¹ ke ele nɔ mia ametsiwo shi ŋsɛn lelɔ be, miasɔ amtsiwo ŋtsi ŋsɛn ŋdeleo lɔ wo gbɔdjɔgbɔdjɔwo, be miŋdje mia ȡekinuɔ. ² miadomɛtɔ ȡeshiaȡe na dje nɔviɛnu sɔna yio nyɔna, benɛ wuasɔ tu amehawoȡo; ³ vɔlɔ chtisto tsan ŋdedje yeȡeki nuɔ,vɔ shigbe letsi woŋlui deȡɛ be: ezu tsi amewo kpata sɔ zuŋ va djinye; ⁴ ȡo nutsi woŋlɔ daȡɛ san lɔ woŋlui le mia nufiafia ŋtsi,benɛ miasɔ ŋlɛŋlɛwo djidodo kudo akofafa asɔnɔ mɔkpɔwɔ ⁵ ke djidodo kudo akɔfaf yio Mawu na wami be miasusu tame ȡeka le mianɔnɔwo dome le yesu christo ŋtsi. ⁶ benɛ miasɔ tamɛ ȡeka kudo enuȡeka asɔ kanfu Mawu miaxuetɔ yesu christo yio tɔ. ⁷ eyɛŋtsi mixɔ mianɔnɔewo , ɛhigbe letsi yesu tsa xɔmi sɔna Mawu yio kafukafu. ⁸ ȡo ŋle totowɔ nɔ mi be, yesu christo zu sumɔvi nɔ evososo le Mawu yio nyatexue ŋtsi , benɛ wuaȡokpe ŋgbedodo tsiwo wodo nɔ tɔgbeɛwo lɔ. ⁹ yiŋtsi maxɔsetɔwo kafu Mawu le yio ŋshishi kunameta, shigbe letsi woŋlui daȡɛ be: eyɛŋtsi nakafu Mawu le maxɔsetɔwo domɛ, yi axo nyikɔ nadji kafukafuha na. ¹⁰ yi wogbe nube : edjinɛdjɔmi maxɔsetɔwo sɔkpeȡo yio dukɔ ŋtsi. ¹¹ yi wogbe nube ; mikafu Mawu mi maxɔsetɔwo kpata ! midovivi ȡo ŋtsi, mi dukɔwo kpa ¹³ Ke mɔkpɔkpɔ yio Mawu lasɔ djidjɔ kudo ŋtsifafa lasɔ ȡɔmi tanŋ le xɔse me, benɛ mia ȡo mɔkpɔkpɔ subbɔ gbaŋgbaŋ le gbɔgbɔ kɔkɔɛ yio ŋsɛ me. ¹⁴ Ke nɔvinyewo, nyeŋtɔ ŋȡo ŋkuvi ȡo mia ŋtsi benɛ, mianyi amɛtsiwo aȡɔ kudo dɔmenyɔnyɔ gbaŋgbaŋ, shidjedje ȡɔmi taŋtaŋ, nɛ mia kplãnu mianɔnɔewo tsã ¹⁵ Gake lɔ ŋsɔ djidodo geȡe ŋtɔ sɔ ŋlɔ enyɔ xɔn alo enyɔ tsɛ, nɔvinyewo , shigbe be ŋgbe ȡo ŋkuvi dji nɔ mi le amɛnuveve, tsi Mawu naŋ lɔ ŋtsi. ¹⁶ benɛ manyi yesu christo yio dɔsɔtɔ nɛ vodusɛtɔwo, yi wawɔ Mawu yio enya nyiɛ lɔ yio ŋkɔnɔnɔ dɔ, be maxɔsetɔwo nazu vɔsa, tsi ladje enu,yiŋtsi kɔ to gbɔgbɔ kɔkɔɛ lɔ me ¹⁷ yiŋtsi ahiɛ adãkãkã, tsi le ashinye lɔ, ele yesu christo me le Mawu yio dɔ ŋtsi. ¹⁸ eyɛ ŋtsi nyɛŋde dodji anunyɔ ȡeo nɛgbe nutsi yesu christo wa to djinye nɛ amaxɔsetɔwo toȡoȡo le nyɔnunu