¹ Etrɔ sɔ etɔ sasa agbetɔ ɖeka fiaŋ, yi eshiɛ kɔ shibe pipixa yi le totoɔ le mawuo ku alingbɔviɛ fiɔ zipigɔnmɛ. ² Le eduɔlɔ dodomɛ ku ago ve etɔ sasalɔ tɔlɔ ati agbetɔ ɖeka le yi nan non atiku sinsin huive le hletsi ɖekamɛ yi ama yetɔ gbe danɔn edɔ non dukɔnwo. ³ Nudo ŋɖe ŋda gbe nanyiwo.Mawu ku alingbɔ wo fiɔ zikpi la nɔn eduɔmɛ; amɛtsiwe sinwo la kpɔ ŋmɛnyi, ⁴ yi nyikɔ yetɔ la nɔn ŋgonu non wo. ⁵ Ezan ŋda gbe do gbeɖeo yi wo ŋda gbe ɖo ehian nɔn kanlingbin wo kliklio ɖo axetɔ mawu ŋtɔ la nawo klikli. Wo la ɖu fiɔ sɔ yi mavɔ. ⁶ Etrɔ nu non be:enyɔn tsɛwo lemɛ ku nyanwo; yi axetɔ tsi nyi gbɔngbɔn nyɔnudɛtɔwo mawutɔ edɔ mawu dɔla yetɔ ɖaɖa yi ya sɔ enu tsi yi djadjo zanɖe afia sumɔnvi yetɔwo. ⁷ Yike nan va zanɖe. Enu nyɔnɔn amɛ tsi la hin nyɔnunudaɖɛ woma tsɛ tɔwo! ⁸ Enyi Ejan yi se yi kpɔ enu xɔwo. Yi tsi ŋkpɔ yi sia ; ŋdjannyi ɖo afɔ gbɔ nɔn dɔla tsi sɔ enuwo fiɔn yi sin. ⁹ Vɔ yi gbe nu nɔun: ɔn gbedji a wɛ! ŋnyi kpeɖoŋtsitɔ tɔwo le edɔlɔ mɛ ku nɔnvio nynnuɖɛtɔ wo; kuɖo amɛ tsi wɛ la hin enyɔn woma tsɛ tɔwo. Sin mawu. ¹⁰ Yi gbe nu be nyi ŋgbe wla nyɔnnunuɖɛ woma tsɛ tɔ. ɖo gahohoɔ gogo. ¹¹ Nin amɛtsi ŋde djɔ lɔ nin non madjɔ madjɔ yetɔ, nin amɛ tsi xodjilɔ nin non adji xoxo ɖodji yi amɛ djɔdjɔɛ nin non enu djɔdjɔɛ wakɔ nin amɛ kɔkɔɛ nin trɔ min ɖodji. ¹² Yike, nan va zanɖe yi ele tsinyin le gbɔnyin, yi nan sɔ nan meɖeka meɖeka edɔ tsi wa. ¹³ Enyin yi nyi Alpha ku Omega , ŋkɔŋkɔtɔ ku kpɛtɛlɔ, tɔtɔdji ku vɔvɔ lɔ. ¹⁴ Enyɔnon amɛ tsiwɛ le axu lɔgbɔ wotɔ wo nyankɔ, yi la ɖo man man le atsi agbetɔlɔ mɛ, yi la gbe to ehɔn edumɛtɔwo nu! ¹⁵ Avuɔnwo nin to, agbesatɔwo, matelitɔwo, amɛhutɔwo, vodu sintɔwo, kudo amɛtsiwɛ lɔnlɔn ŋsu kaka gbɔwo! ¹⁶ Enyin Jesu ŋdɔ dɔla tsi nyin ɖaɖa mi be nin ya nu enu tsɛ wo non mi le shɔtsi. Enyin nyi enu tsi wo gbe yi gbe nyi djidjimɛ David tɔ, hletsivi klikli fɔnfɔn mɛ tɔ. ¹⁸ Yi ŋnu non amɛɖe kpekpi tsi se enyɔn nunudaɖɛ woma tsɛ tɔwo : non amɛɖe sɔ ŋɖe kpilɔ mawu la xɔ ku edɔ dɔmɛzi tɔwo tsi le woma lɔ mɛ. ¹⁹ Yi nin amɛɖe ɖe eɖe djole enyɔn nunudaɖɛ woma tsɛ tɔ mɛ lɔ mawu la ɖe atsi agbe tɔ tsi yi lemɛ ku edu kɔkɔɛ yi woma lɔ nu. ²⁰ Nin amɛ tsi xɔ enyɔn enu tsɛ wo lɔ nu be: ɛ , nan va zanɖe. ami! va axuetɔ jesu! ²¹ nin ŋtsi fafa axuetɔ jesu tɔ nin non ku mio kekeŋ.