¹ nɔvinye, ewue le kodjo ȡowɔ na amɛ buwoa? amɛȡe kpekpei tsi wonyi tsa lɔ ŋda tɛŋ nube yewanɔ nudjɔdjɔɛɔ,nɛ woȡo kodjo nɔ amɛbu lɔ, woŋtɔ ȡekio kpo woȡo kodjo nɔ, ȡo enuxɔ ke kpo wo, kodjoȡotɔ lɔ, ŋtɔ tsa wowanɔ. ² mi nya be Mawu tɔ djɔ, ne eȡo kodjo nɔ amɛtsiwo wanɔ nutsɛwo tɔgbe. ³ nɔvinye, ke ewo, tsi le kodjo ȡowɔ nɔ mutsɛwo watɔwo, vɔ woŋtɔ wowanɔ nuxɔwo tɔgbe, ȡe wobu be yela tɛŋ shi le Mawu yio kodjo ȡoȡoɔ nua? ⁴ alo wosusu be Mawu nyɔnɔ dɔmɛ ŋtɔ, donɔdji ale gbegbe, gbɔnɔ djiȡɛ blɛwu ŋtsi, ŋde sɔ ȡekpekpei le meɔ? ke ŋde nya be ȡe Mawu le dɔmɛ nyɔ waɔ nɔ ye sɔle kplɔkplɔ be natrɔ djimɛ oa ? ⁵ tsiwo sɛn to be yeŋda trɔ djimɛ o lɔ, wo ŋtɔ wona tohehe, tsi Mawu la nawo le ŋkeke xɔ dji lɔ, le ŋsɛɔ dji nɔ woŋtɔ ȡekiwo. gbexɔgbe Mawu la ȡo kodjo djɔdjɔɛ, yi ila ȡe yio dɔmɛ zi sɔfia. ⁶ ela ȡo texue na amɛ shiamɛ le nutsi iwa lɔ nu. ⁷ amɛtsiwo ku kutri wa nu nyui, yi wodji ŋtsikɔkɔɛ, bubu agbe nyi!ui nɔnɔ lɔ, Mawu lana agbe mavɔ wo. ⁸ ke metsiwo adjrewawa djɔnɔdjina, yi woŋde ȡonɔtonyatexuɛ lɔ, vɔ wolɔ nuvɔȡi wawa lɔ, Mawu la hɛnto nɔwo veveiȡe ku dɔmɛzi. ⁹ amɛtsiwo kpata sɔ nuvɔ wawa sɔȡodɔ lɔ, lakpefu, yi wola se veve; yudatɔwo tutugbɔ kudo amɛtsiwo ŋdenyi yudatɔwo. ¹⁰ ke ŋtikɔkɔɛ kudo ŋtifafa lanyi nunyui watɔwo kpata tɔ. yudatɔwo kudo amɛtsiwo ŋde nyi yudatɔwo tsa tɔ. ¹¹ ȡo Mawu ŋde kpɔnɔ amɛŋmɛ o. ¹² amɛtsiwo Moizi yio se ŋde blaɔ, yi wowua nuvɔ lɔ, wola hɛ to nɔwo se manɔshi tɔ, ese tsɛ wola sɔ ȡo kodjo nɔwo. ¹³ ȡo ŋde amɛtsiwo ȡonɔtɔ senɔ seɛ lɔ woele djɔdjɔɛo le Mawu yio ŋmɛo,boŋ amɛtsio wanɔ seɛ dji yiɔ. ¹⁴ se yiɛ ŋde bla amɛtsiwo ŋde nyi yudatɔwo gbɔxueo . vɔ ne wowa ȡo seɛdji djɔdjɔme nu le woȡeki shi lɔ, ke etrɔ zu se dodo nɔ woȡeki, togbɔ be se ŋde le woshi tsao lɔ. ¹⁵ letsi wowanɔ nu ȡo se dji lɔ ȡeni fia be Mawu ŋlɔ seɛ ȡo wo djimɛ. nɛnɛke wo djitsinyɔ ȡenɔ nukafu