¹ Fifɛlɔ egbeta tsi wo sɔ ke: mi ɖo avɔsatɔ gangan ɖeka tsi yi nɔn anyi le ɖushi xe nɔ efiɔ jikpi tsi le dji ŋkushi. ² Enyi amɛ sintɔ nɔn texue kɔkɔ xɔn, gbadɔ min min ahuetɔ tɔ tsi ŋde nyi agbetɔ yio nuɔn wawa. ³ Wo ɖo nɔn avɔsatɔ ɖekaɖeka yi woa sɔ nɔn enu nan nan ku avɔsasa sɔ nan nɔn. Yi ŋtsi ele dandan mɛ be wo la kpɔ ŋɖe asɔ nan. ⁴ Fifɛ, nin kristo eva le anyigban djilɔ,ŋda va nyi avɔsatɔ enuwo kpo tɔ ɖo amɛ tsi wue sɔ nɔn enu nan nan sɔ to eseɛo djilɔ woli. ⁵ Wo nyi kpɔɖoŋtsi tɔnɔn djiŋkushi nuwo.Edjɔ nɔn Moïse be gatsimɛ Mawu shɛ yi idja tu gbadɔ: kpɔ Mawu nube woa enu wo kekeŋ shigbe letsi wo sɔ fiawo le etoɔ dji xa. ⁶ Fifiɛlɔ kristo xɔ Mawu dɔ tsi yi le ŋkɔ ɖo egbe nyi enyɔn sotɔ adodui nɔn ekadodo tsi wo ɖo anyi ɖo kpagbe adoduiɛ dji. ⁷ Nɔn wo ŋde kpɔ ŋɖe so eka dodo ŋkɔ tɔ lɔ ŋtsi wolɔ,ŋde gbe hian be woa dji eka dodo eve gɔnlɔ. ⁸ Vua gatsimɛ Mawu kpɔ agɔ djedjieakɔtalɔ tɔlɔ,enu be mi kpɔ ŋkekeɛ wo gbɔnnɔn yi nan ɖo eka dodo yeye bu kudo axue izraɛlitɔ ku juda tɔ. ⁹ Ŋda nyi aka dodo tsi ŋwoa ku mia tɔgbuiwo gatsimɛ yi ŋle alɔ nɔn wo djole Egypte wo nyigban djio.Ɖo wo ŋde ɖo ŋkɔ yiyi le eka dodo tsi nyin mɛo,yi nyin ŋde gbe kpɔ nɔn wogbɔ,enyɔn tsi axuetɔ nu nin. ¹⁰ Ɖo eka dodo tsi nan woa ku axue izraɛli tɔ le azan tsɛo godo ke, axuetɔ nu nin nin.Nan sɔ ese tsi nyin sɔ do susu wo tɔmɛ, yi nan gbe wlin ɖo wo djiwo mɛ.Nan nyi Mawu wotɔ yi wotsan wo la nyi akɔta tsi yin. ¹¹ Wo ŋda gbe kpla enu wonɔn nuiwo alo wo nɔnvi wo anu be wo djishi axuetɔa, ɖo wo kekeŋ la djeshiŋ,sɔ vifin sɔyi amɛganxo dji le womɛ. ¹² Ɖo nan ku ŋshishi nɔn wo le enu gblegble wotɔ mɛ nyin ŋda gbe ɖo ŋkuvi enu vui wo tɔ wo. ¹³ Enu be:yeye,esɔ eka dodo xoxo sɔ ku nyɔnxo.Yi eka dodo xoxoɔ le gbe sɔsɔ la bu.