¹ Nɔnvio,ŋle nuho hokɔ nɔn mi be,mi ŋde gbe nyan be ese ŋde gbe ɖo ŋsin ɖo amɛ tsi ku dji owa? yi ese ɖo rɔnrɔn ɖo amɛ tsi leagbe djio? ² Yi ŋtsi ese tsa nyɔnu kudo asuɔ gatsimɛ ŋsuɔ le agbe,vɔ nɔn ŋsuɔ kulɔ ese ɖe ŋde gbe tsawo. ³ Vɔ nin asuɔ le agbe keŋgbɔxue yi ɖe asu bulɔ wo la yɔɛ be hashitɔ;vɔ nin ŋsuɔ kulɔ ese ŋde gbe tsawo ehinlɔ ela ɖe asu bu djro. ⁴ Yi ŋtsi nɔnviwo to kristo ŋtsilanmɛ lɔ mio tsan mi ku to eseɛ mɛ nin mi ŋgbe nyi amɛ butɔ, mia nɔn amɛ tsi fɔn le amɛ kukuwo mɛ yi la kusinsin sɔ yi nɔn mawu. ⁵ Ɖo gatsimɛ mi le gbazamɛ lɔ edjro enuvui tɔ ɖo ŋsin ɖo mia dji to eseɛ dji yi nan sinsin ekutɔ. ⁷ Le mia nuŋ viɛ? ese ɖe enuvui ya? edjidji do xɔn! vɔ ŋdjeshi enuvui to ese dji.Ɖo ŋdjeshi enu djrodjro to ese d7ji ɖo eseɛ nube ŋgbe djro enuo. ⁸ Vɔ enuvui to nɔn ese dji yi mi djronɔn enu vovowo.Ɖo nin enuvui ŋde leo lɔ eseɛ kunɔn. ⁹ Enyi gatsimɛ nyi ŋde ɖo ese olɔ ,ŋle agbe; vɔ gatsimɛ gbeta sɔsɔ valɔ enuvui trɔva agbe,yi nyi trɔ ku. ¹⁰ Yi ŋtsi gbeta sɔsɔ tsi la kplɔŋ yi agbelɔ etrɔ kplɔ nyi yi ɖo eku mɛ. ¹¹ Ɖo enuvui sɔ emɔn kpɔkpɔ yi bleŋ to gbeta sɔsɔ yi sɔŋ sɔhu. ¹² Yi ŋtsi ese nyi enu kɔkɔ gbeta sɔsɔ nyi enu kɔkɔ yi djɔ yi min. ¹³ Enu tsi nyɔn lɔ enyi nu yi la kplɔŋ yi kua? edjidji do xɔn! vɔ enuvui yɔ yi ɖe ɖekiɛ fia to enuvui tsi nan nɔn eku to adodui mɛ, yi so gbeta sɔsɔmɛ lɔ etrɔ zɔn amɛ tsi wo ɖo kodjonan gangan. ¹⁴ Mi nyan be ese lɔ enu gbɔn gbɔn tɔ yɔ vɔ nyin lɔ ŋnyi gbaza tsi wo sado enuvui. ¹⁵ Ɖo nyin ɖe nyan nɔn enu tsi ŋwoa nɔn: nyin ɖe woa nɔn enu tsi ŋdjro nɔn,yi enu tsi ŋgbe nɔnlɔ yi ŋwoa nɔn. ¹⁶ Vɔ nin ŋwoa nɔn enu tsi nyi ŋde djronɔn olɔ ŋdo nɔn djeshi to xɔn be eseɛ nyɔn. ¹⁷ Yi gaxɔn mɛlɔ ŋde gbe nyi enyiɛ yi le wɛwɛkɔ vɔ enuvui tsi le enyiɛ min yɔ. ¹⁸ Enu tsi nyɔn ŋdjeshi vɔ ŋde le enyin mɛo yio gɔnmɛ nyin be gbaza tsi nyinmɛ: ŋɖo edjro,vɔ nyin ŋde ɖo rɔnrɔn tsi woa eŋuio. ¹⁹ Ɖo nyin ɖe woa nɔn enu ŋui tsi ŋdjro nɔn vɔ enu vui tsi nyi ŋde djronɔn lɔ yi ŋwoa nɔn. ²⁰ Yi ke nin woa enu tsi nyin ŋde djro nɔn lɔ ŋde gbe nyi enyin yi le wɛwɛkɔ vɔ enu vui tsi le enyi mɛ yɔ. ²¹ Ŋkpɔ nɔn ese xɔn le enyin mɛ; nin ŋdjro eŋui la walɔ enu vui blanɔn ɖo ŋtsi nyin. ²² Ɖo ŋkpɔ nɔn djidjɛ ɖo mawu yeo ese ŋtsi ɖo agbetɔ gbɔn gbɔn mɛ tɔŋtsi. ²³ Vɔ ese bu le ega ɖukɔ ɖo ŋtsi lan tsi nyi wo dji sɔ kpanŋkɔ ese yeyeɛ lɔ yi sɔ nɔnŋ trɔ nɔn kannu mɔn nɔn enu vui tsi le ŋtsi lan tsi nyin mɛ. ²⁴ Ŋshishin tɔ tsi ŋyinlɔ! min ɖe yi la ɖeŋ le gbaza eku tɔ tsɛ? ²⁵ Vɔ ŋtsi fafa nɔn mawu to Jesu kristo axueto lɔmɛ. Exɔn mɛ lɔ ŋnɔn nɔn mawu yio ese dji shigbe le tsi ŋse xa.Gaxɔnmɛ lɔ ŋyin kan numɔn nɔn ese enuvui tɔ.