¹ Fifiɛ lɔ, nɔnvi lɔnlɔn tɔ wo; nan wlɛn woma evetɔ lɔ non mi yi la sɔ nudjedjeshi miatɔ ɖote. ² Non mia ŋkuvi enyɔn xoxo tsi nyɔnnuɖɛ tɔ kɔkɔɛ wo nu daɖɛ kudo gbeta yi mia xuetɔ ku xɔnanmɛtɔ mia sɔ to apotriwo dji. ³ Mi nyan ŋkɔ tɔ be amɛ kotɔwo la va le azan godotɔ gbe; kudo amɛkoko wotɔ wo le zonzon ku edjrowotɔ. ⁴ Yi nu be; fiɖe nugbe dodo trɔtrɔ valɔ tɔ le? Mia tɔwo ku vɔ enuwo gbe le nin nin sɔ tɔtɔdji agbetɔ tɔ. ⁵ Wo ɖo djro yi hlɔnbe be djŋkushi ku anyigban nyi wawa ku shi to eshimɛ yi mawu nyɔn nan mi nyan xoxo; ⁶ yi sɔ ti yio nyɔn mɛ, yi mi nyan be xixeɛ bu tsi eshimɛ yi gble. ⁷ Yi mi gbe se to enyɔn lɔ mɛ be wo gbe djiŋkushi ku anyigban daɖɛ non emiɔ wo gbiɖɛ non azan kod joɖoɖo tɔ ku enugblegble baɖa tɔ. ⁸ Lɔnlɔn tɔ adodui wo; mi ŋda wlɔnbe enu ɖekao; ŋkeke ɖeka ku axuetɔ lɔ le shibeexue kotokɔn ɖeka xa yi exue kotokɔn le shibe ŋkeke ɖeka xa. ⁹ Axuetɔ ŋda djidjile nugbe dodo yetɔ wo sɔsɔ tsɛ min shibele tsi amɛwo bui xa. Vɔ eɖo djigbɔnɖɛ ɖaɖa mia gbɔ.Ŋde dji be amɛɖe nin dɔn; vɔ edji be amɛwo kekeŋ nin va djimɛ trɔ trɔ gbɔ ¹⁰ Yi gaxɔnmɛ ŋkeke axuetɔ la va shibe fiafinɔn xa. Djiŋkushi la va yi ku egbe gangan ɖe. Enu wo fiɔn ku emiɔ; wo la ɖo kodjo non anyigban ku eɖo yetɔ wo. ¹¹ Ɖo wo la gble enu xɔnwo kekeŋ nin nin; amɛ ɖe va mi la nyi le kɔkɔɛmɛ non djɔdjɔɛ nyi nyi ku ŋshishi kuku mɛ. ¹² Wo le mon kpɔ djigbɔn ɖe lɔ nɔn azan mawu tɔ wo vava ; yi gaxɔnmɛ lɔ wo la ɖo emiɔ djŋkushi yi wo la gble enu wawa wo. ¹³ Vɔ miɔ wolɔ mi la nonte shibe le tsi yi nuxa djŋkushi yeye ku anyigban yeye tsi dji djɔdjɔɛ nyinyi la non tɛgbɛ. ¹⁴ Yike lɔnlɔn tɔ wo; gatsimɛ mi le tsɛ wo sekɔ; mi dje agbagba a non eɖi maxo ku amɛ tsi enyɔn ɖe ŋde kudo le ŋkɔ yetɔ yi la non fafamɛ kudui. ¹⁵ Mi sɔɛ kpo be djigbɔndɛ xɔxɔ axuetɔ lɔ tɔ nyi gbedoda mia tɔ. shibe lɔnlɔn tɔ mia tɔ Paul ehlɛn xa; to nunyanyan tsi wonin mɛ. ¹⁶ Paul xonuxo xɔnwo kekeŋ le woma tsi we hlɛn min; yi nu enyɔn xɔwo tsi mɛ yi ago sinun man se gonmɛ nan yi amɛ man se tonu kudo amɛ man texɛɖekɛ wo trɔ non ta nɔn enu hlɛnhlɛn non gblegble wo tɔwo tɔ. ¹⁷ Miɔ wo; lɔnlɔn tɔwo tsi wo tsanɖɛ mi non gbedji non mi gbe va tsi shɛni mɛ to emɔn bubu amɛbaɖa wo tɔ; mi ŋde va la hin gbedji nɔn nɔn mia tɔ buo. ¹⁸ Vɔ mi shin amɛnuveve ku nudjedjeshi le mia xuetɔ ku xɔnamɛtɔ Jesu klisto tɔmɛ. Yi mi sɔ amɛnuveve nan so fifiɛ kaka sɔ yi mavɔ mavɔ. ami!