¹ woma yɛ so enye pɔlu, yesu kristo yio sumɔvi gbɔ.Mawu yi tsanŋ, eyɔŋ be mava trɔzu amedɔdɔ be maȡe gbefan yio nyɔ nyiɛ. ² Mawu do enyɔ nyii tsɛ yio ŋugbe xoxo to yio gbefan ȡetɔwo dji yi wole Mawu nyɔ kɔkɔɛwo mɛ ³ enyɔ nyiɛ lɔ kudo eviɛ ŋtsi , edjɔ shigbe agbeto enɛ yi wodji enyi David yio djidjimɛvi ⁴ shigbe amɛ tsi so Mawu ene lɔ, woȡe fia ŋusɛn tɔ shigbe Mawu vi nɛnɛ.tsi wofui so kuode yɛyi nyi yesu kristo mia xuetɔ lɔ. ⁵ Mawo to yɛ dji ve mianu miva nyi amedɔdɔwo, exon ŋtsi ,to yio nyikɔ mɛ lɔ,miakplɔ dukɔwo kpata be wuava xɔ Mawu dji ase aȡotoe. ⁶ mia romatowo miɔwo tsan mile amɛtsiwo woyo be woava zu yesu kristo tɔwo domɛtɔwo ⁷ eyɛ ŋtsi ŋle woma tsɛ ŋlɔwɔ nɔ mi, amtsiwo kpata le roma; mia mɛtsiwo Mawu lɔ ŋtɔ yi iyɔ mi be miava trɔzu amɛtsiwo ŋtsi wokɔ nɛnɛ, Mawu miatɔ kudo axuetɔ yesu kristo nɛve mianu yi yiana ŋtsifafa mi. ⁸ tutugbɔ lɔ, ŋle akpe dowɔ nɔ Mawu tsinye ȡo miɔwo kpata ta ,toyesu kristo dji, letsi mixɔ Mawu dji se ȡi hoo le afi shiafi le xixeɛ mɛ. ⁹ Mawu tsi ŋsɛnɔle gbɔgbɔme to viɛ yio nyɔ nyiɛ yio kakamɛ inyi ahiɛn ȡasefo, be nɛ ŋle gbedowɔ ȡa lɔ ŋdonɔ ŋkuvi miadji ȡaa. ¹⁰ ŋle kukuȡewɔ ni be yia ȡemɔ fifiɛ matɛnŋ va kpɔ miȡa djro. ¹¹ enyi ahiɛn didi veveȡe be mia dogo ŋmɛ ku ŋmɛ, ale be mana nunana tsi so gbɔgbɔ gbɔ lɔ mi, be yia do ŋsɛ mi. ¹² enutsi nuwɔ ŋle lɔ inyi be miado ŋsɛ mia nɔnɔewo: xɔse tsinye nedo ŋsɛ mi,nɛ miatɔ tsan nado ŋsɛ nye tsa. ¹³ nɔviwo, ŋdi be mianyabe ŋdoe zegeȡe ŋtɔ, be mava mia gbɔgbɔxue, ŋde djedji nu kpɔvasɛȡo fifiɛɔ. ŋdji be ahiɛn alɔ nasu djimɛ trɔla ȡewo dji le mia tsa mia domɛ,hsigbe letsi isu amɛbuwo tsa tsiwo ŋde nyi yudatowo o lɔ dji xa enɛ. ¹⁴ ȡo enyi ehiɛn dɔdoashi be meȡe gbefa enyɔ nyiɛ lɔ nɔ amɔwo kpata amɛ ŋkuvitawo ku ame tsiwo ŋde nyi amɛ ŋkuvitawo, woma nyatɔwo kudo woma manyatɔwo kpata. ¹⁵ nɛnɛ inyi ahiɛn djidji veveȡe be maȡe gbefa enyɔ nyiɛ lɔ nɔ mia, amtsiwo le roma tsa. ¹⁶ enyɔ nyiɛ ŋde kpɛn nɔŋu nuŋ,ȡo inyi Mawu yio ŋsɛ. exɔnɔ amɛtsiwo kpata xɔn djisenɔ ȡo agbe,yudatɔwo kudo amɛtsiwo ŋde nyi yudatɔwo tsa. ¹⁷ enyɔ nyiɛ mɛ yi woȡe letsi Mawu ȡe amɛ djɔdjɔɛ sɔfia le. eyɛ nyi xɔse yio nyɔ so gɔmɛdjedjea me vasɛȡo nuwuwu.oŋlɛn ȡo Mawu yio nyɔme be:"ametsi Mawu be eledjɔdjiɔɛ le yio xɔseta lɔ latsi