¹ ŋse egbe gangan ɖeka tsi yi so texue kɔkɔɛlɔmɛ yi ɖiɖo mawu dɔla amadrɛwo dji be; mi yi nɛn mi kɔ enuɔnvui kɔkpo mawutɔ ɖo anyigbandji. ² Mawu dɔla ŋkɔtɔeva yikɔ kɔkpo yetɔ ɖo anyigbandji; dɔmɛdɔ sɛnun ɖeka kɔɖo amɛtsiwo yi xɔ djeshido elanlɔtɔ,yi sɛnɔn foto yetɔ. ³ Mawu dɔla evegɔnlɔ kɔ kɔkpo yetɔ ɖo axumɛ yi trɔ zɔn ehɔn shi be ehɔnmɛkukutɔ xa yi enu agbeagbe axumɛtɔ ku kekeŋɔn. ⁴ Mawu dɔla etɔngɔnlɔ kɔ kɔkpo yetɔ ɖo etɔ sasawomɛ ku eshi soxue, wotrɔ ehɔn. ⁵ Ŋse egbe nɔn dɔla eshiwotɔ yi letotoɔ be; odjɔ ɛntsi yi le fifiɛ yi gbe le xoxo,kɔkɔɛ dɔla oxɛn kɔdjo ɖoɖo tɔo va. ⁶ Enutsiŋtsilɔ wo kɔ ehɔn amɛkɔkɔɛwotɔ ku mawu nyɔn nuɖɛtɔ wotɔ wo nanwo ehɔn be woanu enutsi wo djeku nɛn. ⁷ Ŋse yi avɔsatexuɛ gbeto be; ŋ axuetɔ mawu tsi ɖu ɖɔ enuwo kɛkɛnɔdji kɔdjoɖoɖotɔo wonyi nyanwo yi djɔ. ⁸ Mawu dɔla amɛnɛingɔnlɔ kɔ kɔkpo yetɔ ɖo ehuɛɔnmɛ yi sɔ kpeɖoŋtsi be ya fiɔn agbetɔwo ku emiɔn yi zozo baɖaɖe fiɔn agbetɔwo. ⁹ Yi wo dovɔn nyikɔ mawutɔ ŋtsi yi kpatsɛ ɖo enuvui xɔnwodji. Wo ŋdetrɔdjimɛo yi wo yayra nio. ¹⁰ Mawu dɔla amantɔngɔnlɔ kɔ kɔkpo yetɔ ɖo efiɔ zikpi elanlɔ tɔ dji yi efiɔɖuxue yetɔ do viviti.Wo donu woŋtsanwo ɖe tsi yi vevisesemɛlɔ. ¹¹ Wo le mawu djikushitɔ zuɔn do vevisese ku domɛdɔ wotɔ ŋtsi yi wotrɔ gbele gbegbeɔ be yewo ŋdatrɔ edjimɛo. ¹² Mawu dɔla amadɛngɔnlɔ ku kɔkpo yetɔ ɖo etɔ sasa gangan ɖekamɛ tsi wo yonɔn be Euphrate yi etɔlɔwo xu keŋkeŋ yi ehɔn nyi emɔn djradjraɖo nɔn efiɔ tsi yi la sɔewezexue avayi. ¹³ Ŋkpɔ gbɔngbɔn vui amɛtɔn tsi leshibe ekpanha yi so legbawo numɛ elanlɔ wata shibe mawu nyɔn baɖa nutɔ nɛnɛ. ¹⁴ Dola xɔnxue nyigbɔngbɔn vui tsi ɖɔnɔn amɛkukumɛ ahɛn djesido kpatsawo tsɛ. wotova agnigbandji wofio kekeŋ gbɔ yi bɔwo ɖo ŋkeke gangab mawu tɔ ŋtsi ŋsɛkpatatɔ. ¹⁵ Kpɔɖa nava shibe fianfitɔ nɛnɛ! enu nyɔn nɔn amɛtsi yi le ŋzɔn yi xe awuɔlɔ nɔn ŋgbeto amamano yi wo ŋgbekpɔ amamɛni ku ŋkpɛnio. ¹⁶ Wobɔwo ɖo texue ɖeka tsi woyɔnɔn le eblu towo gbemɛ be harmaguedon. ¹⁷ Mawu dɔla amadrɛgɔnlɔ kɔ kɔpko yetɔ ɖo ayamɛ. Yi texue kɔkɔɛ ku efiɔzikpiɛ daxua sɛsiɖe nube; enyi wawa. ¹⁸ Yi xixeɛmɛ tɔemiɔn klikli yi tɔ egbeɖeɖe yi anyigban tɔ hunhunhun; anyigban hunhun yi ŋdedjɔ kpɔ gatsimɛ woɖo agbetɔ ɖo anyigbandjiolɔ. Anyigban hunhunhun xɔn klo sugbɔ. ¹⁹ Eɖuɔ manɖo texue etɔn yi akɔta tsan yi mawu ɖoŋku yi nyi nan eduxɔn kukpɔ tsi yi ɖɔku aha dɔmɛzintɔ. ²⁰ Anyigban tsiwo eshi trɔdo keŋkeŋwo bu yi wo ŋdegbekpɔ etowo. ²¹ Tsi wo yi ɖo kpɛnkpɛn adodui le etedjɛɔ so djŋkushi yi le etadjeɔ nɔn egbetɔwo yi wo le enudoɔ mawu doenuvui xɔn tsi yi nyi ŋtsi do enuvui xɔnklo.