¹ Enyɛ Pɔlu tsi nyi gamɛnɔtɔ le Axoetɔlɔ mɛ, ŋle biɔbiɔ so mia gbɔ veveɖe be miazɔn nyuiɖe le yɔyɔ tsi wo sɔ yɔmi mɛ. ² Mi bɔbɔ miaɖekui, alɔn amɛ yi, mi gbɔndjiɖɛ, mi hin adodo nɛ mianɔnnɔɛwo le lɔnlɔn mɛ. ³ Midje agbagba be nɛ miawɔ ɖeka le Gbɔgbɔa yo nunana mɛ, le ŋtsifafa tsi lana mi kadodo. ⁴ Ŋtsilan ɖeka yile yi gbɔngbɔn ɖeka; nɛnɛke Mawu yɔ mi nɛ mɔkpɔkpɔ ɖeka sɔva yiŋtɔ gbɔ. ⁵ Axoetɔ ɖeka, xɔse ɖeka , sideta ɖeka, ⁶ Mawu ɖeka Etɔ ɖeka nɛ miakpata, tsinɛ le eta nɛ amɛsiamɛ, yi le miadomɛ, yi le miamɛ. ⁷ Vɔ amɛɖekaɖeka tɔxɛ xɔ amɛnuveve so Mawu gbɔ to yesu yo kpinkpinmɛ tsi kpɔ be ya sɔ nii. ⁸ Yiŋtsi mawu nya nui be: Tsi djoyi dji lɔ, ele amɛɖewo gamɛnɔtɔ yi yina nu amɛgbetɔwo. ⁹ Enya " Eyi dji" gɔmɛ nyi be eɖiɖi yi anyigban yo tumɛ sigbe be Mawu yo amɛsiamina nɛ ahoia. ¹⁰ Amɛtsi ɖiɖi lɔ, yike yi edji be yaɖɔ nuɖesiaɖe to yo ŋsin mɛ. ¹¹ Ena amɛɖewo sigbe Amɛdɔndɔnwo, Amɛɖewo sigbe nyɔnuɖɛtɔ, amɛɖewo gbefanɖela,amɛɖewo sigbe pastɔwo yi ɖɔkita- enufiatɔwo, ¹² sɔna amɛkɔkɔɛwo yo djadjraɖo kudo subɔsubɔ dɔ lɔ nɛ Kristo yo ŋtsilan yo tutuɖo. ¹³ kakavana be nɛ miaɖo xɔse ɖeka kudo nunya ɖeka so Mawu viɛ ŋtsi. Nuwuwulɔ mianyi kristotwo tsinɛ sin yi mianɔ sigbe be Kristo nɛnɛ. ¹⁴ Benɛ miŋgbe nyi ɖeviwo tsi aya lɔnɔ ɖenu O, ɖeviwo tsi nufiafia baɖawo lɔnɔ ɖenu, amɛgbetɔwo yo amɛbleble, kudo wo ayemɛnu asɔ flu amɛ. ¹⁵ Vɔ le nyawo fiafia mɛ, le lɔlɔn mɛ lɔ, miasiŋ le Kristo mɛ, amɛtsinyi eta. ¹⁶ Enanɔ be kristotɔwo siŋnɔ ɖodu yi wolɔnɔ wo nɔnɔwo. ¹⁷ Exɔn ŋtsi lɔ , ŋle nusin doɔ mi be mi ŋgbe zɔn sigbe trɔnsubɔlawo nɛnɛ O , le wo tamɛsusu gbegblewo mɛ O. ¹⁸ Wo ŋde kpeŋtsi abu tamɛ so nutsi nyɔ alo ŋde nyɔ O ŋtsi. Wo nyi amɛdjrowo, le numanyamanya tsile wo mɛ ŋtsi kudo wo djimɛsinsin. ¹⁹ O sɔ woɖekuiwo sɔna agbebaɖa kudo agbe xoɖi nɔnɔ kudo egalɔlɔn. ²⁰ Vɔ miawo lɔ, ŋde nyi nɛnɛ yi midjesi Kristo. ²¹ Fifiɛ tsi mise Kristo yo nya lɔ, yi yile nufiaɔ mi lɔ, minya be zɔzɔn nyuitɔ yi nyi anɔ agbe nɛ yo nufiafiawo. ²² Yesu fianu be miaɖasi mia agbennɔnɔ xoxo lɔ kudo mia djidji gbegble tsi kplɔnamɛ yi tsrɔtrsɔmɛ. ²³ Miɖo la ɖɔli mia susuwo. ²⁴ Yi lado amɛyeye, tsi Mawu wa le nudjɔdjɔɛwawa mɛ, kudo kɔkɔmɛ. ²⁵ Soxɔŋtsi, miɖatsi adjeɖaɖa nɛ mianɔnɔɛwo . Keboŋ mito nyawo nɛ mianɔnɔɛwo ɖoŋtsi miakpata mitrɔzu Mawu yo xomɛ. ²⁶ Nɛ mido adɔmɛzui lɔ , mi ŋgbe na nɛ adɔmɛzui lɔ nɛzu nuvɔn O. Kaka zanlado lɔ , edji nɛfanɛ mi ²⁷ nɛ mia ɖe mɔn nɛ legba yatutu mi do nuvɔmɛ O. ²⁸ Fianfitɔ nɛ ɖasi fĩfĩfĩ. Keboŋ nɛ hade be nɛ ykpɔ amɛtsiwo le hianmɛ. ²⁹ Mi ŋgbe xo nuxo yakayaka O. Vɔ mia nuxowo nɛnyɔ yi nɛdo ŋsin, nɛna ŋkɔyiyi amɛɖe tsi lase. ³⁰ Mi ŋgbe tsizo nɛ mawu yo gbɔngbɔnkɔkɔɛ tsile miamɛ to mia nuxo xoxomɛ O, ɖo yi mɛ Mawu to blami sɔna ɖeɖekpɔpkɔ yo ŋkekea. ³¹ Mi ŋgbe le amɛ ɖo dɔmɛɔ, alo djinɛku mi, miɖe axuadodo ɖa, amɛzuzu, nuvɔn ɖesiaɖe ɖa. ³² Mikɔadɔmɛ ɖoɖa mianɔnɔwo gbɔ, mia dɔmɛ nɛtrɔ ɖo mianɔnɔwo gbɔ,asɔke mianɔnɔwo sigbe leinɛ Kristo sɔ kemi nɛnɛ.