agbe.'' ¹⁸ letsi Mawu donɔ dɔmezi ȡo ametsiwo ŋde vɔni ŋtsio lɔ,ametsi sɔ nuvɔȡi wawa sɔȡodɔ yi wo sɔnɔ nuvɔdi wawa sɔtɛ nunyi wawa ȡo anyi lɔ, ze le kaka faa le kaka djiŋkushi ke. ¹⁹ nutsi amegbetɔ latɛnŋ nya so Mawu ŋtsi, rnyi xoxo gbɔxue ȡo Mawu ŋtɔ ȡei fiɛ. ²⁰ 0sogatsime wowa xixeɛme lɔ Mawu yio ŋsɛn tsi le ȡaa kudo nutsiyi inyi iyo nɔnɔme , tsiwo nyi nutsi ŋkuvi ŋdekpɔnɔ le Mawu ŋtsio lɔ , agbetɔ ȡekpekpei ŋda do kanfla abe yeŋde nya nuyɛɔ. ²¹ togbɔ be wodjeshi Mawu tsa lɔ woŋde sɔnɔ bubuysi dje lɔ sɔnanio alo ado akpe ni shigbe letsi idje be wua doakpe ni xan eneɔ. le eyɛ yio texue lɔ, enu maȡeviwo kpo wobunɔ kpɔ. susu ŋde gbe le woshio,nɛnɛ wotamɛ do vivitsi. ²² woŋtɔ wo be yeo le nunyaɔ, vɔ wo trɔzu numanyatɔ. ²³ tsi ilebewoasɔ bubu na Mawu makumakuɔ lɔ, wosɔɛ na enukpakpawo kudo enumɛmɛwo, tsiwo ȡo amɛkukuo aloexvi alo langɔnɛwo alo nutsiwo zonnɔ le xodo djio nɔnɔmɛ boŋ buɔ wova le. ²⁴ nɛnɛyi Mawu ȡeashi le woŋtsi be wuawa nutsi djɔdjinɔwo, yi wosɔ woŋtsilan wa ŋunyonu kudo ŋkpin nuwo ȡo wonɔnɔiwo ŋitsi. ²⁵ wue nyi amɛ tsiwo trɔ Mawuyio nyɔ sɔwa adjeȡaȡa.wosɛnnɔ nutsiwo Mawu wa donɔ tagunɔwo, enuawo watɔ, tsidje nɔ kafukafu sɔyi mavɔ me lɔ yio texue amen. ²⁶ eyɛ ŋtsi, Mawu ȡe ashi le woŋtsi, djrodjro ȡunɔ wodji yiwo yi wonɔnɔ ŋkpɛ nuwo waɔ. nyɔnuawo donɔ kudo nyɔnuwo, vɔlɔ ŋde nɛnɛ yi djɔdjɔmɛ ȡoei daȡɛȡo. ²⁷ nɛnɛ ke ŋsu wotɔwo ŋde dɔnɔ kudo nyɔnuwo ,shigbe letsi djɔdjɔmɛ doei daȡɛ nenɛɔ, vɔlɔ wofionɔ gudaguda le ŋtsila mɛ ȡk wotɔ ŋsuwo ŋtsi, yi ŋsuwo dɔnɔ kudo ŋsuwo ŋkpe ma nɔmɛtɔ. le nugblegble tsiwo wuanɔ ta ŋtsi lɔ.Mawh hɛto nɔwo, shigbe letsi nɔwo xa enɛ ,yi kpɔ tsɛ le woȡekimɛ. ²⁸ tsiŋde djɔdjinɔwo be yewoaxɔ nunya adodoi so Mawu gbɔ ȡo woȡekiwomɛo lɔ, Mawu tsa gbewo daȡo wo susu manyɔmanyɔwo mɛ, be woawa enu tsiwo ŋde sɔgbe klaɔ. ²⁹ woȡɔ taŋtaŋ kudo numadjɔmadjɔ wawa xomɛviwo :vɔȡivɔȡi ,ŋkɛklɛ kudo vɔdjinamɛ. vovovo tsiwo so axue ȡowomɛ: tsiwo nyi ŋbiabia, amɛwuwu, avuxoxo, amɛbleble , susu vɔȡiwo ȡeȡe, kudo amenyɔnunu. ³⁰ wogni agbletɔwo , amtsiwo le Mawu ȡo kemɛ,amezutowo, amedadawo, adegbegbalo xotɔwo , ametsiwo dɔnɔ nuvɔȡi wawa va, amɛydiwo ŋde ȡonɔto wo djilawo. ³¹ numanyatɔwo,ù ame maȡokaȡodjiwo, amɛtsiwo ŋde kunɔ ŋshishi nameɔ ku tamɛ sɛtɔwo.