¹ 1 ke mixɔ amɛtsi gbɔdjɔ le xɔsemɛ, vɔ ŋde nyibe mia nɔ susu vovo ȡewɔ so ŋtsi le djimɛɔ. ² Kpɔȡeŋmɛ amɛȡe xɔɛse be yelatɛŋ ȡu nushianu, amɛtsi xɔse ŋde sɛŋu nɔ lɔ, ama kpo yiɛ ȡunɔ . ³ Amɛtsiȡunɔ enu lɔ , ŋgbeȡigbɔ amɛysi ŋde ȡunɔ nuɔ ; amɛtsi ȡuni lɔ ŋgbe ȡo kodjo nɔ amɛ tsi ȡunɔ neuwo kpataɔ ȡo Mawu xɔni. ⁴ ke woɛȡe mɛȡe wonyi le kodjo ȡowɔ nɔ amɛbuwo sumɔvi ! nɛ elete alo eedje anyi lɔ, axuetɔ lɔ yio nyɔ yɔ, ȡo ela tɛŋ nɔte ȡo axuetɔlɔ ȡoŋsɛ la lihɛ ȡo tenu ⁵ amɛȡe yiɛ bunɔ be ŋkeke ȡewo xɔ ashj wu kpɛtɛwo, amɛbu yiɛ buni be ŋkekewo kpata xɔshi, amɛshiamɛ ȡola kaȡo nutsi susuwɛ le lɔ dji. ⁶ amɛtsi le vovo toto dowɔ ŋkekewo mɛ lɔ le wawuɛɔ nɔ Axuetɔ lɔ. amɛtsi le nuwo kpata ȡuwɔ lɔ le ȡuȡuiɔ nɔ Mawu. yi amɛtsi ŋde le ŋȡe ȡuwɔ lɔ le numaȡu nɔ Axuetɔ lɔ, yetsã donɔ akpe nɔ Mawu. ⁷ Miadomɛtɔ ȡe ŋde le agbe nɔ yie ȡekio, yi miadonɛ tɔȡe tsã ŋde kunɔ nɔ yeȡekio. ⁸ Nɛ mile agbe lɔ, mile agbe nɔ axuetɔ lɔ, yi nɛ miku lɔ, miku nɔ axuetɔ lɔ. vɔ nɛ mile agbe alo miku lɔ, axuetɔ lɔ tɔ yi minyi. ⁹ Ðo eyɛ ŋtsi christo kuȡo, gbegbɔ va agbe ȡo, bena yiaȡu axuetɔ ȡo amɛ kukuwo kudo amɛ gbagbewo kpata dji ¹⁰ Vɔ ewoȡe ŋde ŋtsi wole kodjo ȡowɔ nɔ nɔvi nyɔnu alo ŋsu chrisotɔ ȡo, woyɛȡe ŋde ŋtsi wole vlo dowɔ nɔviw ȡo! ȡk mia kpata milava nɔte ȡo christo yio kodjo ȡo zikpeɛ ŋkɔ. ¹¹ Ðo woŋlɔe daȡɛ be; Axuetɔ lɔ nube: wola dje klo shia klo nuŋ, yi aȡe shia ȡe lahunmɛ nɔ Mawu. ¹² Yi ŋtsi miadomɛtɔ ȡeshiaȡe ȡolawa akɔŋta le yeȡɛki ŋtsi nɔ Mawu. ¹³ Eyɛ ŋtsi minɔte kodjo ȡoȡo nɔ mianɔnɔwo, vɔ nutsi miȡolawa inyi be mɛȡe ŋgbe sɔ muklikli ȡo mɔdji nɔ nɔviɛɔ alo akpeȡo ŋtsi ya dje anyio. ¹⁴ ŋmɔnu dje ŋtsi kudo kãkãȡodji le Axuetɔ yesu yio amɛnuveveɛ mɛ be: ŋȡe kpekpui ŋde nyi enu makɔmakɔ, vɔ nɛ amɛȡe bu ŋȡe be enyi enu makɔmakɔ lɔ ezu enu makɔmakɔ ni. ¹⁵ Nɛnyi be nɔviwo le nuxaɔ le axo nuȡuȡu ŋtsi lɔ, ke ŋde gbe le zɔzɔwɔ le lɔlɔa mɛɔ. ŋgbe tsrɔ nɔvi ŋsu lo nyɔnu tsi ta kristo kuȡo ¹⁶ Nutsi nikpɔ be nyɔ nɔmi lɔ, ŋgbe va zu nɔnu na amɛbuwo be enubaȡa o. ¹⁷ Le nyawo totomɛ lɔ, Mawu fiɔȡuxeɛ lɔ ŋȡe nyi nuȡuȡu alo enu nunuo. fiɔȡuxue Mawu tɔlɔ djɔdjɔɛnyinyi kudo ŋtsi fafa djidjɔɛ tsi gbɔgbɔ kɔkɔɛ nanɔ boŋ yiɔ ¹⁸ Amɛtsi sɛnɔ kristɔ le nɔnɔmɛ tsɛ mɛ lɔ djenɔ Mawu nu, djenɔ amɔwo tsã nu. ¹⁹ Eyiɛ ŋtsi mina miadji ŋtsifafa kudo nutsi miasɔ tu amɛhawo ȡo. ²⁰ ŋgbegble Mawu yio dɔwawawo le nuȡuȡu tao! nyawo inyi be nushianu ŋtsi kɔ. vɔ nuȡuȡu tsiwo laȡu yila tutu amɛȡe do nuvɔmɛ lɔ ŋdenyɔ. ²¹ Enutsi ŋdenyɔ, inyi be, ŋda ȡu laɔ, alo ŋda nu ahao, le nyɔ kpui mɛlɔ, ŋgbewa ŋȡe tsi la tutu nɔvi ŋsu alo nyɔnu do nuvɔmɛɔ ²² Ewo lɔ xɔse tsi le ahsiwo lɔ nɛnɔ ashiwo le Mawu yio ŋmɛ lɔ, woyra a mɛtsi ŋde kpɔnɔ gblegble le enutsiwo iwanɔwo ŋtsio. ²³ Amɛtsi le nuȡuwɔ vɔ le kpɔkpɔewɔ be yeŋde le wawawɛwɔ nyiȡe lɔ, amɛxɔ lɔ Mawu lado huɛ ni ȡo ele nutsi ŋde so xɔsemɛɔ waɔ, ȡo nushianu tsi ŋde so xɔsemɛɔ lɔ nyi nuvɔ.