¹ Tsi minyi Mawuvi lɔnlɔntɔwo lɔ, miɖi miatɔ; ² Lɔnlɔn nɛkplɔ mia agbe, sigbe Kristo nɛnɛ, elɔn mi yi yisɔ yinŋtɔ yo agbe sɔna Mawu ɖo miata sigbe avɔsa tsi huin nyui nɛ Mawu abe anuwatrɛ. ³ Wo ŋgbe kpɔ ahasi alo makɔmakɔ, alo ŋkinklin ɖekpekpe le miadomɛ O. ⁴ Nuxo vlo ɖekpkekpe ŋgbe to le mia numɛ O, alo numanyatɔ, alo gbegble vlo ɖoŋtsi mitrɔzu Mawu yo dukɔn. Bohun minɔ akpe dokɔ nɛ Mawu. ⁵ Mikanɖo etsɛ dji: ahasitɔ ɖekpekpe, alo makɔmakɔnyɛnyɛtɔɖe, agalɔntɔ tsisɔ sigbe trɔnsubɔsubɔ, ŋda kpeŋtsi akpɔ gomɛ le Kristo kudo Mawu yo fiɔɖuɖu mɛɔn. ⁶ Amɛɖekpe ŋgbe blemi kudo enya fufluɖe O. Enuxɔn yi hĩnɔ Mawu yo djiku vanɔ. ⁷ Mi ŋgbe kpɔ gomɛ le amɛtsiwo wɔnɔn nuvɔntsɛwo mɛɔn. ⁸ Ɖo san minyi vivitsi, vɔ fifiɛ lɔ minyi kinklin le Axoetɔ lɔ mɛ. Mizɔn sigbe be kinklinviwo nɛnɛ, ⁹ ɖo kinklin yo kusinsinwo yi nyi enyui ɖesiaɖe wɔwɔ, nudjɔdjɔɛ kudo nyawototo. ¹⁰ Mi dodjesi nutsi nyɔ nɛ Axoetɔ lɔ, ¹¹ Yi migbe tsa eka kudo vivitsimɛ nunyanyranwo, bohun mitsri wonyagbɔ. ¹² Ɖo ewa ŋkpin nɛ mianu nutsi wole wawakɔ le vivitsi mɛ; ¹³ Vɔ nɛ nutsɛwo va ze lɔ, wo nɔnɔmɛ ŋtɔŋtɔ zenɔ le kinklin nu. ¹⁴ Yi ŋtsi wo ŋlin be: Fɔn , wotsi le alɔn dɔnkɔ, fɔn le amɛkukuwo domɛ, yi Kristo laɖe yo kinklin fiawo ¹⁵ Mikpɔ nyuiɖe le mia agbenɔnɔ ŋtsi. Mi ŋgbe nɔ agbe sigbe numanyamanyatɔwo nɛnɛɔn, vɔ sigbe nunyatɔwo. ¹⁶ Mi ŋgbe gu gamɛɔn, ɖo ŋkekeɛwo dje vuin. ¹⁷ Yinŋtsi mi ŋgbe tsi bomɛɔn, vɔ minya Axoetɔlɔ yo djidji. ¹⁸ Mi ŋgbe mu aha nɛ miaginɖo gbegble mɛɔ, vɔ gbɔngbɔnkɔkɔɛ nɛ ɖɔ mi, ¹⁹ misɔ salumɔwo sɔdo ŋsin mianɔnɔwo, ehadjidjiwo kudo gbɔgbɔmɛ kantikiwo, anɔ hadjiɔ, Mawu dokɔ ɖedji le Axoetɔlɔmɛ le mia djiwo mɛ. ²⁰ Minɔ akpedakɔ gasiagamɛ ɖo nusianu ta nɛ Mawu Tɔ, le mia Axoetɔ Yesu kristo yo ŋkɔ mɛ, ²¹ yi mia bɔbɔ miaɖekewo le Kristo vɔnvɔn mɛ. ²² Nyɔnu, mibɔbɔ miaɖekewo ne mia srɔnwo le Axoetɔlɔ mɛ. ²³ Ɖoŋtsi nusu yinyi fiɔ nɛ nyɔnu sigbe be letsi Kristo nyi fiɔ nɛ tsɔtsiɛ , tsinyi yiŋtɔ yo ŋtsilan yi yinyi hlintɔ nii. ²⁴ Vɔ aletsi tsɔtsiɛ bɔbɔ nɛ Kristo lɔ , nyɔnuwo tsan labɔbɔ nɛ wo suwoɛle nuɖesiaɖe mɛ. ²⁵ Nusuwo, milɔn mia shiwo, sigbe aletsi Kristo lɔn tsɔtsiɛ nɛnɛ, sɔ yiŋtɔɖokui sɔna ɖo ta, ²⁶ benɛ yakɔ ŋtsi kudo nyalɔ, letsimɛ yiɖe ɖixoxo le ŋtsi to sidota mɛ, ²⁷ benɛ yasɔɛ ɖoTsɔtsiɛ yo ŋkumɛ yanɔ kinklinwɔ, eɖimanɔŋtsi, alo eflin alo nɔnɔmɛ baɖa ɖe vɔ kɔkɔɛ eɖixoxo manɔŋtsi. ²⁸ Nɛnɛyi nusuwo lalɔn woŋtɔwo srɔn wo sigbe be wo ŋtɔ wo ŋtsilan nɛnɛ, amɛtsi lɔn asiɛ lɔ, lɔnɔn yiŋtɔ. ²⁹ Amɛɖekpe ŋde tsri yiŋtɔ yo ŋtsilan kpɔ, vɔlɔ esɔnɔ nuɖuɖu nanii yi djrani ɖo sigbe aletsi Axoetɔlɔ wani nɛ Tsɔtsiɛ, ³⁰ doŋtsi minyi yo ŋtsilan. ³¹ "Yiŋtsi nusu ladjo le tɔlɔ kudo enɔlɔ gbɔ, layi leɖo srɔa ŋtsi, yi waomɛ eveɛ latrɔzun ŋtsilan ɖeka". ³² Enu goglo ɖeka, ŋle nunuɔ nɛmi sɔkuɖo Tsɔtsiɛ kudo Kristo ŋtsi. ³³ Miawo lɔ, amɛsiamɛ nɛlɔn srɔnlɔ sigbe yiŋtɔ nɛnɛ, yi nyɔnu ɖekaɖeka nɛ srɔnlɔ.