¹ Etsi pentekotu o ŋkekeɛ va ȡoa, wamɛ keŋkeŋ ledu le afiȡekɛ. ² Zeȡeka, egbe ȡe ȡi so djiŋkusi sigbe aya sínsí nɛnɛ, yi i ȡɔ awue tsi mɛ wo leɛ. ³ Ezo wo ȡeo ze nɔn wo, yi man ȡo wodji, yi i nɔn wo dzi amɛtɔɛ amɛtɔɛ. ⁴ Wo ȡɔ kudo gbɔngbɔn kɔkɔɛ yi wo tɔ egbe bu o dodo sigbe letsi gbɔngbɔn lɔ ȡui nɔn wo nɛnɛ. ⁵ Walɛbɛ xɔa yudatɔ ȡeo le jérusalem, ŋsu tsio vɔnɔn mawu, wo so edu tsiwo yi le djiŋkusi gonmɛ o mɛ. ⁶ Tsi egbeɛ ȡia, amɛha va bɔ yi avo xo wo ȡo amɛsiamɛ le enyɔn tsi nuɔ wo leɛ seɔ ȡo yeŋtɔ o gbe mɛ. ⁷ Edji djɔ wo yi i kpatsa wo. Wo le nunuɔ be, " Alo, mɛtsi wo le nuxoɔ xoɔȡe, ŋȡe galilea tɔwo yi wo nyi lo?. ⁸ Ŋȡéŋtsi mí lé wo nyɔ̂nunuo séɔ ȡo miadigbé mɛ ȡo? ⁹ Perse, Mẽdes, kudo Elamite, kudo amɛ tsi wo nɔ̂nɔ̂ Mésopotamie, le judé kudo le kappadoce, Pont kudo Asie, ¹⁰ le Phrygie kudo Pamphylie, Egypte kudo Lybie o nyigbandji so gogo Cyrène, amɛdjro tsi wo so Rɔma, ¹¹ juifs wo kudo Prosélytes wo, Krétoi wo kudo Arabe wo, mi lé séséɔ ȡo mia gbé mɛ wo le nuxo xoɔ so mawu o ŋsɛn dɔ o tsi ¹² Edji djɔ wo yi i gbé kpatsa wo; Wo le nunuɔ le wonɔ̂nuio domɛ be:" Egɔnmɛ ȡe? ¹³ Vɔa amɛȡéo lé alɔmɛ ȡéɔ le nunuɔ be: " Wo mu aha. ¹⁴ Zéȡéka Pita sité kudo wuiȡékawo yi kɔ égbé yi dji, to nɔn o be: " judétɔ wo, kudo miɔwo tsi nɔ̂nɔ̂ jérusalem, mi sé ényɔ̂ tsɛ; ényɔ̂ tsinyin tsɛo nɛ ȡo mia towo mɛ. ¹⁵ Amɛtsɛo ŋȡé mu aha sigbé létsi mi bui nɛnɛo, nɛnɛtsâ ŋkékéɛ lɔ o gaxoxo wuitɔ̂ lɔ mɛ ke mɛ mi lé. ¹⁶ Vɔa ényɔn tsi nyɔnudaȡɛtɔ joel nuɔ ke: ¹⁷ le ŋkéké kpɔtɔɛo djia, mawu be " na ȡɔli gbɔ̂gbɔ̂ nyɛ kɔȡo ŋtilâ ȡékpékpi dji, mia vi ŋsu kudo mia vi nyɔ̂nu wo la nu ényɔ̂ daȡɛ. Mia viwo la kpɔ avimɛ nuo, yi amɛ sínsín miatɔ wo la ku édrɔ wo. ¹⁸ nɛnɛkéa, le azan xɔ̂wo gbéa na kankan gbɔ̂gbɔ̂ tsinyɛ ȡo sũmɔ̂vi tsinyɛ ŋsu kudo nyɔ̂nu wo dji, yi wo la nu ényɔ̂wo daȡɛ. ¹⁹ Na ȡé amliman nuwo fia le djiŋkusi yi lé anyigbâdjia djésiwo la zé, éhũn, ézo, yozo kudo azizɔ. ²⁰ Djéŋkɔ nɛ azân gân xɔ̂n, djési zân xɔ̂n tsi nyí axuétɔ lɔ o trɔtrɔva zân, éwé la trɔzũn vivitsi yi wétsri la trɔzũn éhũn, ézo, yozo kudo zizɔ. ²¹ Exɔ̂a, amɛȡékpékpi tsi la yɔ axuétɔlɔ o nyikɔa la kpɔ wlũɛgân. ²³ Izraẽl ŋsuwo, mi ȡoto ényɔ̂n tsɛwo: yésu Nazareti tɔ, ŋsu tsi ŋtsi mawu ȡu ȡasé ȡo to édɔgân wo kudo énu nyânkpɔkpɔwo mɛ, to djésiwo, tsi mawu ŋtɔ wa le miadomɛ, sigbé létsi miɔŋtɔ mi nyí nɛnɛ; ²² to mawu o ȡoȡo kudo adaŋ djia, o xɔɛ le ésé nyâtɔwo mɛgân o si, wo kɛ yi wo wui; ²⁴ Mawu fuín so éku, yiŋtɔ ȡégaɛ le éku o