nɔwo so eyɛ ŋtsi,ȡo gaȡewo lɔ, wo tamɛsusu ȡonɔ kodjo nɔwo, gaȡewo mɛ lɔ eȡenɔ be wole djɔdjɔɛ. ¹⁶ nutsi fiaɔ ahiɛn nyɔ nyiɛ le lɔ yi nyi be letsi amɛ lanɔ agbe gbexɔgbe, gatsimɛ Mawu laȡo kodjo nɔ amɛgbetɔwo nyɔ wawlawo to yesu kristo dji. ¹⁷ woyɛ lɔ, woyɔnɔ ȡekio be yudatɔ , woȡonɔ ŋkuvi ȡo ese lɔ ŋtsi, yi wonɔnɔ ȡekio kɔkɔɔ be Mawu yio mɛ yio mɛ tɔxɛ yenyi. ¹⁸ wonya Maxu yio lɔlɔnu yi wo nya nutsi inyi enu nyui shigbe letsi wokpli le seɛ mɛ xa ene. ¹⁹ wobunɔ ȡekio be ye nyi ŋkuvigbagbatɔwo kplɔla kudo klɛklɛ nɔ amɛ tsiwo le vivitsi mɛ. ²⁰ wosɔ ȡekio sɔwa amɛ manyanuwo kplɔla ku amɛ tsiwo ŋde kpɔ shi haȡeo wo tsitsa. wo nya nyuiȡe be nunya kudo nyawo ȡeȡe kɛȡɛ le seɛ mɛ . ²¹ ledewa wo, ametsi le nufiaɔ amebuwo ȡe, nafia woŋtɔȡekio lo? woȡe gbafan be woŋgbe fifio, vɔlɔ, woŋtɔ wole fifiɔ. ²² woto be woŋgbe wa hashio, gake woŋtɔ wole hashi waɔ. legba nyɔŋ nɔ, wofinɔ voduxe nuwo. ²³ wo, amɛtsi xonɔ adegbe be ye wuanɔ seɛ dji lɔ, ewo ke gbe danɔ seɛ dji sɔȡenɔ bubu djo le Mawu ŋtsi. ²⁴ Mawu nyɔ nui lexa peɛ, be mia yudatɔwo tayi amɛtsiwo ŋde nyi yudatɔwo lɔ tonɔ enyɔ baȡa ȡo Mawu yio nyikɔ ŋtsi ȡo. ²⁵ ne wowa ȡo seɛ dji lɔ, ke viȡe le axo vo soso shigbe yudatɔ ene me; ke nɛ ŋde waseɛ djio lɔ, ke wole shigbe amɛ tsi ŋde nyi yudatɔ xaenɛ. ²⁶ nɛnyi be amɛ tsi ŋde nyi yudatɔ, wua seɛ yio ȡoȡowo dji lɔ, ke Mawu nabui shigbe amɛ tsi wa seɛ dji xa nɛnɛ oa? ²⁷ fifiɛ amɛ sti ŋde nyi yudatɔ wa seɛ dji lɔ, lado ŋkpɛ wo, yudatɔ tsi da seɛ dji, togbɔ be woŋlɛn seɛ do alɔme nɔ gake. ²⁸ ŋde nyi amɛe tsi nyi yudatɔ le nukpɔkpɔ nu, alo ame tsi woso vona shigbe mɔisi yio,seɛ nu xa enɛ inyi yudatɔ inyi yudatɔ akuakuo, ²⁹ vɔlɔ ame tsi nyi yudatɔ le ye ȡeki me, yi iso vo nɔ yio dji yiɔ. vososo tsɛ so Mawu yio gbɔgbɔ lɔ gb, ŋde so ese tsio ŋlɛn daȡɛ lɔ meɔ. Mawu yi kafunɔ emɛ tsɛ tɔŋgbe, keŋde nyi amewo yiɔ.