¹ Mi von ɖo ŋgbé tsi wo do nɔn gbɔgbɔ yetɔ kpɔtɔ leté, amɛɖe ŋgbe nɔn mia mɛ adjidamɛ ava ² ŋo wo do aŋin ŋui tsɛ nɔn wo shigbé miwo tsan nin nin, vɔ enyɔn tsi wo sé ŋdé wa ŋdé nɔn wo, ɖo ŋdé kpɔ xɔsé lé amɛ tsiwɛ lé enyɔn lɔ seko lɔ gbɔ. ³ Nɔn miwo tsi we sɔsé lɔ, mi la ɖo gbɔdji mɛ, shigbé lé tsi yi yinubé: ŋta nɔn mi lé vevi sɛsɛ tsi yin min bé: wo ŋdo ɖo gbɔdji tsi yin mɛ wo ! enu bé : shigbé lati wo do wo djia go sɔ gatsimɛ xixɛ djɔ. ⁴ Do eho nuho lé afidé sɔ ŋkeke amadrɛgɔn lɔ ŋtsi : Mawu xɔ gbɔndji lé ŋkeke amadrɛgɔn lɔ gbé le edo wawa yetɔ wo mɛ. ⁵ Egbe nubé: wo ŋda ɖo wvo tsi ynin mɛ gbédeo. ⁶ Vɔ wo gbiɖɛ nɔn amɛ ɖewo be wua ɖo gbɔndji tsi yin mɛ vɔ Izraɛlivi sugbɔ sugbɔ tsi lé enyɔn yui tsɛ sekɔ lɔ gbɔndji tsi yin mɛ ɖo tonu mase wo tɔ ŋtsi. ⁷ Mawu gbe doŋkeke ŋka, yi wo yɛ bé egbɛ. Tsi gkeké sugbɔ va yi lɔ, exɔnuxo to David dji shigbé le tsi wo nui xoxo ha: gbɛ egbɛ lɔ nɔn mi sé egbe tsi yin lɔ mi ŋgbe sinuy edi miatɔ ⁸ Do nɔn Josué nawo djitɔ, Mawu ŋda xonuxo sɔ azan ŋda ŋtsi. ⁹ Yi ŋtsi wo sɔ kuɛshiɖa gbé zan sɔ na Mawu yi wo dukɔn. ¹⁰ Ɖo amɛ tsi ɖo gbɔndji mawu tɔ mɛ lɔ e la sɔ edo yetɔ sɔ ɖo gbɔndji mɛ shigbé letsi mawu tshan sɔ eɖo yetɔ sɔ ɖo gbɔndji mɛ xa. ¹¹ Yi ŋtsi mia hlɛndo aɖo gbɔndji hɔn mɛ,nɔn amɛ ɖe ŋgbe djanyin shigbé tonu masé tɔwo xa. ¹² Ɖo Mawu nyɔn ele agbé yi ɖo rɔn rɔn, éɖa hu depki enuvénɔn. Eɖo nɔn lan mɛ kaka ava yi man eklan ku gbɔngbɔn ku kpépké xué ku ami exu tɔ wo. Eɖo nɔn kodjo nɔn bukpo ku gbeta sɔ sɔ ayéxa tɔ wo. ¹³ E nuɔ ɖoɖo ɖé ŋda wla le ŋkɔ yinwo. vɔ enu ɖeka ɖeka lé ama ama ku agba ŋgba le amɛ tsi mia yi ɖo egbe nɔn yi wo ŋkuvita. ¹⁴ Yi tsi mi ɖo avɔsatɔ gangan tsi tolé djiŋkushi, Jesus evi Mawu tɔ lɔ, mia nɔn té gonun le xɔse mia tɔ wo mɛ. ¹⁵ Ɖo mi ŋde ɖo avɔsatɔ tsi ŋde kpe ŋtsi akpe ɖo mia ŋtsi le nɔn rɔn ma ɖo mia tɔmɛ vɔ mi ɖo amɛ ɖeka tsi wo le kpo to alokpa wo kekeŋ ganke ŋdé ɖo enuvɔn. ¹⁶ Mi gogui ku kankan ɖodji efiɔ jikpi fafa yi mia xɔ ŋhshishi kuku ku mi kpɔ fafa tsi la kpéɖo mia ŋtsi lé gaxoxo éhin tɔ wo mɛ.