kudo dɔwawa mɛ. ¹⁹ Le djeshiwo kudo nukunuwo le ŋsɛn me, le gbɔgbɔ kɔkɔɛ yio ŋsɛn me, nɛnɛ le jelusalɛm kudo yio nutoxo kpata mɛ vasɛnȡo Iliriko tsã ŋȡegbefã christo yio nyɔ nyiɛ lɔ keŋekŋ. ²⁰ ke le etsɛwo wawamɛ ŋbui be, enyi bubunu be manu enyɔ nyuiɛ na amɛwo, vɔŋde nyi afitsi woyɔ yesu yio nyikɔɔ le xoxo, be nyɛ ŋda yi tuiȡo amɛbuwo gɔmɛȡokpe djio. ²¹ vɔ shigbe letsi woŋlui daȡɛ be : amɛtsiwo woŋde ȡegbefã na haȡeo nɛnɛ lɔ, wue lakpɔɛ, yi amɛtsiwo ŋde kpɔ se haȡewo lɔ woe laŋɔ ȡomɛ. ²² Eyɛ ŋtsi ŋȡue zenɛnɛneȡe be mava miagbɔ. ²³ Vɔ ŋde djedji nuŋɔ. ke fifiɛ tsi ŋdje ago nɔ (axie) dɔ le nuto tsɛ me vɔlɔ, ȡo exue geȡe enyi tsɛ ŋdji be mava kpɔmi ȡa ŋtsi lɔ, ²⁴ ŋdji be nɛ ŋva le spania yiɔ lɔ mava kpɔmiȡa fifiɛ. ŋle mɔkpɔkpɔme be nɛ ŋva le xɔn yiɔ lɔ mava to miagbɔ akpɔmi ȡa anɔ miagbɔ miakpɔ djidjɔ viȡe gbɔxue mia ȡoŋ ȡaȡa ŋkɔgbeɛlɔ. ²⁵ fifiɛ trolo lɔ, ŋle mɔdji tuta jerusalem be masɔ nunana ayi nɔ amɛtsiwo ŋtsi wokɔ le hɔn. ²⁶ chrisotɔ Makedoniatɔwo kudo Akaĩetɔwo ȡui be yewoa djɔnu faa ȡaȡa wamenɔ tsiwo ŋtsi wokɔ le jerusalɛm. ²⁷ woȡui be yewoa kpeȡo woŋtsi vɔ le nyawo totome lɔ efɛ inyi woȡu. ȡo chrisotɔ Masedonia tɔwo kudo Akaĩe tɔwo woŋde nyi yudatɔwo le djidjimɛɔ, valɔ, wovakpɔ gome le gbɔgbɔmɛ yio yrayra tsi Mawu na yudatɔwo lɔmɛ yiŋtsi idjebe yudatɔwo tsa nakpɔ gome le keshinɔnu tsiwo wotsã wokpɔ le xixeyɛ meɛmɛ. ²⁸ Nɛ ŋwa dɔ tsɛ sɔ egalɔ sɔyina yerusalem tɔwo vɔlɔ nava miagbɔ gbɔxue ayi Espanyi. ²⁹ ŋnyie be nɛ ŋgbɔnɔ miagbɔ lɔ nasɔ christo yio yrayrawo kpata asɔva miagbɔ. ³⁰ Nɔvinye ŋsu kudo nyɔnuwo , shigbe letsi a!Axuetɔ yesu christo djise le gbɔgbɔ kɔkɔɛ yoo lɔlɔmɛ enɛlɔ, miwa ahua kpeȡo ŋtsigne le gbedodoȡamɛ nɛ mile gbedoɔ ȡa nɔ Mawu lɔ. ³¹ Middogbeȡa nɛ amɛtsiwo ŋde xɔ kristo djisɛo lɔ woŋgbeva wa nubaȡa kudoŋɔ; vevetɔ christotɔ tɔ tsiwo gbɔ yiɔ ŋle lɔ naxɔŋ nyuiȡe be dɔ tsiwagbe yiɔ ŋlelɔ edɔlɔ nadjedjinu nyuiȡe. ³² Benɛ Mawu lonlɔ matɛŋ ava miagbɔ kudo djidjɔ ava gbɔȡomɛ.