ¹⁴ Ɗo ŋ́nyan be ńka diŋdi o ma co le mia gbɔ, sigbe miadada Yesu Kristo kpra ŋun enǝ. ¹⁵ Matekpɔ í la kpéde mia ŋkide susubɔ ne un va co le mia gbɔ, mian te ŋun le do ŋun. ¹⁶ Ɗobe ŋnyi mi kprɔ enyɔn kpra-kpra wódo ke mi xonu le ŋsɛn ke la dó le mia dada Yesu Kristo yé vává mǝ o, Vɔa mi kpɔ toxo. ¹⁷ Ɗó exɔ bubu kide dódó ɗe ejí co Mawu etɔ agbɔ ke se yé dódóɗe ejí gbǝ:" Amǝ la í nyi evinye rɔ́nrɔ́n ke ŋun tiŋ jíkude." ¹⁸ Misé egbǝ lá có jiŋkori ke mi le étó kɔkɔa jí ɗɛ́ kidé. ¹⁹ Mixɔ enyɔ́n nu ɗɛ́ elawó kidé kakádjí be mia kúde ŋun, Ǝwɔ́ɗɛ́ sigbǝ kanɗé kǝlǝ bí le mia jí xódú xódu wómǝ kǝkǝ ne ŋundi yé wletivi na do ǝne. ²⁰ Mínyan jéŋkɔ be enyɔ́n nu ɗɛ́ ke wó xlɔnɗɛ́ a ɗekin ŋcó amǝ dekɛn yé nyɔ́ mǝ ɗeɗe gbɔ ó. ²¹ Í enyɔn núdɛ́ ɗekin ŋcó amǝ gbǝtɔ ye rɔnrɔn mǝ o, vɔa amǝ kewó Mawu yé gbɔ́ngbɔ́n cán, wó í xónú lǝ Mawu yé ŋkɔ mǝ.