vévésésé wo si, ȡo éku ŋȡa tɛŋ li daȡɛo. ²⁵ Ðo David nu so ŋtsi be: ŋ kpɔnɔ̂n awuétɔlɔ gasiagamɛ le ŋkɔ tsinyɛ, ȡo élé ȡusi dji nũ nɛ vɔ̂vɔ̂ ŋgbé ȡoŋ o. ²⁶ Nɛnɛa édji nyɛ lé djidjuɛ kpɔkpɔmɛ, yi aȡé tsinyɛ lé éwé djroɔ. Nɛnɛakéa, ŋtsilân tsinyɛ le kankanȡodji mɛ. ²⁷ Ðo ŋȡa tasi ékla tsinyɛ ȡo amɛ kukuo dio, yi ŋȡa tasi amɛ kɔkɔɛ tɔwoɔ nɛ ya xoȡio. ²⁸ O ȡé xixémɛ mɔnwo fiaŋ; O la ȡɔŋ kudo axo amɛgbɔ nɔ̂nɔ̂ ²⁹ Nɔ̂nviwo, mi ȡémɔ̂nu bɔbɔɛȡé nɛ ma xonuxo nɛ mi so tɔgbi Davidi ŋtsi: E ku yi o ȡi, yi yɔdo yitɔ kpɔtɔ le mia domɛ kaka va na égbɛ. ³⁰ Enyi nyɔ̂nudaȡɛtɔ yi inyâ be Mawu fiâ adjɔgbé be ye la sɔ djidjimɛvi yitɔ ȡéka sɔȡo yio fiɔzikpi dji. ³¹ O kpɔɛ ȡaȡɛ yi o nu so kristo o fɔ̂fɔ̂ so éku ŋtsi be: o ŋȡa ȡasi ȡo yɔdomɛo, nɛnɛké o ŋȡa ȡasi yio ŋtsilân la xo éȡio. ³² Krito xɔ̂a, Mawu kɔɛ ȡo dji, yi miamɛkeŋkeŋ mi nyi yio ȡasé ȡutɔo. ³³ Etsi okɔɛ ȡo dji lé mawu o ȡusi mɛa, o fian mawu o gbɔ̂gbɔ̂ kɔkɔɛ o adjɔgbé ni, e kankin, yi kpɔ, yi séɔ milé. ³⁴ Ðo David ŋȡe yi djiŋkusio, vɔa énu be: " Axuétɔa tonɛ axuétɔ tsinyɛ be, nɔn anyi ȡo ȡusimɛ nu, ³⁵ kaka sɔ na gatsimɛ na sɔ kétɔo wo sɔ wa axo afɔȡodjinuo. ³⁶ Izrael o awuédowo nɛ nyan be mawu sɔɛ wa awuétɔ, krristo, yésu tsi mi ka ȡoa atsi soga dji. ³⁷ Etsi wo ȡotuia, nuxoɔ tɔ édji nɔn wo yi wo tonɔn Pédro kudo apotri kpɔtɔɛwo be :" Nɔnviwo ŋȡe mi ȡo la wa? ³⁸ Yi Pédro ȡoŋtsi nɔn wo be: " Mi trɔ djimẽ yi mi na nɛ wa nyrɔ̂ mi, mia domɛtɔ ȡéka ȡéka, le Yésu kristo o nyikɔ mɛ nɛ mia nuvuínwo sɔsɔké, yi mi la xɔ nunana, gbɔ̂gbɔ̂ kɔkɔa. ³⁹ Tsio djɔgbé o fian nɔ mi, nɛ mia viwo keŋ kudo amɛtsiwo lé azɔgé, lé gbɔsusumɛ tsi mia xuétɔ Mawu la yɔ. ⁴⁰ Eȡu ȡasé le nuxo xoxo buo mɛ be: " mi hlũɛ miaȡokuiwo le djidjimɛ vuɛnȡi tsɛo si. ⁴¹ Amɛ sugbɔ le amɛtsiwo xɔ édji séɛ o mɛ xɔ nyɔ̂nyrɔ̂, yi le ŋkéké xɔ̂ mɛa osɔ ékla sigbé hɛnhlɛnmɛ hotu étɔ̂ nɛnɛ sɔ kpé nuklaviɛwo. ⁴² Wo do vévénu le apotriwo nufiafiao mɛ, le kpɔ̂nɔ̂ mama kudo gbédoȡa mɛ ⁴³ ̂Vɔ̂vɔ̂ lé wo kla wo, yi apotrio wa ŋdâdonu sugbɔ kudo ȡéȡéfia wo. ⁴⁴ Amɛtsiwo xɔséo kéŋkéŋ ledu yi énu nɔ̂ amɛsio kéŋ zũn ȡéka nɔ̂n wo, ⁴⁵ Wo lé énunɔ̂amɛsi kudo adɔkũn wotɔo saɔ yi wo lé éga lɔ maɔ lé wonɔ̂nuiwo domɛ sɔ kuȡo amɛ ȡékaȡéka o kuxio ŋtsi. ⁴⁶ Yi le gbésiagbéa, wo nɔ̂nɔ̂ kpɔ̂nɔ̂ ŋɛɔ le gbédoȡa xɔmɛ, lé awuéo mɛ, yi wo nɔ̂nɔ̂ nuȡuȡu maɔ lé wonɔ̂nuiwo domɛ kudo djidjɔɛ kudo édji kɔkɔɛ. ⁴⁷ Wo lé mawu kafuɔ le dukɔ̂n lɔ o amɛnuvévémɛ. Le gbésiagbéa, awuétɔ lɔ sɔnɔn amɛtsiwo xɔ katutuo kɔnɔ̂ ȡo wodji.