¹ Ɖo Melshisedɛk hɔ,tsi yi nyin salem wo fiɔ enyin avɔsatɔ Mawu gantɔ, ele ŋkɔ nɔn Abraham gatsimɛ yi trɔ sɔ fi tsi efiɔwo djannyin le, yi ylɛ, ² amɛ tsi Abraham sɔ nɔn maɖo ewo enu yetɔ wo nan nɔn, tsi yi nyi efiɔ djɔdjɛ shibe le tsi nyikɔ yetɔ enuixa,sɔ kpilɔ egbe nyin efiɔ salɛm tɔ, yi ogɔnmɛ nyin be efiɔ fafatɔ, ³ tsi ŋde ɖo etɔ,ŋde ɖo enɔn,ŋde ɖo djidjimɛ, ŋde ɖo tɔtɔdji ku vɔvɔ nu agbɛtɔ, vɔ esɔ ɖekiɛ shigbe evi Mawu tɔxa,yi Meshisedɛk xɔn nyi avɔsatɔ kaka sɔyi. ⁴ Mi ɖo bubu sugbɔ nɔn amɛ tsi tɔgbui tɔgbui Abraham sɔ manɖo eho enu wuawua yetɔwo sɔ nan nɔn. ⁵ Yi levitatɔwo tsi wo nyi eha nunɔ tɔwo mɔnu wo tsi wo xɔgbeta tsi ese ɛ na gbe be woa xɔ maɖo ewo yetɔ fexwe le duviwosi; tsi gɔnmɛ yi wo nɔnvi izraɛliviwo ganke wo kan Abraham wo djidjiviwo nyi. ⁶ Vɔ Meshisedɛk tsi ŋde nyi levitɔwo djidjimɛ hɔnɔn maɖo akpa eho Abrahamtɔ,yi yla amɛ tsi ɖo enugbe dodoɔlɔ. ⁷ Ele dandan mɛ be ŋkɔ nɔntɔ la yla subɔviɛ. ⁸ Yi le fiɛlɔ amɛ tsi wue xɔ nɔn maɖo eholɔ wo nyi amɛ kukuwo; vɔ lɔ amɛ tsi wo dopkɔlɔ yi le agbe. ⁹ Sɔ yi djilɔ lɔ levi tsi xɔ maɖo eholɔ,etui,yi nuɔn to Abraham dji; ¹⁰ be gatsimɛ yi ekpɔtɔ le etɔlɔ yio adɔmɛlɔ, yi Meshisedɛk nɔn nɔn Abraham yio ŋkɔ. ¹¹ Nin ekɔ nuwawa sɔgbe nɔn levitatɔwolɔ, ɖo ekɔnuɔn wo tɔ dji yi ese eduɔ tɔ nayiɖo, nin nyi nini ɖe mi la gbe ɖo ehian nɔn avɔsatɔ bu shigbe letsi meshisedɛk nu xa vɔ ŋde nyi gbeta Aaron? ¹² Ɖo wo trɔ ekɔnu wawalɔ, nin nin dandanmɛlɔ wo trɔ eseɛ lɔ tsan. ¹³ Vɔ amɛ tsi ŋtsi oto enyɔn xɔn wo ɖolɔ akɔtabutɔ yi wo nyi yi amɛ ɖe ŋde le womɛ yi ɖo subɔsubɔ; ¹⁴ ɖo emɛ kɔ nɔn mi be so juda wo nutomɛ,akɔta tsi ŋtsi Moïse ŋde nu enyɔn ɖe sɔ kuɖo subɔ subɔ ŋtsio. ¹⁵ Emɛ gbe trɔ kɔ nɔn mi ɖodji, gatsimɛ mi kpɔ avɔsatɔ bu tei ɖi Meshisedɛki, ¹⁶ wo ɖui anyi,vɔ ŋde nyi ese agbazatɔ,vɔ to rɔn rɔn agbe magble magble tɔmɛ; ¹⁷ ɖo wo ɖe kuɔnnu xɔn nyi: avɔsatɔ wo nyi tɛgbɛ shigbe letsi meshisedɛkinu xa. ¹⁸ Yi ŋtsi wo gbe ese xoxoɔ wo, ɖo wo ŋsin maɖota ku enu gbalo wo tɔ ŋtsi, ¹⁹ ɖo ese ŋde woa enu djɔdjiɛ, vɔ kankan ɖodji adoɖui le nɔn ŋkɔ tsi la kplɔmi gogo Mawu. ²⁰ Kankan ɖodji adoɖui xɔn ŋde va tovo nɔn adjɔgbe fianfiano. ²¹ Vɔ eku ɖo amɛ tsɛ ŋtsi,jesu;etrɔ zuɔn avɔsatɔ ku djɔgbe fiantɔ to amɛ tsi nube: ahuetɔ tanuɔn yi ŋda gbe trɔ gbeɖeo: avɔsatɔ wo la nui tɛgbɛ. ²² Exɔn mɛlɔ jesu trɔ zuɔn ega nɔn eka dodo yeyeɛlɔ. ²³ Sɔ xu nin nin avɔsatɔwo sugbɔ ɖo eku ŋde tashiwo be woa nɔn agbe sɔyio. ²⁴ Vɔ tsi Jesu le agbe tɛgbɛlɔ avɔsa yetɔ tsan ŋde trɔ gbeɖeo. ²⁵ Ele be woa ruin amɛ tsi wo yi gogo Mawu ɖo wo tsan wo le agbe akpeɖo wo ŋtsi. ²⁶ Eva min nɔn mi be mi ɖo avɔsatɔ gangan. Ŋde ɖo enu vuio, ŋde ɖo eɖio, ekɔ, ekran ku enu vui yi trɔ kro xu djiŋkushi. ²⁷ Sɔ tovo nɔn avɔsatɔ ganganwoa,ŋde ɖo ehian nɔn avɔsa ŋkeŋkeo, ɖo enuvui yetɔ ku akɔtalɔ toŋtsi.Esɔ yeɖeki sɔ savɔ nɔn mi agbaɖeka. ²⁸ Yi ŋtsi ese avɔsawotɔ lɔ enan ŋsin maɖo agbetɔ, vɔ enyɔn tsi so gbeta sɔsɔ mɛlɔ,eɖo evi, tsi wo woa adodui kaka sɔyi mavɔ mavɔ.