¹ Ŋkpɔ Mawudɔla adrɛ lɔwo domɛtɔ ɖeka tsi le kɔpo adrɛwo lɔwo ɖo alɔmɛ yi va tonu be. ² va nɔ masɔ eto dɔdɔn hashi watɔ gagan tsi nɔ anyi ɖo eshiwo dji asɔ fiao. Anyigbadji fiwo wa ahashi kui yi anyigbadji tɔwo mu aha to hashi wawa yetɔ mɛ ³ zeɖeka lɔ mawudɔla kɔŋ sɔyi zogbedji le gbɔgbɔ mɛ. le exɔn lɔ ŋkpɔ nyɔnu ɖe nɔ anyi ɖo elan hɛ ɖe tsi dji wo ŋlɛn nyikɔ baɖa ɖo. Elan lɔ ɖo eta adrɛ kudo azo ewo. Nyɔnu ɔ do awu lɔgbɔ eblɔtɔ kudo ⁴ eɖo djii . yido shika ga klɛnklɛwo. edo ekpe xɔashi djenuwo kudo djenu hamɛhamɛwo ɖo ekɔ. yi shika kɔpo tsi ɖɔ kudo enunyɔnuwo kudo hashi wawa nyɔŋuwo le alɔmɛ nyi. ⁵ Wo ŋlɛ enyɔ wlawla ɖo ŋgonu yetɔ be babilɔnu gangan lɔ. hashi wawa kudo anyigbadji nyɔnuwo nɔ. ⁶ ŋkpɔ nyɔnu ɔ mu ehun amɛ kɔkɔɛ wo kudo amɛtsiwo yi ɖenɔ kunu so Yesu ŋtsi wotɔ. tsi ŋkpɔɛ ŋmɛ wa yaanu. ⁷ ke mawudɔla lɔ biɔŋ se be, ŋde ŋtsi ŋmɛ wa yanɔwo ɖo? madasa nyɔnu kudo elan tsi do lɔ asɔ fiawo, kudo elan tsi ɖo eta adrɛ kudo azo ewo ɔ lɔ yio nu wlawla asɔ fiawo. ⁸ Elan tsi wokpɔ lɔ eli sa xoxo, vɔ lɔ ŋde gbe li fifiɛwo, elato le edo globo yetɔ mɛ ava yi tsrɔtsrɔn lɔ mɛ, anyigbadjitɔ tsiwo nyikɔ ŋde ŋlɔɛ ɖo agbe woma mɛ so xixeɛ gɔmɛdjedje ɛ mɛ o lɔ, ŋmɛ la wa yaa nɔwo nɔ wokpɔ letsi elan lɔ le, ɖolɔ eli sa, vɔ ŋde gbe li fifiɛ o, elagbe trɔva ⁹ Enyɔ tsɛwo hian nɔ susu tsi ɖo enu nyanya. Eta adrɛ lɔwo nyi eto adrɛ tsiwo dji nyɔnu ɔ nɔ anyi ɖo, wogbe nyi efiɔ adrɛ lɔ wo, amatɔn dje anyi ¹⁰ . ɖeka li fifiɛ yi ɖeka ŋde kpɔ va haɖeo, ke nɔ eva va lɔ, gaxoxo viɖe kpo yi la xɔ. ¹¹ Elan tsi yi li sa xoxo yi ŋde gbe li fifɛ o lɔ, yi nyi efiɔ amɛnyi gɔlɔ; enyi efiɔ adrɛ lɔ wo domɛtɔ ɖeka tsi yi le tsrɔntsrɔn mɛ yi kɔ. ¹² Azo ewo tsi wokpɔ lɔ ɛ nyi efiɔ ewo tsiwo shi efiɔ ɖuɖu ŋde le haɖe o, ganke lɔ wo la na efiɔɖuɖu ŋsɛn wo tsan shigbe efiɔ wo xa nɛnɛ asɔ bɔ ɖo elan lɔ ŋtsi le gaxoxo ɖeka mɛ. ¹³ Tamɛsusu ɖeka tsi le woshi lɔ yi nyi be yewo asɔ efiɔ ɖuɖu yio ŋsɛn asɔna elan lɔ. ¹⁴ Wola wa ahwa kudo lɛngbɔviɛ lɔ, gake alɛngbɔviɛ laɖu wo dji, ɖo lɔ yi nyi axuetɔ nɔ axuetɔwo, gbe nyi Ega nɔ egawo keŋkeŋ nɔ amɛtsi wo tsiawo, amɛtsiwo yi yɔ kudo amɛtsiwo yi la kpluɛ do le nyawo toto mɛ lɔ, anɔ yeŋtɔ gbɔ ¹⁵ Mawudɔla gbe yi enyɔ lɔ dji nu be, eshi tsi wokpɔ yi hashiwatɔ nɔ anyi ɖodji lɔɛ nyi amɛwo, habɔbɔwo, akɔtawo kudo egbewo. ¹⁶ Elan lɔ kudo azo ewo tsi wokpɔ lɔ, la dokɔ hashiwatɔ lɔ wo la sɔ va gbegble mɛ yi la ɖiɖo amama, yi wola ɖu elan yetɔ agbe tɔɛ ezo. ¹⁷ Mawu sɔɛ do edji wotɔ mɛ nɔ susu wotɔ adjedji nɔwo nɔ woalɔn asɔ ŋsɛn asɔ na elan nɛ yeaɖu wodji kaka sɔ na gatsimɛ Mawu nyɔwo lava mɛ ɖo ¹⁸ Nyɔnu tsi wokpɔ lɔ, yi nyi edu ganagn tsi le anyigbadji fiɔwo dji ɖu ɔ.