¹ Fifiɛlɔ milé mia biɔ, nɔviwo,sɔ kuȡo mia Axoétɔ Yésu Kristo yo vava ŋti kudo mia kui yo gododo ŋti, ² bé mi ŋgbé tsaka fafaȡé lé mia susuwo mɛ, alo mia gbɔngbɔn mɛ, so nyan ȡé ŋti, alo to woéma ȡé tsi ŋdé so mia gbɔ; nɛ mia xɔsé bé Axoétɔ lɔ ŋkéké ȡo vɔ. ³ Mi ŋgbé na nɛ woa blémi to mɔ ȡékpékpé nu alo to amɛȡé kpékpé dji o. Sɔkuȡo ŋkéké tsɛ ŋti lɔ, etsɛ ŋda kpɔ émɛ vava nɛ ényɔlɔ ŋdé kpɔ yi amɛgbétɔ ésémaȡo lɔ, énugblévilɔ ŋdé va zé o. ⁴ Yi nyi amɛtsi tsitré yi so ȡo Mawu ŋti, kudo yo subɔsubɔ yi yilé djiddjiɔ la xɔ Mawu yo fiɔzikpéɛ yi sɔ yiŋtɔ sɔ lé Mawu wɔɔ. ⁵ Ðé mi ŋȡokui bé ŋnu nyɔ tsɛwo nɛ mi tsi ŋnɔ mia gbɔ? ⁶ Fifiɛlɔ minya nutsi xémɔn ni bé ŋgbé so ȡé Mawu ŋtsi o, vɔ wola ȡéfia lé gaxoxo nyui tɔ mɛ. ⁷ Ðolɔ amliman nya sɔkuȡo nuvɔn ŋtia lé dɔdji, vɔ Mawu lé ȡo té kaka va ȡo gatsimɛ yila ȡéȡa. ⁸ Kéxɔnlɔ, aglandjéviɛ la zé yi Axoétɔ Yésu la wui toi yo numɛ yaxoxo yi yila trɔɛ nugbalo lé yo vavamɛ. ⁹ Busunulɔ vava lava émɛ to Satanã kudo ŋsɛn dji, djésiwo, kudo alakpa nukunuwo, ¹⁰ Kudo numadjɔmadjɔ ȡésiaȡé nɛ amɛtsiwo yinɔ tsrɔntsrɔn gbé, ȡolɔ wo ŋdé xɔ nyawo yo lɔnlɔn tsi wo sɔ kpɔnɔ ȡéȡéo. ¹¹ Yi ŋtsi lɔ Mawu sɔ émɔtratra yo gbɔngbɔn sɔna wo, bé nɛ woaxɔ adjéȡaȡa dji sé. ¹² Bé nɛ woa so kodjo nɛ woakpata, amɛtsiwo ŋdé kpɔnɔ djidjɔ lé so nyɔ djɔdjɔɛ ŋti o. ¹³ Mi kpɔtɔ lé akpé doɔ ȡé mia ta nɔvi lɔnlɔntɔ Axoétɔlɔ tɔwo,ȡo Mawu tsan mi sigbé nuku gbantɔ nɛ ȡéȡékpɔkpɔ lé gbɔngbɔn kɔkɔɛ yo kɔkɔnyɛnyɛ mɛ kudo nyawoa dji xɔsé, ¹⁴ Tsiŋtsi yi yomi ȡo to mia nyanyui dji bé nɛ mia xɔ mia Axoétɔ Yésu Kristo yo ŋtikɔkɔɛ. ¹⁵ Yiŋtilɔ nɔviwo, minɔ té sinsinȡé, milé kɔnuȡoȡo tsi mi fia mi fia mi to nuxo xoxo mɛ alo mia woéma ŋlɔŋlɔ mɛ. ¹⁶ Mia xoétɔ Yésu Kristo ŋtɔ kudo mia Tɔ Mawu tsi lɔn mi yi yisɔ amɛlélé tɛgbɛ kudo kankanȡédji to amɛnuvévé tsi gbɔnɔ mɛ, ¹⁷ milé mia nɔnɔwo yi mido ŋsɛn mia nɔnɔwo lé mia djiwo mɛ lé dɔnyui wawa mɛ yi lé ényɔnyui ȡésiaȡé mɛ.