¹ Miawo lɔ, mi ku san tk mia nuvɔn wo mɛ. Exɔn ŋtsi yi mi lé zɔn zɔn lé xixié tsɛ mɛ y o zɔnlin nu san. ² Mi lé zɔn zɔn lé ayamɛ gban gban wo yo athɛ kpa kpa mɛ san. Yi nyi gbɔn gbɔn tshi nyi amɛ tsi yi lé édɔ waɔ lé éto maɖomaɖo vio gbɛmɛ. ³ Miɔn kéŋ kéŋ mi lé maxɔ sétɔ xɔn wo mɛ san, mi wanɔn nu lé djidji vui mia ŋtsi lan tɔdji, mi wa nɔn dji dji mia ŋtsi lan tɔ kudo mia tamɛ susuo. yi mi nyi domɛsi vio shigbé amɛ kpɛtɛo nɛnɛ. ⁴ Vɔa mawu nyi dɔkɔun nɔn lé ŋshishi kuku namɛ mɛ ɖo lɔn lɔn gan gan tsi yi sɔ lɔn mi lɔ ŋtsi. ⁵ Vɔ mi ké ku lé mia nuvui wo ŋtsi xoxo. Etrɔ hin mi gbɔva agbé wéwé mɛ lé Yesus Kristo mɛ. ɖo to amvmɛ nu vévé mɛ yi mi kpɔ hlɔuin gan lé. ⁶ Mawu trɔ fɔn mi yi sɔ mi sɔ daɖo djipo lé Kristo Yesu mɛ. ⁷ Ewa énu tshɛ alébé lé éhué tsio yo gbɔn nɔn ya tɛun asɔ yo amɛ nu vévéɛ sɔ fia mi to yo dɔmɛ nyui wawa to Kristo Yesu tɔ mɛ. ⁸ ɖO to xɔsé mɛ yi wo xlɔun mi gan lé to xɔsé min, yi énu tsɛ ŋdé so mia gbɔ, Mawu yo nunanan yɔ. ⁹ Ŋdé to édɔ wawa mɛ yɔ yi nɛ amɛ ɖé la va nɔn alɔ xuɔ akɔn bé éyé yi wuɛ. ¹⁰ ɖO lɔ mawu yo nuwawa wo yi mi nyi, yi wo wa mi kɛ Kristo Yésu mɛ bé nɛ mia tinŋ wa édɔ adodui tsi wo yi wo yi mawu draɖo daɖɛ nɔn mi bé nɛ mia tɛnŋ azɔn lé mɛ. ¹¹ Mi ɖo ŋkuvi bé san lɔ mi nyi maxɔsé tɔwo lé anyi lé agbaza mɛ; wo yɔ mi: "mitɔtɔnɔnwo" to énu tsi yi wo yɔnɔn bé évososo lé agbaza mɛ tsi yi wo sɔ agbétɔ o lɔ wo sɔ wa. ¹² Le gaxoxo xɔn mɛ lɔ wo klan mia kudo Ktisto kpo domɛ. Mi nyi amɛdro nɛ Izraeli vio. Mi nyi amɛdro nɛ nubla bla tsi kuɖo ŋgbé dodo mawu tɔ ŋtsi. Yi miŋdé gbé ɖo kankan ɖo dji ɖékpékpui ɖo ésɔ tsi gbɔn nɔn utso. Mi lé xixiɛ mɛ Mawu ma nɔn mɛ. ¹³ Vɔ fifiɛ lɔ, lé yésu mɛ lɔ, miɔn tsi wo yi dji dji do mawu gbɔ san lɔ. mi va gogo Mawu to Yesu yo hunɔ mɛ. ¹⁴ Do yi nyi miao ŋtsi fafa yi éwa mi trɔ zɔun ɖéka. to yo ŋtsi lan mɛ lɔ égban égli tshi yi man miɔ kui kpo domɛ lɔ. ¹⁵ Yo gɔn mɛ yi nyi bé éɖé ésé kudo égbé dashi lɔwo djo alébé ya tinŋ a wa énuwawa yéyé lé yéŋtɔ mɛ. ¹⁶ Ewa énu tsɛ bé nɛ ya tɛŋ atsa édu amɛvéɛo ɖo Mawu ŋtsi yi woa trɔ sun ŋtsi lan ɖéka. Kudo atshi soga lɔ éɖu éké wawa wo dji. ^{17 19} Yɛŋtsi lɔ mi amɛ tsi wo ŋdé nyi yuda tɔwo lɔ miŋdé gbé nyi émɛ dro o. ké boŋ lɔ mi nyi nɔnvio kudo émɛ tsi wo yi mawu tsian wo kudo Mawu yio xomɛ tɔ wo. ²⁰ Wo tsu mi ɖo gɔnmɛ ɖo kpé apotrio kudo ényɔn nudaɖɛtɔwo tɔ dji. Yesu ŋtɔ nyi zogo dji kpéɛ lɔ. ²¹ Lé yɛmɛ lɔ éxɔlɔ kéŋ kéŋ nɔn nɔn té sɛnsɛn yi nɔn nɔn hihiɔn shigbé tsɔtsi xɔ axuétɔ lɔ tɔ nɛnɛ. ²² Yɛmɛ ke yi miɔn wo than wo mi lé mia ɖékio tuɔ ɖodu lé shi gbé nɔnxué Mawu tɔ nɛnɛ lé gbɔn gbɔn mɛ.