¹ Pɔlu kristo Yesu yo apotri to mawu yo lɔn lɔn nu mɛ. nɛ dukɔn kɔkɔɛ Mawu tɔ lé Ephéso tsi wo yi lé égbé dji nɔn Kristo Yesu. ² Amɛ nuvé vé nɛ nɔn mia dji yi ŋtsi fafa mia xuétɔ Yesu ksisto kudo Mawu miatɔ mɛ. ³ Kafukafu nɛ yi nɔn Mawu tsi yi nyi mia xuétɔ Yesu kristo yo tɔ. Yi yra mi kodo yr& yra gbɔn gbɔn mɛ tɔ wo kéŋkéŋ lé djipoo nu towo mɛ to yésu kristo. ⁴ Mawu tsian mi lé yéɖékimɛ xoxo gbɔxué xixiɛ va djé gɔn mɛ. Bénɛn mi nɔn kɔkué lé yo ŋkuvi mɛ yi nɛn ényɔn sɔ ɖo amɛ ŋtsi ɖé kpékpui ŋgbé nɔn mia ŋtsio. ⁵ Mawu sɔ mi xoxo bé ya sɔ mi sɔ wa évio to yesu kristo mɛ, lé lé tsi yi yéŋtɔ dji ɖo nɛnɛ. ⁶ Miɔo xɔxɔ lɔ yi nyi ɖo ŋtsi nɛ kafukafu nɛ yo amɛ nuvévé gangan tsi yi nan mi gbalo gbalo to amɛ tsi yi lɔn min. ⁷ Lé yesu mɛ lɔ mi kpɔ gbigbɔ ga dji to yo hunɔ mɛ yi kudo nuvɔno sɔsɔké lé amɛ nuvévé yo tsi nɔn yi tɔ mɛ. ⁸ Esɔ amɛ nu vévé xɔn daɖo mia dji to nunyan kudo gɔn mɛ sésé wo kéŋ kéŋ mɛ. ⁹ Mawu nan mi djéshi taɖodji nu wlawla tsi yi lé shi lé énu tsi yi djɔ nɔn dji ni nu, tsi nɛ yi ɖé fiɔ lé kristo mɛ. ¹⁰ Kriso yo dɔ lɔ nyi totomɛ ɖé nu gamɛ lɔ wo nuwuwu, bé nɛ woa va bɔ énuwo kéŋkéŋ lé djiŋkushi kudo anyi gban dji, lé axuétɔ ɖéka pɛ gɔn mɛ tsi yi nyi kriso. ¹¹ To kriso dji lɔ wo yo mj bé tsinɔn ɖutɔwo. Exɔn nyi ényɔn mɛ soso nɛ mi xoxoxoo. Le totomɛ amɛ tsi yi wanɔn énuwo kéŋ kéŋ lé yo lɔn lɔn nu mɛ. ¹² Mawu yɔ mi bé tsi nɔn ɖuviɔ bénɛ mia tɛŋ a nyi alɛ tutugbɔn tsi wo yi la man énu lɛ toto lé Kristo mɛ, gan xɔn mɛ lɔ mi la tɛŋ anyi kafuk&fu nɛ yo ŋtsi kɔkuɛ. ¹³ Lé Kristo mɛ, miawo tsan lɔ, tsi mi sé nyanwoɔ lɔ, Enyɔn tsi yi nyi xlungan miatɔ, yi xɔɛ djisé, yi mi xɔ gbɔn gbɔn kɔkué tsi yo ŋgbé yi wo donɔn mi lɔ. ¹⁴ Gbɔn gbɔn kɔkuéɛ lɔ yi nyi tshinɔn nu mia tɔ yo ta kpɔtɔ kaka va sɛn ga tshi mɛ yi mi la ginɖo mɛ blibo tɔ. nɛ kafukafu nɛ yo ŋtsi kɔkué. ¹⁵ Exɔn ŋtsi lɔ so gatsi mɛ yi ŋsé mia nyɔn sɔ kuɖo mia xɔsé lé axuétɔ yésu Kriso mɛ ŋtsi lɔ kudo mia lɔn lɔn lé dukɔn kɔkuɛ Mawu tɔ lɔ ŋtsi. ¹⁶ Nyinŋdé gbɔn dji akpé dodo nɛ mawu ɖo mia ta lé axi gbédodo ɖao mɛɔn. ¹⁷ Ŋlé égbé doɔ ɖa bé Mawu tsi yi nyi mia xuétɔ yésu Kristo tɔ, ŋtsi kɔkué yo tɔ, nɛ nan mi g ɔn gbɔn tsi yi nunyan kodo énudjédjéshi, kudo énuwluawlua wo mi nɛ mia tinŋ a djéshi. ¹⁸ Ŋlé égbé doɔ ɖa bé mia ŋkuvi nɛn dodjéshi nu bé nɛ mia tinŋ anyan énu tsi yi nyi émon kpɔ kpɔ tsi ŋtsi yi yi yɔ mi ɖo kudo tsinu gangan lé amɛ kɔkuɛ wo kéŋ kéŋ tsi lé Mawu yio djukɔn mɛ. ¹⁹ Yi lé axun gbédodoɖa wo mɛ lɔ ŋbiɔ nɔn bé mia djéshi kloklomɛ gangan tsi yi lé yo ŋsɛn shi lé miɔn amɛtsi wo yi xuɛ wo domɛ, lé édɔwawa yo kloklo mɛ tɔ nu. ²⁰ To nusɛn xɔn ké mɛ yi mawu wua édɔ to Yesu dji lé gatsi mɛ yi fɔui so amɛkuku wo dolɛ yi sɔɛ sɔ ɖo yo nu ɖu shi mɛ lé djipo. ²¹ Esɔ Kristo sɔ ɖo anyi nɔnɔn ɖo tamɛ nɔn atshɛ kpakpa wo kéŋ kéŋ, édji ɖuɖu wo, ŋsɛn, kudo amɛ tɛtɛ ɖo do wo, kudo nyikɔ wo kéŋ kéŋ dji. Kristo la kpatshɛ lé égbɛ kaka sɔ yi mavɔ mavɔ. ²² Mawu sɔ énuwo kéŋkéŋ sɔ ɖo afɔ gɔn mɛ nɔn Kristo yi sɔɛ sɔ nan tshɔtsiɛ lɔ shi gbé éga ɖo énuo kéŋ kéŋ dji. ²³ Tsɔthiɛ lɔ nyi uo utsi lan, blibo dédé nɔn amɛ tsi yi lé énuo kéŋ kéŋ waɔ lé mia kéŋ kéŋ mɛ.