¹ Teofil, ŋ xonuxo nɔn wo le woma tsutsugbɔn tsinyɛ mɛ so enutsiwo Yesu tɔ wawa kudo enu tsiwo yi i tɔ fiafia, ² kaka va sɛn ŋkeke tsi dzi yi i dose nɛ apotri tsi wo yi i tsan to gbɔngbɔn kɔkɔɛ mɛ, keŋ gbɔxue o kɔɛ yi dziŋkusi. ³ amɛ tsi wo yi i ȡe yiȡokui fia agbe agbe le yi o aya ȡuȡu godo. Eze nɔ wo sɔ na ŋkeke ka, le dzesido sugbɔ mɛ, le nuxo xoɔ so mawu o fiɔȡuxueɛ ŋtsi. ⁴ Gatsimɛ yi i le edu kudo wo a, e do ese nɔ wo be wo gbe yi didi xue le jérusalem duɔ ŋtsi o vɔa be wa nɔte kpɔ mawu o adjɔgbe fianfian, tsi mɛ yi nu le be: " Mi se so gbɔ nyɛ ⁵ be kaka va na fifia jan le amɛ nyrɔn ȡo esi ȡeȡe mɛ, vɔ a mi wo ya, o la nyrɔ mi ȡo gbɔgbɔ kɔkuɛ mɛ le ŋkeke vi tsi wo gbɔnɔ wo mɛ. ⁶ Gatsimɛ wo va bɔ ȡo dua wo biɔɛ se be: " Axuetɔ, gatsɛ mɛ yi o le dja djra Israel o fiɔȡuhue ɛ ȡo a?" ⁷ Eȡo ŋtsi nɔ wo be: " ŋȡe le nɛ mi be mia nya gamɛ alo azan tsi axuetɔ ȡo le yeŋtɔ o ŋsɛn mɛ o. ⁸ Vɔa mi la xɔ ŋsɛ ɖe, gbɔgbɔ kɔkɔɛ la ɖi ɖo mia dzi, yi mi la trɔ ȡase ȡutɔ tsi nyɛn wo le jérusalem, le judea nyigban dji kudo samaria, kaka sɔ yi anyigban o vɔvɔ nu." ⁹ Etsi i nu enyɔ tsɛ wo nɔ wo vɔa, yi wo le kpɔkpɔɛ wa, wo kɔɛ djo yi djiŋkusi, yi lilikpo bui le ŋmɛ nɔ wo. ¹⁰ Tsi wo kpɔtɔ le djiŋkusi kpɔ wa, zeȡeka, ŋsu amɛve le awu í mɛ ze, yi nɔte le ŋmɛ nɔ wo. ¹¹ Wo tsan wo nu be: " Mia galiléa ŋsu wo, ŋȡe wa mi lete le djiŋkusi kpɔ ȡoȡa? Yesu xɔn tsi dzo yi djiŋkusi a la gbe trɔgbɔ le nɔnɔ mɛ xɔn ke tsi mɛ yi i dzo le miagbɔ lea." ¹² Eyomɛa wo dzo yi eto tsi o yɔnɔn be amito tsi sɔ jéruzalem gbɔa dji, tsi la nɔ sigbé sabato gbe o azɔnli zɔnzɔn nɛnɛ. ¹³ Tsi wo gbɔva, wo djo yi asanŋ tsi mɛ wo nɔnɔa mɛ. Piere, djaki, André, filipu, Toma, Barthélémy, Mathieu, Djaki Alphé o vi, Simon Zélote kudo jude Djaki o vi. ¹⁴ Wo keŋkeŋ ledu le gbedoȡa kudo kuku ȡeȡe mɛ kudo mariya yésu énɔn lɔ kudo nɔnviɛ wo. ¹⁵ Le ŋkeke xɔn wo dzia, Pita site le nɔnviɛwo domɛ, wo hɛhlɛ mɛ le sigbe ekatɔn nɛnɛ, yi i nu be: ¹⁶ " nɔnvio, ele veveȡe be ŋɔnŋlɔn lɔ wo nɛ kpɔ emɛ vava, sigbe letsi gbɔngbɔn lɔ xonuxo to David o numɛ so yuda ŋtsi, yɛ tsi ta emɔn nɛ amɛtsi wo va le yesu. ¹⁷ O hlín ȡo míamɛ yi i kpɔ gomɛ le adzɔ tsi kuȡo edɔ lɔ wawa ŋtsi. ¹⁸ (Egbéa ŋsu tsɛ xlue agble kudo ega tsi yi i xɔ le edɔ vuɛnȡi tsɛ wawamɛ. Exɔn a, edje anyi yi ŋtsilan yitɔ so ȡo dodomɛ, adɔmɛnu yitɔ wo kankan. ¹⁹ Yerusalem tɔ wo nya enyɔn tsɛ o yi wo ȡo nyinkɔ nɛ agbleɛ ȡo wo gbe mɛ be Hakeldama, tsi gɔnmɛ nyi be, ehun gble.) ²⁰ Yi ŋtsi o ŋluin ȡo somu wo woma mɛ be: yio nɔxue la trɔ zogbe yi amɛȡe ŋȡa nɔ emɛo. Yi wo nɛ sɔ edɔ yitɔ a sɔ na amɛbu. ²¹ Ele veveȡe be, le amɛtsiwo nɔn kudo mi gatsimɛ awuetɔ lɔ le miadomɛ, ²² so ejan amɛ nyrɔntɔ o gamɛ kaka va na awuetɔ lɔ o lelea, amɛtsi wo ȡu fɔnfɔn so éku o ȡaséɛ kudo mi o domɛtɔ ȡeka nɛ kpe nɔn mi. ²³ " Wo tɔ asi ŋsu amɛve, joseph tsi o yɔnɔn be Barsabbas, tsi o nyikɔ gbe nyi justus, kudo Matthias dji. ²⁴ Wo le egbe doȡa dzi le nunuɔ be, " Ewo axuetɔ, o nyan amɛȡekpekpi o dji, yiŋtsia tsan amɛve tsɛ o domɛtɔ ɖeka, ²⁵ nɛ ya tɛŋ kpɔ gomɛ le sũmɔn sũmɔn dɔ, kudo apotri dɔ tsɛ tsi gbɔ yuda djo lé be ya yi nɔn yéȡokuisiɛ." ²⁶ Wo dakɔ. Akɔa ȡe Matthias yi wo hlín kpe apotri wuiȡeka lɔ wo.