¹ Yi ke ŋkpɔ mawu dola ŋsin tɔ ɖeka djete so djiŋkushi.Yi lilikpo tsui,yi nyiɖohɛɖo le eta nyi. Ŋgbanmɛ yetɔ tsi shigbe nyindɔn xa yi afɔ yetɔ wo le shigbe emiɔɖe xa. ² Esɔ woma wlanwlan ɖeka ɖo alɔmɛ yi sɔ afɔ ɖushitɔ sɔ ɖo ahudji esɔ emiɔtɔ lɔ sɔ ɖo anyigban dji. ³ Yi do ahua gangan shigbe djaŋta tsi le adan dji xa yi gatsimɛ yi do ahua lɔ, djiɖegbe amadrɛ lɔwo xuɛ nyi ku wogbe. ⁴ Yi edjiɖegbe amadrɛlɔwo xuɛ nyu ku wogbelɔ,ŋle gbe sɔsɔ yi dja wlɛn,vɔ ŋtrɔ se egbe bu so djiŋkushi yi nu be: wla enu tsi nin edjiɖegbe amadrɛlɔ wo nu veviɖe. Yi ŋgbe wlen wo. ⁵ Sɔ yidjilɔ,mawu dola tsi ŋkpɔlɔ ele ahu ku anyigba dji,yi kɔ alɔ ɖushi yetɔ ɖoɖa djiŋkushi. ⁶ Eta amɛ tsi le agbe kaka sɔ yi mavɔ mavɔ, tsi ɖo djiŋkushi ku enu tsi ledjiwo, anyigban ku enu tsi le djiwo, ahu ku enu tsi le emɛwo,yi dola nube: gamɛ ŋda gbe va leo. ⁷ Vɔ gbe tsigbe yi mawu dola amadrɛ gɔnlɔ la xu ekpin yetɔ lɔ, mawuo nu kpatsa la va mɛ shigbe letsi nyɔnuɖɛtɔwo nu nɔn enukplaviwo xa. ⁸ Egbe tsi ŋse le djiŋkushi gbe ɖi va gbɔn nyi ke: yi nan vɛ xɔ woma wlan wlan tsi yi le alɔmɛ nɔn mawu dola tsi yi le ahu ku anyigban dji. ⁹ Yi ŋyi mawu dola lɔ gbɔ yi nu nyi be nin sɔ woma wlan wlan vitukui tsi le shi sɔ naŋ. Enu nube: xo woma wlan wlan lɔ yi nan ɖui.Ela ve kpaɖa kpaɖa ɖo xodomɛ nɔn vɔ le aho numɛlɔ ela vivi xu enyi shi. ¹⁰ Ŋxɔ woma vi wlan wlan lɔ le alɔmɛ nɔn mawu dola lɔ yi ŋsɔ ɖu. Evivi le numɛnu sɔ xugan enyi shi vɔ gatsimɛ ŋdjeago nɔn ɖuɖuɔlɔ,xodo tsi nyi mɛ ve kpaɖa kpaɖa. ¹¹ Xɔn yi amɛ ɖeka nu nube: ola gbe nu nyɔɖɛ ɖo akɔta sugbɔ sugbɔ dji,dukɔn wo dji, egbe vovo wo dji ku efiɔwo dji.